KANTHOUNA 10
10
Noahyei Chanapawa Rapbei Yu-cha'rap
1Yarap heiri Noahyei chanapawa Shem, Ham heirou Japhethdei shullamrei yenraankur chawa-yuwathil. Yane yuitang thukkur hillou chanapawa deikhi pukkhou.
Japheth'yei Chanaorap
2Heirou Japhethyei chanapawa rapri: Gomer, Magog, Madai, Javan, Tubal, Meshech, heirou Tiras. 3Heirou Gomeryei chanapawa rapri: Ashkenaz, Riphath, heirou Togarmah. 4Heirou Javanyei chanapawa rapri: Elishah, Tarshish, Kittim heirou Dodanim. 5Yarap heirouwei Japhet'yei yu-cha rapya yenraanbi, heitoubi ya Gentile lim rapne samadru ruiyei nimna ramra yuldabi yai ramnungei yerkhailoukur; heitoubi yaiyaiyei bommai hilthungni, mimiyei tloukhi lailaini yunrilbi, limkhi lailaini karkhaikur.
Hamyei Chanaorap
6Hamyei chanapawa rapri: Cush, Mizraim, Phut, heirou Canaan. 7Heirou Cushyei chanapawa rapri: Seba, Havila, Sabtah, Raamah, Sabteca; heirou Raamahyei chanapawa rapri: Sheba'le Dedan. 8Heirou Cushni Nimrodya pukkur, heirou a heiri tlaipangpalla namyer'rouwei toumane mantrang thimi khat khoini leikhou. 9A heiri Umpuei mit'thrilnarakhi beimak yaachan khei napawa khatkhi khoi; heingammei thimi rapne yun'kna: “Umpuei maibongra Nimrod'nakni yaachan khei thimi khoi hoilaksu.” 10Heitoubi aiyei Krungram waiyouna heiri Shinar touri Babylon ramrei Babel, heirou Erech, heirou Accad heirou Calneh. 11Ram heirouri ani Ashur'ra heihungurbi, heirou Nineveh, Rahoboth-Ir, heirou Cala khukarthil rapya sabaangkur. 12Heitoubi Nineveh'le Cala'yei tlakra Resen khukarthil sabaangkur. Khukarthil heiri beimak tang bi khat. 13Heitoubi Mizraimni Ludim, Anamim, Lehabim heirou Naph-tuhim; 14heirou Pathrusim, Casluhim(airouwei Philistine yenraankur), heirou Caphtorim, ya rapya hungpukkur.
15Heirou Canaan'ne Sidon'ya pukribi heirou Heth'ya pukkur. 16Heihillouri Jebusia, Amoria, Girgashia rapya hungpukkur. 17Heitoubi Hivia, Arkia heirou Sinia rapya pukkur. 18Heirou Arvadia, Zemaria, heirou Hamathia rapya pukbi, heihillouri Canaan bommaiyei chanao rapne ram bi karyouni paalkur. 19Heirou Canaania rapbei ramri Sidon'ra ri karchunbi, heirou Gerar lhangrani Gaza wa'tlung phani, heirou Sodom lhangrani Gomorrah, Admah heirou Zeboiim'rouweini Lasah wa'tlung phani paalkur. 20Heirou yaiyei bommai raple yaiyei tlou limrap, ramrap heirou yaiyei limrap hilthungni, yarap heiri Ham'yei yu-chathil.
Shem'yei Chanaorap
(Kan 11.10; 1 Ch 1.17-20; Lk 3.23-30)
21Japheth'yei tei'upa, heirou Eber'yei yu-charap yenraanna pa Shemnikhi chanaorap pukkhou. 22Shem'yei chanapawa rapri: Elam, Ashur, Arphaxad touri Arpachshad toubikhi mu'kna, Lud, heirou Aram. 23Aramyei chanapawa rapri: Uz, Hul, Gether, heirou Mash. 24Arphaxad'ne Sala pukkhou, heirou Sala'ni Eber pukkhou. 25Heirou Eber'nungei chanapawa napung'khni pukkhou: Chanapawa khatdei minri Peleg toubi ung,#10.25: heiri Lhang dani karkhai. ngamri aiyei chaanrou tlaipangpal awari lailai karkhaikur, heirou aiyei naowaei minri Joktan toubine ung. 26Heirou Joktan'ne Almodad'le Sheleph, Hazarmaveth heirou Jerah; 27heirou Hadoram, Uzal, Diklah; 28heirou Obal, Abima-el, Sheba; 29heirou Ophir, Havila heirou Jobab ya rapya pukkhou. Yarap namyerwa heiri Joktan'yei chanaothil. 30Heitoubi yani yuldabi paalkhouna ram heiri Mesha ram'rouweini kulkung lhangrari Sephar molshaang ramra ri karchunrilbi paalkhou. 31Yarap heiri Shem'yei shullamrei yenraanbini, cheemkhur'bommai lailaiyei tloukhi lailaini yunbi, heirou yuldana ramkhi lailaini heirou yaiyei limkhi lailaini hungkarkhaikur.
32Heirou yarap heiri Noahyei chanao raprei yenraanbini, yaiyei shullam hilthungni, cheemkhur-bommaikhi, limkhi hungkhaithutbi, heirou yuitang thukkur hillou yani tlaipangpal karyouni yenpaalkur.
ప్రస్తుతం ఎంపిక చేయబడింది:
KANTHOUNA 10: MARIBSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.
