Matthew 26
26
CHAPTER XXVI.
1KI it ŭn ĭs tsiu, Jesus ot ai ksĭst eʼpo at tos ĕsts amʼŏsts e poʼaw sĭsts, it ŭnʼĭs tsiu ax ot ŭs-ksĭn ĭm ats ax,
2Kĭts ksĭn ip u au ais toʼkŭs si ksĭs tsi kuʼĭsts akʼits tsiu passover, ki Nĭnʼau ok kuʼi it au-mŭtsʼkau mokʼĭt si ksĭs tox ŏs i.
3O mŭkʼa toi api e ku ax, ki ai sĭn ak ix, ki ma-tapʼpix ots ĭnʼaim o au ax i tŭm i tŭp au mo o iau spʼaʼ toi ap i e ku ŭn Caiaphas o koʼ ai i.
4Ki aiʼsĭt sĭp sat tse iau mŏkʼan ist o kot si sĭm-mi o to ŏs au aie Jesus, ki mokʼ its en i tŏs au aie.
5Ki anʼiau, pin ĭtsʼtsĭs oyeʼtan i ĭs tsi ksĭsʼtsi-kui ŏks ka kŭm ĭs tsi kĭn iau ma tapʼpix.
6Jesus ot si tauʼpĭs si Bethany, Simon leper okoʼai ot si tsĭpstsʼtau pĭs si,
7Akeʼua i to toʼaie, i paʼtŭk kiu alabaster a-tŭx akʼsin pu yeʼ it sŭpʼpa tom aie, akaiʼĭx kĭm as-iu aie, ki ot auʼyi saie it sit aʼsu yĭn ĭm aie o to-kŏnʼi aie.
8Ki ot ŭs ksĭn ĭmatsʼax ots ĭn ĭsʼsax aie, ĭs tseʼ-tŭk ki ax, ki anʼiau maukʼetsĭn i ka to pi?
9Amʼok i pumʼa to to pi ĭsʼtai ek e kai ĭx kĭm as-iu o pi, ki kĭmʼa taps ix ĭsʼtau o ko tau o pi au aie.
10Jesus ot okhʼtsĭm si, anʼĭs tsiu ax, ku maukʼ-sau ai ksĭx in o au ai isksĭx akeʼuă ŏkhʼsiu nit ap-ĭs tu tuʼyi pi.
11Ksĕs toʼau, kĭm a taps ix kit ŭskʼsau o pok-sem ok o ai au; ki nĕstoʼa ki matʼŭsk sau o pok sem-ok i pu au a.
12Amʼok pu yeʼ no stŭmʼi ot sĭtaʼsu yĭn ĭs si its ĭs tutsʼim aie mŏk ĭt so puiap ĭs tu tu yĭs si nŏk-itakʼi tsa si.
13Kitauʼmŭn ĭs to pu au amʼoi ŏkhsʼi tsĭn ik-sĭn ni am i an ĭst anʼĭs to pi kŏn ŭsʼksŏk kum ă, amʼok, amʼo a keʼu ă otapʼĭs tuts ipi akʼŭt an ĭstom-aie, mŏkʼĭt ŭs ksĭn o ŏs i.
14Naʼtsi ko puts ix, tuksʼkŭmă, an ĭs tau Judas Iscariot, i tap po omŭkʼa toi ap i e ku ax,
15Ki anʼiu, tsan ĭs tapʼpi kit akʼo kok i pu ai i, ki nit ak i tŭpʼo muts kau ksĕs toʼau? Ki nitsiʼtuyi au aie ni ĭpʼpi i ksĭx ĭxʼkĭm ĭx.
16Ki an nikʼ i totʼap sat sim mŏkʼita mŭts kŏs-sie.
17Keʼtan i kŭtʼtai ko pŭts tsi i, ĭst o tomʼi ksĭsʼ-tsi ku i, ŭs ksĭn ĭm atsʼax i to toʼiau Jesus, ki anʼ-ĭs tsi au aie, Tseʼa kitʼsta pa kŏkʼso pui ap ĭs tu tos-ĭn an kŏkʼkĭts o yĭs i passover?
18Ki anʼiu ĭsʼta puk ak apʼi o yĭs, ki omʼŭm ă nĭnʼau ŭmă an ĭs tokʼ, Ninʼa, anʼiu, rit si ksĭs tsikumʼi asts tsiʼu: kokoʼai nitŭsʼksĭu ĭm ats ax nit-akʼo poks o yim ai au passover.
19Ki ŭs ksĭu ĭm atsʼax man ĭst anʼĭs to pi ax itanʼ ĭst tuts ĭm iax; ki it soʼpo ŭts ĭs tuts ĭm iau passover.
20Ki otauʼtŭk kusi, i pok it auʼpim iu ax naʼ-tsi ko puts ix.
21Ki ot auʼyĭs au, anʼiu, kit auʼmŭn ĭs to pu au tuksʼ kŭm ă ksĕs toʼ au kĭt ak au mŭtsʼ kau ki.
22Ki eksʼkai ĭk ikĭnʼe tŭk kiau, ki ikŏn auʼ-mŭt ŭp an ĭs tsi au aie, Ninʼa nĕs toʼak ats?
23Ki anʼiu, an nŏk o kĭtʼsĭs nit o po ksĭs ta pĭm-ak em au ok kosʼi nitak au mŭtsʼkauk.
24Ninʼau ok kuʼi itan ĭstsʼi tap po nitsĭnʼaw-pi: akʼi tŭp o ka pi u an nŏkʼ nĭnʼau ŏk i mŭtsʼkai-uŏk Nĭnʼau ok kuʼi! Kŭtʼtai pok ai iu o pi an nŏk nĭnʼ au ŏk, ĭsʼta ŏkh siu o pi.
25Judas an niʼĭsk its eʼmŭts kauk isk, i tŭmʼ-an ĭs tsiu aie, Ninʼa nĕs toʼak ats? Auʼĭs tsiu aie, kit anʼi.
26Ki ot auʼyĭs au Jesus i toʼtsĭm aie keʼtan i ki it a tsĭmʼĭs tuts ĭm aie, ki it au minʼĭm aie, kĭ i-ko tsiuʼax ŭs ksĭn ĭm atsʼax, ki anʼiu, Mat sĭkʼ, o-yikʼ; amʼoiauk no stŭmʼi.
27Ki matʼtu yiu aie kosʼi ki thanks i ko tŭkʼ-kiu, ki i ko tsiuʼax, ki anʼiu kŏn aiʼsĭm at tok;
28Amʼok auk nitsaʼa pŭn, man an ĭstsʼe tok-sĭn ni i tŭpʼi tsiu it saiʼkim skau ak aiʼtap pix otsau umʼitsi tap pi i su au ĕsts mŏkʼsin ĭs ĕsts.
29Ki kit anʼĭs to pu au ni mat ak ŭt sĭm at top a amʼok mĭn i ok ke sau om oʼ pok i tsipst sĭm at tom-ĭn an i ki man ĭsʼsi ninʼa otsʼĭn naĭ i sĭn ni,
30Ki ot in ikʼsau na toiʼĭn ik sĭn ni i tŭpʼsŭx iau ni tumʼmo yi Olives.
31Jesus i tŭmʼan ĭs tsin ax, nĕs toʼa kĭt akʼo-kŏn ŭs skĭm skŭk i pu au an nokʼă ko koʼik ă: tukʼ-ka, sĭnʼaip, nitakʼau ai ak iau an nŏkʼ ŭsksʼkŭm-iu ŏk e mŭkʼi kĭn ax, ki otʼo mŭk i kĭn au ă sĭn na ĭst oʼmŭk i kĭn ax ak ŭn e toʼiau.
32Ai ksist at si pu auʼe niki kit ak i tŭp otom aʼ-to pu an Galilee.
33Peter anʼĭs tsiu aie, i kŭmʼo kŏn ŭsts skĭm-skŭk ĭssau ksĕs toʼa, ni matʼak ĭsts skĭm skŭk i pa.
34Jesus anʼĭs tsiu aie, kit auʼmŭn ĭs to, An nokʼ ko koʼik ot sau om itʼ awk kum si ni pu auʼă nioksʼ kai kitak ani ki mats ksĭn okʼi pa,
35Peter anʼĭs tsiu aie ŏks ka kŭm o poksʼen i op, ni matʼak an i pa ki mats ksĭn o pa; ne toʼi ikŏn-auʼan i iax ŭs ksĭn ĭm atsʼax.
36Jesus i tŭm i tŭp o po kom iu ax Gethsemane auʼĭs top, ki anʼĭs tsiu ax ot ŭs ksĭn ĭm ats ax, an-nomʼ stauʼpik, nit ak it tappo omimʼ nŏk ĭt ŭtʼ-tsĭm oi i kas i.
37Ki matʼtu yiu ax Peter, ki Zebedee ots ĭs-tokʼi o ku yix, ki it au mŭt ŭp ĭk i kĭnʼe tŭk ki ki it auʼ mŭt ŭp e ik a pi tsi tau.
38Itŭmʼan ĭs tsiu ax nits i tŭp ĭk i kĭn e tuk ki eʼĭn sĭn ni: an nomʼ stauʼpik, ki ŏkʼit ŭsks ka-tŭk ki op.
39Ki paʼtsi ĭs tŭp a a tsiu ax, ki ĭs stok o piʼu o-sto ksĭsʼ, ki it ŭtʼtsĭm oi i kau ki anʼiu, Ninʼa, i-kŭmʼo kotsits tsĭs si amʼoi kosʼa ŭn nian istĭsʼtŭp-i po to ŏs si; ni mat ak i tsi tanʼ ats, ksĕs toʼa kit akʼ-i tsi tan.
40Ki mat skit o toʼax ot ŭs ksĭn im atsʼax, ki i-konʼo yiu ax otoʼkau iax, ki anʼĭs tsiu aie Peter, Awxʼats? ki kŭt tau kot ŭsks kŭm mok i pa tuksʼ-kai i taiʼ ksĭs tsi kum i o pi?
41Mo kŏkʼe tsĭk ki aʼtsĭm oi i kak, kŏk stai tsi-pĭs su ai ĭs saksʼksĭn ŭk sĭn ni; staʼaw it si tsiʼta-tom aie ki ĭxʼi sa kuy i matsiʼu ats.
42Ki matsʼĭs ta pu ki it ŭtʼtsĭm oi i kau, ki anʼiu, Nĭnʼa, amʼoi kosʼa sau om otʼai sĭm mi e ni-ki sau om ĭsʼtŭp i po to mok o e ni ki, kĭtakʼi tsi-tan.
43Ki matʼo to ki matʼo kon o yiu ax ots okʼas-ax: tŭkʼka ĭs soks ĭmʼau o ŏpsʼpu au ax.
44Ki it skĭts iu ax, ki matsʼĭs ta pu, ki ni oksʼ-kai it ŭtʼtsĭm oi i kau, ki ne toiʼ auʼan iu.
45I tŭmʼi to to iax ot ŭs ksĭn ĭm atsʼax ki anʼ-ĭs tsĭu ax o kakʼ an nok, ki is sĭkʼsĭs tai kok: satʼsik asts tsiuʼ i taiʼksĭs tsi kum i o pix, ki Ninʼau ok kuʼi i tŭpʼ au mŭts kau sau umʼitsi tap pix ot-suʼau ĕsts.
46Ni pu akʼ, ŏk it tăp pauʼop: an nŏkʼ nit ak-au mŭtsʼkauk ŏk asts tsiuʼ.
47Ki otsaʼki ai e pu yĭs si, Satʼsik, Judas, naʼ-tsi ko puts ix tuksʼkŭm ă i toʼto ki a kaiʼtap pix i-pok omʼiau aie i nusʼstoan ix ki sŏks ĭsʼtsĭsts i paʼ-tŭk kix, i tot o to iau o mŭkʼa toi ap i e ku ax ki ma-tapʼpix ots ĭnʼaim o au ax.
48Ki an nŏkʼ i mŭtsʼkaĭ u ŏk aie iko tsiuʼax ap stoʼsin ni, ki anʼiu, an nŏkʼ nit akʼsĭn naus kip-pau ŏk, anʼnŏk auk: miʼe en ok.
49Ki i kŏmʼit o to Jesus, ki an iu, Hail, Ninʼ-a; ki itsĭnʼnaus kĭp piu aie,
50Ki Jesus anʼĭs tsiu aie, Na piʼă, ku maukʼ-si puk si puksĭks? I tŭm i to toʼiau aie ki e enʼiauaie Jesus, ki matʼ tu yi au aie.
51Ki satʼsit, an niksʼisk i pok omʼisk aie Jesus, tuksʼkŭm a it si tŭp i kĭnsʼtsak iu aie otsĭnʼ-us sto an it sauʼtu yiu aie, ki spʼaʼtoi ap i e ku ŭn tuksʼkŭm i ot apʼau to mok otʼau ai ak i ok aie, ki kŏkʼsĭn ĭm aie okh tokʼ ĭs aie,
52Jesus i tŭmʼan ĭs tsiu aie, kits ĭnʼus sto an ă ots itsʼtsi pi ĭsts tsiʼĭs; an niksʼĭsk ma tapʼpixk matʼtu yixk in usʼsto an, in usʼsto an it axʼen it-tai au.
53Kitʼsta pa nŏk ŭt to kots i tŭpʼa tsĭm oi i kan i ninʼă, ki an nokʼ nŏkʼo ku yĭs si o tsĭtsks ĭs tsi ko-putsix legionix ota tsĭmʼo to ka ta tsix?
54Tsa ak o kot o tŭm un ĭsts ĭs tuts ip a na toiʼ-sĭn ak sĭsts, mŏkʼit ŭn ĭs tsĭs si?
55Ne toʼik i taiʼksĭs tsi kum i o pik Jesus anʼĭs tsiu ax a kaiʼ tap pix, kikŭtʼan ĭsts i puk si paʼak-i pu au a kau ĭstʼsi tap po pu au kŏm osʼi e pĭt si an-nŏkʼ paʼtŭk kiu ŏk in usʼsto ax ki sŏks ĭsʼtsĭsts, kŏkʼo tok su ai? An ĭsʼtsi ksĭs tsi ku ĭsts kit o pok-auʼpim o pu au omŭkʼa toi ap i o yĭs kŏk ŭs ksĭn-ĭm atsʼo pu au ki ki mats e enʼok i pu au ă.
56Ki amʼostsk i kŏn ai ĭs tutsip i mŏksʼe nŭp-an ĭs tosau prophetix o sĭn akʼsu au ĕsts. Ikŏn-ŭs ksĭn ĭmats ax i tŭmʼskĭt tsi iau ki aiʼtsĭmmu-tai au.
57Ki an niksʼisk e enʼixk aie Jesus i tŭp ĭp-iau aie Caiaphas, spʼa toi ap i e ku ŭn, it o moiʼpiaw-piau aiʼsĭn ak ix ki o mŭksʼĭmix nĭnʼax.
58Ki Peter pi a a pŭtsi tŭpaʼise u aie spʼa toi ap-i e ku ŭn o koʼai, ki it si pimʼ ki i pok auʼpim iu ax apʼo tŭk kix mŏk it o kŏn aiʼnĭsi.
59An nokʼ, o mŭkʼa toi ap i e ku ax ki o mŭksʼ-im ix nĭnʼax ki i kŏn auʼkŏk i tsĭm ax, ĭs tŭpʼi ksĭs-tap e nŭp an ĭs sĭn ni apʼsat sĭm iau mŏksʼen i tŏs au-aie Jesus;
60Ki mat o kon imʼax au; ot si toʼtosax a-kaiʼtap pix ai ksĭs tap e nŭp an ix, mat o kon ĭmʼax-au. Sakoʼokhtsim i toʼto ĭau naʼtsi tap pi ix aiʼ-tap ksĭs e nŭp an ix,
61Ki anʼiau, amʼo nĭnʼau auʼiu nit o kotʼo-pŭk sĭn ip Apʼis to tokʼiuă ot a toiʼ ap i o yis ki nit o-kotʼso kap ĭs tuts ip ni oksʼkai ksĭs tsi kuʼi.
62Ki Spʼatoiʼap i e ku ŭn it si pu auʼ, ki anʼĭs-tsiu aie, kit ak stai eʼ pu yi pa? Tsan ĭs tap iuʼa amʼox kitseʼnŭpan i pi au?
63Ki Jesus mats e pu yiuʼats. Ki Spʼa toiʼapi e ku ŭn matʼan ĭs tsiu aie, kit aʼtau ŭn ĭs to Ăpʼis-to tok iua i paiʼtap pi iuă, kŏkʼan ik sĭn an i kŭmʼ-ŭm e ni ki Christ, Apʼĭs to tok iuă ok kuʼi.
64Jesus anʼis tsiu aie, kits e mŭn i an i; ki kit-anʼĭs to sa koʼokhtsim kit aksʼĭn o au aiʼĭn i Ninʼau ok kuʼi, ot si tauʼpĭs si o tŭm apʼsĭn ni ĭsts etʼo tsĭs i ki u mutsi pukʼsi pusi Spotsʼim ĭsts i so ksĭsʼtsiku-ĭsts.
65Spʼa toiʼap i e ku ŭn i tŭm aiʼpin o tsĭm ĕsts ots ĭs to tosʼĭsts ki anʼiu, itŭpe poʼa tom aie Apʼĭsto tok iuă; nitakʼot si kip ĭn ana stsikʼix eʼĕn ŭp-anix? Satʼsĭk, ki kaiʼokh to au au o ksĭsʼtap i ni-kŏt tsi man i.
66Tsa kitʼ sta pu au ă? anʼiau, mŏksʼe ĭn si.
67I tŭmʼi tai so kut tŭt tsi au aie o stoks ĭsʼaie, ki otoʼau ĕsts it sĭt au ai akʼiau aie: ki stsikʼix o miʼtsĭx i kĭnsts pu au ĕsts it sĭt au ai akʼiau aie,
68Ki anʼiau, ksĕs toʼa Christ eʼĕn ŭp an ik ĭn-an, Tŭk kaʼ kĭt au ai akʼi ok a?
69An nokʼ Peter sauautsʼim i tauʼpiu, ĭsto-kĭtsĭmʼi pĭstotsʼim: ki akeʼku ŭn i totoʼaie, ki anʼiu, ksĕs toʼa kit o pok omʼau Jesus Galilee ĭstsi tap pimʼi.
70Ki pai otʼan ĭs tsi u ax ma tapʼpix nimats-ksĭn oauʼats ni mats ksĭn ipa kit anʼi pi
71Ki otsi tŭpʼsŭx si kĭtsĭmʼi ap i o yĭs, stsĭkʼi akeʼku ŭn nanʼnu ye u aie ki anʼĭs tsiu ax an niksʼisk ma tapʼpixk i tauʼpixk, amʼo ninʼau nok ŭtʼ-o pok sim iu aie Jesus, Nazareth ist si tap pimʼi.
72Ki mataʼto ŭn iu, ki anʼiu, ni mats ksĭn o-auʼats nĭnʼau.
73Ki otaiʼpĭs tsĭks i sŭm mo si an niksʼĭsk i-taiʼpu yixk i to toʼiau aie, ki anʼĭs tsi au aie Peter, Eʼmŭn iu, ksĕs toʼak auk tuksʼkŭm ă: kits eʼpo awsĭsts kitseʼĕn ŭpan ik i.
74I tŭm au mŭt ŭp i pa koʼsĭn e pu yiu, ki itau-mŭt ŭp ŭt auʼŭn i u, ni matsʼksĭn o auʼats nĭnʼau. Ki ni puauʼă sok ĭtʼo kumiu.
75Ki Peter ĭsksĭn ĭmʼaie Jesus ot eʼpo awsĭn-ni aie, an nikʼ it au ĭsʼtsiu aie, ot sau om okhʼkum si ni pu auʼa ni oksʼkai kitakʼan i ki mats ksĭn ok ĭpats, Ki it sŭxʼiu, ki itsokʼau a sain iu.
தற்சமயம் தேர்ந்தெடுக்கப்பட்டது:
Matthew 26: BLAMAT
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
First published by the British and Foreign Bible Society in 1890.
