Soma Biblia Kila Siku Novemba 2021Mfano

Unyenyekevu wako umenikuza (m.36). Tungeweza kuitafsiri kauli hii kwa hivi: Kuinama kwako kumenifanya mkuu. Kufanikiwa kwa Daudi wakati wa shida na taabu si kutokana na uwezo wake mwenyewe, bali ni kwa sababu ya msaada wa Mungu tu. Daudi hakustahili kwamba Mungu mwenye enzi yote akubali kujishughulisha na mapambano yake. Lakini katika uaminifu wake, Bwana akakubali, akanyosha mkono wake mwenye nguvu kutoka juu, akamshindia Daudi, akamtoa, akampeleka panapo nafasi. Alipeleka kutoka juu, akanishika; Akanitoa katika maji mengi. ... Akanitoa akanipeleka panapo nafasi; Aliniponya kwa kuwa alipendezwa nami (22:17,20).