Kumchukua Mungu Kwa UzitoMfano

Je, inamaanisha nini kuwa na agano na Mungu?

Agano ni uhusiano unaofungamana katika hali ya kiroho ulioamriwa na Mungu ambao kupitia huo anaendeleza ufalme wake. Ni utaratibu ambao kwa huo, yeye hutumia kutimiza makusudi yake, malengo na ajenda zake. Ni mpangilio wa uhusiano, sio tu mkataba rasmi. Unapounganishwa na Mungu katika agano lake, unapata kujua siri zake. Anakuruhusu uingie kwenye mambo ambayo wengine hawajui.

Ikiwa umefunga ndoa, unajua jinsi ilivyo kuwa na siri ambazo unashiriki na mwenzi wako pekee. Kama wanandoa, mnashirikishana matumaini na mawazo yenu ya ndani. Haya ni mambo yaliyofichika na yanayofikiwa kwa asili ya uhusiano wa kiagano wa ndoa. Kwa kweli, siri hizi mara nyingi huthaminiwa sana na kulindwa hivi kwamba mara nyingi husemwa kwa minong'ono. Unahitaji kuwa karibu, si tu kimahusiano bali mara nyingi kimwili, ili kushiriki siri.

Tunaweza kumkaribia Mungu kwa kumcha (Mithali 9:10). Unapofanya hivyo, anakuruhusu uingie na kujua siri zake. Uhusiano wa agano hukuleta karibu vya kutosha kusikia kunong'ona kwake anapofichua makusudi na ahadi zake kwa maisha yako unapokuwa karibu naye.

Kuna tofauti gani kati ya kumcha Mungu na kumwogopa Mungu?