కీర్తనలు 4

కీర్తన 4

సంగీత దర్శకునికి. తంతి వాయిద్యాలతో పాడదగినది. దావీదు కీర్తన.

1నీతిమంతుడవైన నా దేవా,

నేను మిమ్మల్ని పిలిచినప్పుడు నాకు జవాబు ఇవ్వండి#4:1 సంభోదన విభక్తి.

నా బాధ నుండి నాకు ఉపశమనం ఇవ్వండి;

నాపై దయచూపి నా ప్రార్థన వినండి.

2ఓ ప్రజలారా, మీరు ఎంతకాలం నా కీర్తిని అవమానంగా మారుస్తారు?

మీరు ఎంతకాలం భ్రమలను ప్రేమిస్తూ అబద్ధాలను#4:2 లేదా తప్పుడు దేవుళ్ళను వెదుకుతారు అనుసరిస్తారు? సెలా

3యెహోవా తన నమ్మకమైన సేవకున్ని తన కోసం ప్రత్యేకించుకున్నారని తెలుసుకోండి;

నేను మొరపెట్టినప్పుడు యెహోవా వింటారు.

4వణకండి,#4:4 లేదా మీ కోపంలో పాపం చేయకండి.

మీరు మీ పడకలో ఉన్నప్పుడు ధ్యానం చేసుకుంటూ

ప్రశాంతంగా ఉండండి. సెలా

5నీతియుక్తమైన బలులను అర్పించి

యెహోవాపై నమ్మకముంచండి.

6యెహోవా, “మాకు అభివృద్ధి ఎవరు తెస్తారు?”

అని అనేకులు అడుగుతున్నారు

మీ ముఖకాంతిని మామీద ప్రకాశించనీయండి.

7ధాన్యం క్రొత్త ద్రాక్షరసం సమృద్ధిగా గలవారికి ఉండే సంతోషం కన్నా

ఎక్కువ సంతోషాన్ని మీరు నా హృదయానికి ఇచ్చారు.

8నేను ప్రశాంతంగా పడుకుని నిద్రపోతాను.

ఎందుకంటే యెహోవా, మీరు మాత్రమే

నన్ను క్షేమంగా నివసించేలా చేస్తారు.

ప్రస్తుతం ఎంపిక చేయబడింది:

కీర్తనలు 4: TSA

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

తెలుగు సమకాలీన అనువాదం, పవిత్ర గ్రంథం

అనుమతితో ఉపయోగించబడింది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.

Telugu Contemporary Version, Holy Bible

కీర్తనలు 4
నుండి ప్రసిద్ధ బైబిల్ శ్లోకాలు