Soma Biblia Kila Siku Novemba 2021Mfano

Yesu ni Bwana wa mavuno (katika m.14 anatambulishwa kama mfano wa Mwanadamu ... na katika mkono wake mundu mkali). Hapa mavuno yamelinganishwa na siku ya mwisho. Je, itakuwaje siku hiyo? Japo sisi sote ni kama magugu na ngano vilivyokua pamoja, dhahiri shahiri siku hiyo itaonyesha tofauti iliyopo: Itatokea na hukumu kwao wasioamini (hiyo inafafanuliwa kwa njia ya mfano katika m.19-20 kama shinikizo  ... kubwa la ghadhabu ya Mungu, wasioamini wakiwa zabibu zinazotupwa katika shinikizo hilo), wakati Yesu atakapojishughulisha kipekee na kazi ya kuwakusanya waumini ghalani mwake kwa uzima na furaha ya milele (ni maana ya nchi ikavunwa katika m.16). Je, mimi na wewe ni ngano au magugu? Bwana Yesu asifiwe! Aweza kutufanya ngano sasa hivi tukimwamini.