Éxodo 3
3
Diosqa Moisesta wajyan
1Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.#3.1 Horeb orqo: Kay orqoj ujnin sutenqa Sinaí karqa. 2Chaypitaj uj t'ankar sach'api#3.2 T'ankar: Castilla rimaypi nin “zarza”, nispa. Zarza sutiyoj sach'ita mana llajtanchejpi kanchu. T'una khiñiman, chayrí t'ankarman rijch'asqa kanman kasqa, chayrayku “t'ankar” churasqa kashan. nina lawrashaj chawpipi Tata Diospa angelnin rikhurerqa.#3.2 Ángel: Niyta munan willaj, chayrí Diosnejta kachasqa. Kay chijllaypi “ángel”, nin chayqa, mana Diosmanta waj jinachu karqa, manachayqa kikin Dios karqa. Gn 16.7. Moisestaj t'ankarta nina mana ruphasqanta rikuspa, 3nerqa: Imataj jaqayri? Rispa, qhawamusaj imajtinchus t'ankarta nina mana ruphashanchu, nispa.
4Chantá Tata Diosqa Moisés t'ankarman qayllashasqanta rikuspa, payta wajyarqa nina lawray ukhumanta: Moisés, Moisés, nispa. Paytaj kuticherqa: Imata ninki, tatáy? nispa.
5Tata Diostaj nerqa: Ama astawan qayllamuychu. Juk'utaykita orqhokuy,#3.5 Juk'utata orqhokuna: Niyta munarqa maypaj qhaway, chayrí manchay jatun respetowan qhaway. imaraykuchus sayashanki, chaynejqa noqapaj t'aqasqamin, nispa. 6Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa,#3.6 Uyanta qhataykukorqa: Ñawpa Testamentopi nin Diospa uyanta ni pi rikuyta atisqanta, rikunman chaypis mana kawsananta. Ex 33.20; Is 6.5; Gn 32.30; Dt 5.24-27; Jue 6.22-23; 13.21-22; 1 Co 13.12; 1 Jn 3.2. imaraykuchus Diosta qhawayta manchachikorqa.
7Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj. 8Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman.#3.8 Abeja misk'iwan, lechewan yaku jina purishaj jallp'a: Niyta munan chay jallp'api tukuy ima poqosqanta, manchay sumaj jallp'a kasqanrayku. Dt 8.7-9. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima. 9Noqaqa israelitakunaj qhaparikusqankuta uyarini, chantá rikullanitaj Egipto llajtayojkuna paykunata maytapuni ñak'arichisqankuta. 10Chayrayku kunan qan faraonman rinki. Noqa kachashayki Israelpa mirayninta Egiptomanta orqhomunaykipaj, nispa.
11Moisestajrí Diosta nerqa: Pitaj noqa kasqani faraonman rispa, Egiptomanta israelitakunata orqhomunaypajri? nispa.
12Chantá Dios kuticherqa: Noqamin qanwan kasaj.#Jos 1.9; Jue 6.12-16; 2 S 7.9; Jer 1.8; Lc 1.28. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.
13Moisestajrí kuticherqa: Sichus rispa israelitakunata nisaj: Ñawpa tataykichejpata Diosnin kachamuwan, nispa chayqa, paykuna tapuwanqanku: Imataj chay Diospa sutin kasqari? nispa. Jinata tapuwajtinku, ima nispataj kutichisajri? nispa.
14Chaypacha Dios nerqa: Noqamin kani.#3.14 Noqamin kani: Diospa sutin YHWH (Yahvé) niyta munan “kay” chayrí “kawsay”. Dios karqapuni, kanpuni, kanqapunitaj, paytaj kikinmanta kawsan. Castilla rimaypi qhelqaspa, ninku: SEÑOR. Qheshwa rimaypirí chay suteqa: Tata Dios, tukuy atiyniyojkunaj patanpi kasqanrayku. Israelitakunata ninki: NOQA KANI nej Dios qankunaman kachamuwan, nispa.
15Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.
16Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta. 17Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.
18Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.
19Chaywanpis noqa yachaniña Egiptopi kuraj kamachejqa mana rinaykichejta munananta. Manachayqa pay sinch'i mat'iykusqa kasparaj rejta saqesonqachej. 20Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej. 21Noqataj Egipto llajtayojkunaj sonqonkuta llamp'uyachisaj, israelitakunawan k'acha kanankupaj. Ajinata Egiptomanta llojsishaspa, tukuy imayoj ripunkichej. 22Sapa uj warmi, Egipto llajtayoj warmi masinmanta, chayrí paywan tiyakun waj llajtayoj warmimanta ima mañanqa qolqe metalmanta, qorimanta ruwasqa imakunata, sumaj p'achakunatawan ima. Chantá chaykunata churiykichejkunaman, jinallataj ususiykichejkunamanpis churankichej. Ajinamanta qankuna Egipto llajtayojkunata mana imayojta saqenkichej, nispa.#Ex 11.2-3; 12.35-36. Tata Dios ajinata Moisesta kamacherqa.
ప్రస్తుతం ఎంపిక చేయబడింది:
Éxodo 3: DQPC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.
