Maatiyos 19
19
Aydaras fittix sabbatah
(Markos 10:1-12)
1Kado, Yeesus ta waani abayshemko sarrah, Galiilaako yedeyeh, Yordaanos tabso kin Yahuudiyaati zoobälle yemeete. 2Mangum mango xiyaw kaa katayen, usuk lel amalle ten uruse.
3 Faarisiin lel alle yemeetinyaako kaa yacakkanoona: “Labhatti ishi numa farhe sababah yaftixem arax kinni?” akko yerhxin. 4Usuk lel: “Tamaa erherhaako ten yukhluqheti ‘labtiya kee saytiya akko abem’#Erhedhdhö 1:27; 5:2 kee, 5‘Amaydo, xiyawti ishi abba kee ishi ina xabah ishi numaalih inketta yakke, lammik lel inki xazotta yakkin’#Erhedhdhö 2:24 yarhxiinim maqhrayinnitiini? 6Amaydo, usun kamboh lamma makinooniiki, inki xazotta kinon. Yalli inkidde yezgelleh yane mara, xiyawti barhishe wayo” yerhxeh alle yedebbe. 7Usun: “Aymih kinni Moosa ‘fittix warqat akah tomxowweh tee dhirhiito’#Gabbaacime Sercat 24:1 yeemerem?” akko yerhxin. 8Usuk: “Sin afcaadoh tiraarehi sabbatah kinni Moosa sinni sayyo taftaxoona sinah yismixem kibah erherhaako amaa gina maki. 9Sinak arhxe lel: uma-xibar hi sababko bextih ishi numa yaftixeh akettö marcishitinnanti, zina aba” akko yerhxe.
10 Katattaynit: “Bacla kee numah gondo tatiya tekkemko, marcishite wayaanam tashshe” akko yerhxin. 11Usuk laakin: “Tayim tamaa akah tomxoye mara bisa kibah, umman mari kabbaataanam maki. 12Yoobokin maxko xaraaga tekkeh tanem tane, xiyaw xaraaga akko abteh tanem tane, carshi nigsinnah arhxik xaraaga sinnek abtem tane. Tayim kabbaato dhiicati kabbaatoo” akko yerhxe.
Cindham yolle yamaatoona
(Markos 10:13-16; Luukas 18:15-17)
13Sarrah gabub alle hayeh dhaaco akah abo ciloh cindham alle baahen. Katattaynit laakin amaa xiyaw yoskoolofin. 14Yeesus laakin: “Carshi nigsinna ta gina le marah kinnik, cindham yolle yamaatoonaaki ten mideesina” akko yerhxe. 15Ishi gabub alle hayeh lel yedee.
Gaddaale kin gufaa
(Markos 10:17-31; Luukas 18:18-30)
16Taykinna lel wuli xiyawti: “Mudarris, umman geedit aniina aallo mece abittoh ayim abo yolle tane?” arhxuk alle yemeete. 17Usuk lel: “Mecem kinamhi zacabah aymih yi esserak tanito? Mece tiyah inketti bisa yane. Aniina kabbatto fadhdhemko, amrit dhawurh” akko yerhxe. 18Usuk lel: “Awlihim?” akko yerhxe. Yeesus lel: “Magdafin, maznayin, migaracin, zirabah mashhadin, 19ishi abba kee ishi ina xishmat, ishi zoobatto ishe balih ikxin”#Muuca 20:12-16; Gabbaacime Sercat 5:16-20 akko yerhxe. 20Amaa gufaa lel: “Tayim inkoh ibbirheh aniyo. Akih ayim yok racteh tane?” akko yerhxe. 21Yeesus: “Kaamil takko fadhdhemko, aduwaaki, litom teebexeh, baaxentah uxuu, carshelle lel cukra taallo kito. Amaymik sarrah lel temeeteh yi kataa” akko yerhxe. 22Amaa gufaa tayim yoobbe gedda, naba gadda luuk yinemhi sabbatah, mangum axzinuk yedee.
23Yeesus ishi katattaynitik: “Gaddaale kin xiyawti carshi nigsinna orobo mangum akko siriyam rummah sinak arhxiyuk ane. 24Gaddaale kin xiyawti Yallih nigsinnadde orobamko, gaalatti ibrat intiiko tillaabam akko ruhuwam, malammih lel sinak arhxiyuk ane” akko yerhxe. 25Amaa katattaynit tayim yoobbin gedda: “Miyatto kinni haye gargeerimo leti?” arhxuk mangum cibrah raben. 26Yeesus lel tenadde kulux-yerhxeyaako: “Tayim xiyawti dhiicam maki, Yalli laakin ummannim dhiica” yerhxe. 27Sarrah Bithroos raddeh: “Ubul, ummannim xabneh ku katayneh nane. Nanu ayim naallo kino?” yerhxe. 28Yeesus: “Ummannim alle tucussube waqhtedde, Xiyawti Barhi ishi nabne le nugus-kurselle defeya gedda, atin yi katayeh yane marak nugus-kursitko lamman kee tamanalle defeyteenih, Israa-eel lamman kee taman kishotya tafradoona kitiinim rummah sinak arhxiyuk ane. 29Yi migacah arhxuk carwa, hido sacul hido saculte hido abba hido ina hido irro hido dhage xabinnanti, amayimko bool waqhtiya ziyaada geyo kinni, umman geedit aniina lel yawrasho kinni. 30Afti gabo yane mango mari sarradde, sarradde yane mari lel afadde gaxoona kinon” akko yerhxe.
தற்சமயம் தேர்ந்தெடுக்கப்பட்டது:
Maatiyos 19: SCC
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Wycliffe Ethiopia
