Soma Biblia Kila Siku/AGOSTI 2023Mfano

Yesu akisema, ”Mimi niko” (m.58), anajitambulisha kama Mungu. Ni sawa na ilivyo katika Kut 3:14 ambapoMungu akamwambia Musa, MIMI NIKO AMBAYE NIKO; akasema, ndivyo utakavyowaambia wana wa Israeli; MIMI NIKO amenituma kwenu. Wayahudi walitambua hiyo, lakini kwa kuwa walitumia ufahamu wa kibinadamu tu kuhusu historia waliyoifahamu juu ya Yesu, walikataa kumwamini. Hata wakamshtaki kwamba ni mtu mbaya (Msamaria) mwenye pepo, na kutaka kumpiga mawe kwa sababu ya kumkufuru Mungu. Badala ya kulipokea neno la Yesu kwa imani wasionje mauti, sasa wakabaki katika hatari ya kufa katika dhambi zao kwa sababu hawakumwamini. Hiyo Yesu aliwaambia wazi:Mtakufa katika dhambi zenu; kwa sababu msiposadiki ya kuwa mimi ndiye, mtakufa katika dhambi zenu(m.24). Wewe je, unamwamini Yesu kuwa Mungu?