Soma Biblia Kila Siku 10/2024Mfano

Yesu alipokufa msalabani alikuwa sadaka bora kuliko ile ya wanyama iliyotolewa na makuhani. Sadaka ya Yesu ilikubalika kwa sababu yeye ndiye mwakilishi mkamilifu ambaye hakutenda dhambi. Upatanisho alioufanya ni wa kudumu, kwa sababu Yesualiingia mbinguni hasa, aonekane sasa usoni pa Mungu kwa ajili yetu(m.24).Na tazama, pazia la hekalu likapasuka vipande viwili toka juu hata chini(Mt 27:51). Kupasuka kwa pazia la hekalu hapa duniani kunaashiria uwazi na uhakika wa kwenda mbele za Mungu na kupata msamaha wa dhambi. Sasa tunaweza kukaribia kiti cha neema cha Mungu bila mtu wa kati, jambo tunalohimizwa kufanya katika Ebr 4:16: Tukikaribie kiti cha neema kwa ujasiri, ili tupewe rehema, na kupata neema ya kutusaidia wakati wa mahitaji.