Okutandika 3
3
Okutegwa kw'omuntu n'okushiisha kwe
1 #
Kush 20:2. Kandi enjoka ekaba eri enyabwengye okukira enyamaishwa zoona ezi MUKAMA Ruhanga yaahangire. Yaabuuza omukazi eti; N'eky'amazima, Ruhanga akagira ngu mutarirya aha muti gwona ogw'omuri eki kibanja? 2Omukazi yaagarukamu enjoka ati: Nitwikirizibwa kurya ebijuma by'emiti y'omu kibanja, 3kureka ebijuma by'omuti oguri ahagati y'ekibanja; nibyo Ruhanga yaagizire ati: Mutaribirya, n'obu kwakuba okubikoraho, mutakaafa. 4#2 Kor 11:3. Enjoka yaagambira omukazi eti: Okufa kwo, buzima timurifa; 5ahabw'okuba Ruhanga naamanya ngu eizooba eri muriguryaho, amaisho gaanyu garyaiguka, naimwe mube nka Ruhanga, mumanye oburungi n'obubi. 6#Rom 5:12-19. Omukazi ku yaareebire omuti guri murungi kurya, nigushemeza amaisho, kandi nigwetengwa ahabw'okuha omuntu obwengye, yaacwa aha bijuma byagwo, yaarya, yaahaho na iba, nawe yaarya. 7Ahonaaho amaisho gaabo bombi gaiguka, baamanya ku bajwaire busha, baayebaziirira amababi g'omutiini g'okwekingaho.
Ruhanga okuhana enjoka na Adamu na Haawa
8 #
Yob 31:33; Zab 139:1-12; Amo 9:3. Omu mabeho g'omwabazyo baahurira MUKAMA Ruhanga naagyendagyenda omu kibanja; omushaija n'omukazi we baayeshereka MUKAMA Ruhanga omu miti y'omu kibanja. 9#Mat 2:2. MUKAMA Ruhanga yaayeta omushaija, naagira ati: Ori nkahi? 10#Zab 51:3, 4. Omushaija yaagira ati: Naakuhurira ori omu kibanja; naatiina, ahakuba naaba njwaire busha; naayeshereka. 11Ruhanga yaamubuuza ati: N'oha okugambiire ku ojwaire busha? Waarya aha muti ogu naakuzibiire kuryaho? 12#Enf 28:13; Yak 1:13. Omushaija yaagarukamu ati: Omukazi ou wampaire kuguma naanye, niwe yampa aha bijuma by'ogwo muti, naanye nkarya. 13MUKAMA Ruhanga yaabuuza omukazi ati: Iwe ekyo waakora ki? Omukazi yaagarukamu ati: Enjoka niyo yambeihabeiha, naanye nkarya. 14#Isa 65:25; Mik 7:17. MUKAMA Ruhanga yaagira enjoka ati: Ahabw'okukora ekyo, waakyeenwa okukira amatungo goona n'enyamaishwa zoona ez'omu ishwa; oryaguma ogyendesa enda, orye omucuucu ebiro byona eby'amagara gaawe; 15#Kub 21:6, 7; Rom 16:20; Heb 2:14. kandi ndyata obuzigu ahagati yaawe n'ogu mukazi, n'ahagati y'oruzaaro rwawe n'orwe; orwe ruryakuteera omutwe, naiwe oryaruteera ekitsintsiino. 16#1 Tim 2:15. Yaakubuukana omukazi, yaamugira ati: Ndyakanyisa munonga obusaasi bwawe omu kuzaara; omu busaasi nimwo orizaarira abaana; n'okwetenga kwawe kuryaguma kube ahari baro; nawe aryakutegyeka. 17Kandi yaagira Adamu ati: Ahabw'okuhurira eiraka ry'omukazi waawe, okarya aha muti ogu naakuzibiire kuryaho, eitaka ryakyeenwa ahabwawe; oryaguma oriihemu eby'okurya obihendekyeire ebiro byona eby'amagara gaawe; 18#Yob 5:7; Mub 2:23. riryakumerera amahwa n'amatojo; oryaguma otungwe ebirikumera omu misiri; 19#1 Kor 15:21, 22. ebi orirya biryakutuutura aha maisho, okuhitsya obu origaruka omu itaka; ahakuba nimwo waihirwe; ahabw'okuba ori omucuucu, n'omumucuucu nimwo origaruka.
20Omushaija yaayeta omukazi we eiziina #3:20 Haawa amakuru ngu Oine amagara; omu Ruheburaayo ni Khawa. Haawa, ahakuba niwe nyina w'abahuriire boona. 21MUKAMA Ruhanga yaakorera Adamu n'omukazi we ebijwaro by'empu, yaabajweka.
Ruhanga okubinga Adamu omuri Edeni
22 #
Kut 3:3; 2:9. Bwanyima MUKAMA Ruhanga yaagira ati: Reeba, omuntu ogu ahindukire nk'omwe ahariitwe omu by'okumanya oburungi n'obubi; mbwenu nu arekye kugorora omukono gwe, akatwara aha muti gw'amagara, akarya, akagumaho ebiro byona- 23N'ahabw'ekyo MUKAMA Ruhanga yaamwiha omu kibanja kya Edeni, ngu aze kuhinga eitaka eri yaihirwemu, 24#Heb 1:7; Yoh 14:6. Ruhanga nikwo kubinga omuntu, akata #3:24 baakerubi n'omutwe gumwe aha mahe ga baamaraika. baakerubi aha rubaju rw'oburugwa-izoba bw'ekibanja kya Edeni, na rurara erikumurinkana kandi erikuhindahinduka embaju zoona, okurinda omuhanda ogurikuza aha muti gw'amagara.
ప్రస్తుతం ఎంపిక చేయబడింది:
Okutandika 3: RR64
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible in Runyankore-Rukiga © United Bible Societies, 1964
