కీర్తనలు 99
99
కీర్తన 99
1యెహోవా పరిపాలిస్తారు,
ప్రజలు భయభక్తులతో వణికి పోతున్నారు;
కెరూబులకు#99:1 కెరూబుల సాధారణంగా దేవదూతలతో సమానంగా పరిగణించబడతాయి, అయితే ఇవి రెక్కల ప్రాణులే కానీ ఏవి అనేది చెప్పడం కష్టము. వీటి శరీర ఆకారం మానవ రూపం లేదా జంతు రూపంలో ఉంటుందని భావిస్తారు. పైగా సింహాసనాసీనుడై దేవుడు కనిపిస్తున్నారు,
భూమి కంపించాలి.
2సీయోను పట్టణంలో యెహోవా వైభవోపేతంగా
అందరికంటే పైన ఉన్నారు.
3వారు మీ భీకరమైన గొప్ప నామాన్ని స్తుతిస్తారు,
మీరు పరిశుద్ధులు.
4రాజు నిజాయితీ కలిగి న్యాయాన్ని ప్రేమిస్తాడు
కాబట్టి మీరు అతన్ని సుస్థిరంగా నిలబెడతారు;
యాకోబు ప్రజల పట్ల అంటే ఇశ్రాయేలీయుల పట్ల
నీతి నాయ్యాలు జరిగిస్తారు.
5మన దేవుడైన యెహోవాను మహిమపరచండి
ఆయన పాదపీఠం దగ్గర ఆరాధించండి;
ఆయన పవిత్రులు.
6దేవునికి చెందిన యాజకులలో మోషే అహరోనులు ఉన్నారు,
యెహోవా నామాన ప్రార్థించే వారిలో సమూయేలు ఉన్నాడు;
వారు దేవునికి ప్రార్థన చేశారు,
ఆయన జవాబిచ్చారు.
7మేఘస్తంభంలో నుండి ఆయన మాట్లాడారు.
వారు ఆయన చట్టాలు పాటించారు ఆయన ఇచ్చిన శాసనాలను వారు అమలుచేశారు.
8యెహోవా మా దేవా,
మీరు వారికి జవాబిచ్చారు.
మీరు వారికి క్షమించే దేవుడు,
కాని వారు తప్పు చేసినప్పుడు మీరు వారిని శిక్షించారు.
9మన దేవుడైన యెహోవాను ఘనపరచండి
ఆయన పరిశుద్ధ పర్వతం దగ్గర ఆయనను ఆరాధించండి.
ఎందుకంటే మన దేవుడైన యెహోవా పరిశుద్ధుడు.
ప్రస్తుతం ఎంపిక చేయబడింది:
కీర్తనలు 99: TSA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
తెలుగు సమకాలీన అనువాదం, పవిత్ర గ్రంథం
ప్రచురణ హక్కులు © 1976, 1990, 2022, 2024 by Biblica, Inc.
అనుమతితో ఉపయోగించబడింది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.
Telugu Contemporary Version, Holy Bible
Copyright © 1976, 1990, 2022, 2024 by Biblica, Inc.
Used with permission. All rights reserved worldwide.