కీర్తనలు 14

కీర్తన 14

సంగీత దర్శకునికి. దావీదు కీర్తన.

1“దేవుడు లేడు”

అని మూర్ఖులు#14:1 నైతికంగా లోపం ఉన్నవారు తమ హృదయంలో అనుకుంటారు.

వారు అవినీతిపరులు, వారి క్రియలు నీచమైనవి;

మంచి చేసేవారు ఒక్కరు లేరు.

2వివేకం కలిగి దేవున్ని వెదకేవారు ఎవరైనా ఉన్నారా

అని యెహోవా పరలోకం నుండి

మనుష్యులందరిని పరిశీలించి చూస్తున్నారు.

3అందరు దారి తప్పి చెడిపోయారు;

మంచి చేసేవారు ఎవరూ లేరు.

ఒక్కరు కూడా లేరు.

4కీడుచేసే వీరందరికి ఏమీ తెలీదా?

వారు రొట్టె తింటున్నట్లు నా ప్రజలను మ్రింగివేస్తున్నారు;

వారు ఎన్నడు యెహోవాకు మొరపెట్టరు.

5వారు అక్కడ, భయంతో మునిగిపోయి ఉన్నారు,

ఎందుకంటే దేవుడు నీతిమంతుల గుంపులో ఉన్నారు.

6కీడుచేసేవారైన మీరు పేదల ఆలోచనలకు భంగం కలుగజేస్తారు,

కాని యెహోవా వారి ఆశ్రయము.

7సీయోనులో నుండి ఇశ్రాయేలుకు రక్షణ వస్తుంది;

యెహోవా తన ప్రజలను తిరిగి రప్పించినప్పుడు,

యాకోబు సంతోషించును గాక ఇశ్రాయేలు ఆనందంగా ఉండును గాక!

ప్రస్తుతం ఎంపిక చేయబడింది:

కీర్తనలు 14: TSA

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

తెలుగు సమకాలీన అనువాదం, పవిత్ర గ్రంథం

అనుమతితో ఉపయోగించబడింది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.

Telugu Contemporary Version, Holy Bible

కీర్తనలు 14
నుండి ప్రసిద్ధ బైబిల్ శ్లోకాలు