Luka 3
3
Likoroto e Yoana Laipatisani
(Matayo 3:1–12; Marko 1:1–8; Yoana 1:19–28)
1Kore ta lari le 15 le nkitoria e Kaisari oji Tiberio era Pontio Pilato laiguanani le Yudea, neitore Erode Galilaya, neitore Pilipo lalache lenye Iturea o nkop e Tirakoniti, neitore Lisanias Abilene, 2ta ng'amata narayie Anas o Kayapas laitainok kutuaa la lasar, nelotu rerei le Nkai neti Yoana layieni le Sakaria etii lkees. 3Nelo Yoana nkopi pooki naamanita sere e Yordan elikoo nkipatisare e nkirriidunoto ee ng'ok nayau mpalikinoto ee ntorrok, 4#Isa 40:3–5tana naigero taatua mbuku ee lomon lo loiboni le Nkai Isaya aajo,
<<Ening'o ltoilo le ilo obuakita te lkees,
entibiraki Laitoriani nkoitiei,
entorioi nkoitieii kunini enyena!
5Kenuki ng'eremi pooki,
neitodouni ldonyuo o lowuan pooki.
Kore nkoito naakordo neitoriori,
naa kore neogum, neitibiri metusupata,
6nedol ltung'ana pooki njeunoto e Nkai.>>
7 #
Mat 12:34, 23:33 Nejoki ꞉Yoana lturrurri loo ltung'ana ootuo meipatisa, <<Naichoi ana ee lasuria! Ng'ae otiaka ntae ing'ataa ngoro nalotu e Nkai? 8#Yoa 8:33Entiiu naa lng'anayio ooiririkino nkirriidunoto ee ng'ok. Emijokino maate, <Kore Abraam, ikiata iyioo era papa lang.> Amu kajoki ntae, keidim Nkai aitibiru nkera too kulo soito metaa nkera e Abraam. 9#Mat 7:19Naa kore abaki taata, eidipaki aatipik ntolu ntana ee lkeek metaa kore pooki cheni lemeiu lng'anayio supati, nedung'uni, nenang'akini nkima.>>
10Neiparichiere ꞉lturrurri ninye aajoki, <<Kaa naa kias?>> 11Newoliki ajoki, <<Kore loata nankan are nchoo eoriki ilo lemeata, naa kore sii ilo oata ndaa, nchoo eng'arie ilo lemeata.>> 12#Luka 7:29Kore laitalakunok le kodi, nepuonu sii ninche meipatisi, neipar aajoki, <<Laiteng'enani, kaa kias iyioo?>> 13Nejoki, <<Emintalaku kodi aaitalang inia naitanapaki ntae.>> 14Neipar sii ninye ꞉sikarini aajoki, <<Oo iyioo kaa kias?>> Nejoki, <<Emingolgolaa ntokitin ee ltung'ana, nimisimaa sii ntokitin ee lkulie to nkoitiei e sapare. Enchoo eitiemu ntae laata inchi.>>
15Kore eanyicho ltung'ana, neimakita pooki taa ltauja lomon le Yoana, ejo <<Kebaki sa naa ninye Kristo?#3:15 Kristo Keidimi aatejo Mesia. >> 16Newoliki ꞉ninye ninche pooki ajoki, <<Kaipatis nanu ntae ta nkare, kake kelotu loata ngolon alang nanu, ilo lamaichiaakino hooyia nanu atalaa nkeenita ee namuka enyena, naa kore ninye, keipatis ntae ta Ltau Sinyati o te nkima. 17Neibung'uta ta nkaina enye masaaita naorieki nkano supat o siau. Neor to lkurroto eiturrurroki nkano supat ng'oji neiteng'elieki, nepejoo siau pooki te nkima nemerai.>>
18Neliki ꞉Yoana ltung'ana Lomon Supati areki eitaarriyian too lomon kumo. 19#Mat 14:3,4; Mrk 6:17,18Kake kore payie eing'ode ꞉Yoana Erode ilo arikoni le Galilaya tankaraki nawa Erodias nkitok e lalache lenye oo too nkulie baa pooki torrok naataasa ninye, 20neitoki Erode aponiki aas ana bae torno too kuna pooki naataasa, aen Yoana te jila.
Nkipatisare e Yeso
(Matayo 3:13–17; Marko 1:9–11)
21Kore payie eipatisi ltung'ana pooki, neipatisi sii Yeso. Naa kore eomonito nebolo chumata, 22#Ng'as 22:2; SNk 2:7; Isa 42:1; Mat 3:17; Mrk 1:11; Luka 9:35nedoki ꞉Ltau Sinyati te nkitanyanyukoto e nkutukurruk. Nelotu ltoilo oing'uaa chumata ejo, <<Ira iyie Nkerai ai nacham, naa kang'ida tankaraki iyie.>>
Lmakui le Yeso
(Matayo 1:1–17)
23Kore payie eng'asu Yeso aiteng'enicho, keata larin oobaya 30. Nejo apa ltung'ana, kera layieni le Yosep,
layieni le Eli, 24layieni le Matat
layieni le Lawi, layieni le Melki,
layieni le Yanai, layieni le Yosep,
25layieni le Matatias, layieni le Amos,
layieni le Naum, layieni le Esili,
layieni le Nagai, 26layieni le Maat,
layieni le Matatias, layieni le Semein,
layieni le Yosek, layieni le Yoda,
27layieni le Yoanan, layieni le Resa,
layieni le Serubabel, layieni le Chealtiel,
layieni le Neri, 28layieni le Melki,
layieni le Adi, layieni le Kosam,
layieni le Elmadam, layieni le Er,
29layieni le Yochua, layieni le Eliese,
layieni le Yorim,
layieni le Matat
layieni le Lawi, 30layieni le Simion,
layieni le Yuda, layieni le Yosep,
layieni le Yonam, layieni le Eliakim,
31layieni le Melea, layieni le Mena,
layieni le Matata, layieni le Natan,
layieni le Daudi, 32layieni le Yese,
layieni le Obed, layieni le Boas,
layieni le Salmon, layieni le Naachon,
33layieni le Aminadab, layieni le Adimin, layieni le Arini,
layieni le Esiron, layieni le Peres,
layieni le Yuda, 34layieni le Yakobo,
layieni le Isaka, layieni le Abraam,
layieni le Tera, layieni le Naor,
35layieni le Serug, layieni le Reu,
layieni le Peleg, layieni le Eber,
layieni le Chela, 36layieni le Kainan,
layieni le Arpakasadi, layieni le Chem,
layieni le Noa, layieni le Lamek,
37layieni le Metusela, layieni le Enok,
layieni le Yared, layieni le Maalalel,
layieni le Kainan, 38layieni le Enos,
layieni le Set, layieni le Adam,
layieni le Nkai.
ప్రస్తుతం ఎంపిక చేయబడింది:
Luka 3: saq
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2021, Bible Translation and Literacy
