Baraka za Kiroho ndani ya ChristoMfano

Wakristo, tumepewa Urithi

Nchini Kenya, watu wengi wanapenda kupata Urithi. Tunataka wazazi wetu watugawie mali yao ili tuwe na uhakika wa kupata riziki ya kila siku. Urithi, ni muhimu sana. Wakristo, sisi ambao tumefanyika watoto wa Mungu kama tulivyoona siku ya pili, sisi tumepewa Urithi ndani ya Kristo.

Urithi ambao tunapewa hapa duniani ni wa kudumu kwa muda mfupi. Wazazi wakiamua kuuza mali uliopaswa kurithi, hautapata Urithi wowote. Pia, hata unapopata huo urithi, ukifa unaacha urithi wako duniani. Lakini, Urithi tunaopata kutoka kwa Mungu kupitia Yesu, hauwezi kufifia, wala kuharibika, wala kuoza. Tuna uhakika tutaupata. Urithi huu ni baraka ya kuishi na Mungu milele. Ni Urithi wa milele. Hivyo basi, tunafaa kujawa na shukrani na kutumainia Urithi huu ambao tumepewa.