LÚKAS Ujot-ni uñakan
Ujot-ni uñakan
Lúkas cits Najudeu (Kol 4.10,11,14), maa nul aci nacuunkan na yandaari mak ni Pol. Ka pican pëleets ugërek uwar. Nul añakan mak ni anin Yeesu, ni balon bañaan ban yëlan biki pëleentsul uleka ubukara Yeesu, ni ubiiraul, ni pëcätsul, ni unatsareeul di pëcäts. Atsu ngëko bëlieng bi nga ka bi pëci; a na pican ts ulibëru Ngëro. Apican ngëlíbëru ngëtëb ngi, pa nalon niints nawiak ni ka n jakee Teofilu.
Nul Lúkas apiban Yeesu ci ñaan-najin, nan pënë-nii tsi kajër Adam pinja bëlieng; a nul ci-un Naëran umundu bëlieng. Lúkas awël nja iya ibaakër, ilílal: Ki Maaria, ni ki Sakaria, ni ki ngëwaanju di Betëleem, ni ki Simeon. A na leents ts ngëpetsan ngëcumal ngan cits ngi di ngëlon ngëlíbëru Upetsan-uwar; ngëpetsan ngëmënts ci ngun ngi: Yeesu di kato-kayëman, ñaan Samaaria nawara-uwaas, napäts na niami; ni ngëlon kak.
Bi ngëko nekëlar bi
Bi Lúkas yepar bi uwar, bi ngëko par bi ki ujuundi, a na baaraan pë picandar Teofilu (1.1-4).
Uwaanju acar aleents ubukara nayecis bëga Abuk ñaan-najin, ni ubukara Yeesu, nul Abuk ñaan-najin (1.5—2.52).
Bi Joŋ-namijan kë leents bi përim di kajara bërëk Jordan ni bi na mijan Yeesu. Pëka Yeesu nul Abuk ñaan-najin (3).
Yeesu, Abuk ñaan-najin ateen-teenana. Bi Yeesu nul Abuk ñaan-najin kur bi uleemp di Galileeya ni iwitsa i na ro yi (4.1—5.26).
Yeesu, nul Abuk ñaan-najin kë jukan bi, a na rat bafetsul aleents kul bi pësienul ci bi (5.27—6.49).
Yeesu, Abuk ñaan-najin awatsës bërig uleempul wi kayëlia (7.1—9.50).
Yeesu, Abuk ñaan-najin akamanaan banatsaraul katib-irim (9.51—11.54).
Ko wi Abuk ñaan-najin leents wi ni iwitsa i na ro yi utsëpul Jerusalem (12—16).
Yeesu Abuk ñaan-najin ajukan bafetsul (17.1—19.27).
Yeesu Abuk ñaan-najin aband Jerusalem (19.28—21.38).
Pëcäts Yeesu Abuk ñaan-najin ni bi na pebi pëcäts a na natsee (22.1—24.53).
ప్రస్తుతం ఎంపిక చేయబడింది:
LÚKAS Ujot-ni uñakan: KPKNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Le Nouveau Testament en langue Manjaku © Alliance Biblique du Sénégal, 2020.