Popular Bible Verses from Okutandika 3

షేర్ చేయి

Omukazi ku yaareebire omuti guri murungi kurya, nigushemeza amaisho, kandi nigwetengwa ahabw'okuha omuntu obwengye, yaacwa aha bijuma byagwo, yaarya, yaahaho na iba, nawe yaarya.

Kandi enjoka ekaba eri enyabwengye okukira enyamaishwa zoona ezi MUKAMA Ruhanga yaahangire. Yaabuuza omukazi eti; N'eky'amazima, Ruhanga akagira ngu mutarirya aha muti gwona ogw'omuri eki kibanja?

kandi ndyata obuzigu ahagati yaawe n'ogu mukazi, n'ahagati y'oruzaaro rwawe n'orwe; orwe ruryakuteera omutwe, naiwe oryaruteera ekitsintsiino.

Yaakubuukana omukazi, yaamugira ati: Ndyakanyisa munonga obusaasi bwawe omu kuzaara; omu busaasi nimwo orizaarira abaana; n'okwetenga kwawe kuryaguma kube ahari baro; nawe aryakutegyeka.

ebi orirya biryakutuutura aha maisho, okuhitsya obu origaruka omu itaka; ahakuba nimwo waihirwe; ahabw'okuba ori omucuucu, n'omumucuucu nimwo origaruka.

Kandi yaagira Adamu ati: Ahabw'okuhurira eiraka ry'omukazi waawe, okarya aha muti ogu naakuzibiire kuryaho, eitaka ryakyeenwa ahabwawe; oryaguma oriihemu eby'okurya obihendekyeire ebiro byona eby'amagara gaawe

Ruhanga yaamubuuza ati: N'oha okugambiire ku ojwaire busha? Waarya aha muti ogu naakuzibiire kuryaho?

Ruhanga nikwo kubinga omuntu, akata baakerubi aha rubaju rw'oburugwa-izoba bw'ekibanja kya Edeni, na rurara erikumurinkana kandi erikuhindahinduka embaju zoona, okurinda omuhanda ogurikuza aha muti gw'amagara.

Omushaija yaayeta omukazi we eiziina Haawa, ahakuba niwe nyina w'abahuriire boona.