Fakasigadan 5
5
Adan at ngay Kasugfunanan
1Katatuy at rirukan sabaliwa Adan talanan.
(Dius gina nangawat taw, nawat kata anya. 2Ay nawat mangama ay mangena, ay sanya ginan, nafadante ay nafangayan te, “taw.”)
3Adan nung wa sadik sandan tuluk safuluk banwa, anke sisian sik munama takata anya, ay nafangayan anya te, Set. 4Ay siginan Set nu kasalug, Adan nu gleleg walu yak sandank banwa ay anfamut yay at ngay sisian. 5Adan anbul gina at banwa siamk sandan tuluk safulu.
6Set at banwa nung wa sadik sandan lima, ansalug at sisian sik munama at ngayan Enus. 7Ay siginan Enus nu kasalug, Set nu gleleg waluk sandan e fitu yak banwa ay anfamut yay at ngay sisian. 8Ay Set anbul gina at banwa siamk sandan labi dua.
9Enus at banwa nung wa siamk safulu, ansalug at sisian sik munama at ngayan Kenan. 10Ay siginan Kenan nu kasalug, Enus nu gleleg waluk sandan labi lima yak banwa ay anfamut yay at ngay sisian. 11Ay Enus anbul gina at banwa siamk sandan lima.
12Kenan at banwa nung wa fituk safulu, ansalug at sisian sik munama at ngayan Maalalel. 13Ay siginan Maalalel nu kasalug, Kenan nu gleleg waluk sandan ufatk safulu yak banwa ay anfamut yay at ngay sisian. 14Ay Kenan anbul gina at banwa siamk sandan sadik safulu.
15Ay Maalalel at banwa nung wa unumk safulu e lima, ansalug at sisian sik munama at ngayan Yared. 16Ay siginan Yared nu kasalug, Maalalel nu gleleg waluk sandan tuluk safulu yak banwa ay anfamut yay at ngay sisian. 17Ay Maalalel anbul gina at banwa waluk sandan siamk safulu e lima.
18Yared at banwa nung wa sadik sandan unumk safulu e dua, ansalug at sisian sik munama at ngayan Inuk. 19Ay siginan Inuk nu kasalug, Yared nu gleleg waluk sandan yak banwa ay anfamut yay at ngay sisian. 20Ay Yared anbul gina at banwa siamk sandan unumk safulu e dua.
21Inuk at banwa nung wa unumk safulu e lima, ansalug at sisian sik munama at ngayan Metusela. 22-24Ay siginan Metusela nu kasalug, Inuk nu gleleg tuluk sandan yak banwa ay anfamut yay at ngay sisian ay kanya gafanud tua sas Dius. Ay Inuk at banwa nung wa tuluk sandan unumk safulu e lima, kanya nalyam wan aroro Dius nataban anya.
25Metusela at banwa nung wa sadik sandan waluk safulu e fitu, ansalug at sisian sik munama at ngayan Lamek. 26Ay siginan Lamek nu kasalug, Metusela nu gleleg fituk sandan waluk safulu e dua yak banwa ay anfamut yay at ngay sisian. 27Ay Metusela anbul gina at banwa siamk sandan unumk safulu e siam.
28Ay Lamek at banwa nung wa sadik sandan waluk safulu e dua, ansalug at sadi at munama. 29Ay nalong te, “Tuy ban ku baguama at mafagubuk antam sa tam ngay fagidapun at maksvn sabaliwa nu gfananumun tam aroro sas Yawi at nafaurianan fagdaul daga, nu katanya, gfangayan au anya te, Nui.” 30Ay siginan Nui nu kasalug, Lamek nu gleleg limak sandan siamk safulu e lima yak banwa ay anfamut yay at ngay sisian. 31Ay Lamek anbul gina at banwa fituk sandan fituk safulu e fitu.
32Ay Nui at banwa nung wa limak sandan, ansalug at ngay sisian munama Sem, Kam, ay Afet.
ప్రస్తుతం ఎంపిక చేయబడింది:
Fakasigadan 5: OCCT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Copyright © 2021 by OMF International, Philippines
