Soma Biblia Kila Siku Novemba 2021Mfano

Tangu kushindwa na kutupwa duniani, shetani hajapoteza wakati. Hima akaanza kumfuatilia yule mwanamke (= waumini wa agano la kale) ili amwangamize. Vivyo hivyo siku hizi hajatulia. Kama simba angurumaye, shetani daima huzunguka akitafuta kuwaangamiza waaminio (1 Pet 5:8). Lakini asante Mungu, maana aweza kuwahifadhi ndani ya wokovu ule aliotufanyia kwa njia ya kumwamini Yesu. Mwanamke yule akapewa mabawa mawili ya tai yule mkubwa, ili aruke, aende zake nyikani hata mahali pake, hapo alishwapo kwa wakati na nyakati na husu ya wakati mbali na nyoka huyo. ... Nchi ikamsaidia mwanamke; nchi ikafunua kinywa chake, ikaumeza mto ule alioutoa yule joka katika kinywa chake (m.14 na 16). Swali kwako sasa ni: Je, wamwamini Yesu? Mwamini, usishindwe na mashambulizi ya joka!