Éxodo 1
1
Egiptopi israelitakuna wata runa kanku
1Israelpa churinkunaj sutinku kaymin kanku. Paykuna, ayllunkuwan ima Jacobwan khuska Egiptoman chayarqanku: 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad, Aser ima. 5Jacobpa ayllonqa tukuyninpi qanchis chunka karqanku. Josetajrí Egiptopiña kasharqa.
6Chaymanta unayninman jina Josewan, wawqenkunawan ima, jinallataj paykunawan khuska wiñajkunapis wañuporqankuña.#Gn 50.26. 7Chay qhepata israelitakuna#1.7 Israelita: Uj kaj t'aqapi, uj kaj chijllaypi “israelita” nispa, Jacobpa churinkunamanta parlashan. Qanchis kaj chijllaypitajrí Israel suyumanta parlaspa nishan. Ajinaqa “israelita” nispa, manaña uj ayllullamantachu parlashan, manachayqa uj suyumantaña. Gn 46.3-4; Ex 12.38. t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.
8Israelitakuna Egiptopi unaytaña tiyakushajtinku, Egipto suyupi waj runañataj kuraj kamachej jina yaykorqa. Payqa Joseta mana rejserqachu, manataj yacharqachu José Egipto suyurayku imatachus ruwasqanta. Chayrayku pay runankunata nerqa: 9Qhawaychej, israelitakuna noqanchejmanta nisqa aswan ashkhaña kanku, aswan kallpayojtaj. 10Chayrayku, imatachus ruwananchejta yuyaychakunanchej tiyan, amaña paykuna astawan miranankupaj. Mana jinata ruwasunman chayqa, imaynapi maqanaku kajtin, israelitakunaqa awqanchejkunaman k'askapuspa, contranchejpi sayaykuwasunman. Jinaspataj, suyunchejmanta ripunkuman, nispa.
11Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj. 12Chaywanpis jilaqatakuna astawan sinch'i ruwanawan ñak'arichishajtinkupis, israelitakunaqa astawan ashkhayarqanku. Chayrayku Egipto llajtayojkuna israelitakunata astawan manchachikorqanku. 13Jinapi Egipto llajtayojkuna israelitakunata sinch'i ruwanaman churaspa, maytapuni ñak'aricherqanku. 14Awantay mana atinata, paykunawan t'uruta saruchispa, adobeta ruwacherqanku, wakinkunatataj chajrata tarpucherqanku. Ajinata tukuy imaymana sinch'i ruwanawan sonqo nanayta israelitakunata ñak'aricherqanku.#Hch 7.14-38.
15Chay jawa Egiptota kuraj kamachejqa israelitakunaj parteranku Sifrata, chantá Fuata ima nerqa: 16Israelitakunaj warminkuna onqokushajtinku, allinta qhawankichej. Qhari wawa kajtenqa, wañuchinkichej. Warmi wawatatajrí kawsajta saqellankichej, nispa. 17Chaywanpis parterakunaqa Diosta may jatun respetowan qhawaspa,#1.17 Diosta may jatun respetowan qhawana: Parterakuna Diosta may jatun respetowan qhawasqankurayku, faraonpa kamachisqanta mana kasusqankuchu, imajtinchus Diosqa runa kawsananta munan, mana munanchu runanejta wañuchisqa kananta. Mt 22.32. Egipto suyuta kuraj kamachejta mana kasorqankuchu, nitaj qhari wawakunata wañucherqankuchu.
18Chayrayku Egiptota kuraj kamachejqa parterakunata wajyachispa, taporqa: Imaraykutaj qhari wawakunata mana wañuchinkichejchuri? nispa. 19Paykunataj kuticherqanku: Israelita warmikunaqa mana Egipto llajtayoj warmikuna jinachu kanku. Paykuna kallparara kasqankurayku, manaraj noqayku chayashajtiyku, ñapis onqokunkuña, nispa.
20Ajinata chay parterakuna ruwasqankurayku Dios paykunata yanaparqa. Israelitakunataj astawan ashkhayarqanku, astawan atiyniyojmantaj tukorqanku. 21Parterakuna Diosta may jatun respetowan qhawasqankuraykutaj, Diosqa ashkha wawayoj kanankuta ruwarqa.
22Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.#Hch 7.19.
ప్రస్తుతం ఎంపిక చేయబడింది:
Éxodo 1: DQPC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.
