ལུ་ཀཱ། 21

ལེའུ་ཉི་ཤུ་རྩ་གཅིག

ཡུགས་མོ་ཞིག་གིས་ཞལ་འདེབས་ཕུལ་བ།

1དེ་ནས་ཡང་ཡེ་ཤུ་ཡར་བཞེངས་ཏེ་མི་ཕྱུག་པོ་ཀྱ་ཀྱིས་མཆོད་ཁང་གི་ཞལ་འདེབས་འབུལ་སའི་སྒམ་ནང་ལེ། ཞལ་འདེབས་འབུལ་ལི་གཟིགས་པི་མ་ཟད། 2ཡུགས་མོ་སྤྲང་སློང་ཞིག་གིས་ཟང་ཟངས་ཀྱི་ཊང་ཀ་གཉིས་ཞལ་འདེབས་འབུལ་ལི་གཟིགས་གནང་ཕེན། 3ཁོང་གིས་སློབ་མ་ཀྱ་ལེ། ང་ཁྱེད་ཀྱ་ལེ་བདེན་པ་ཟེར་རོ། ཞལ་འདེབས་འབུལ་མཁན་ཡེ་རེའི་ནང་ནས་ཡུགས་མོ་སྤྲང་སློང་འདིས་མང་ཤོས་ཕུལ་ལི་དིག 4ཅི་ལེ་ཟེར་ནི། ཕྱུག་པོ་ཀྱ་ཀྱིས་རྒྱུ་ནོར་ལྷག་མ་མང་པོ་འོད་ཡོད་དེ་ནས་ཞལ་འདེབས་ཕུལ་ལི་དིག ཡིན་ནའང་། མོས་རང་ལེ་ཟ་རྒྱུ་མི་འདང་འོད་ནའང་། རང་ལེ་ཅི་འོད་ཡོད་དེ་ཡེ་རེ་ཕུལ་ལི་དིག་ཟིན་གསུངས་པི་དིག

དུས་ཀྱི་མཐའ་མའི་སྐོར་ལེ་ལུང་བསྟན་པ།

5དེ་ནས་ཡང་སློབ་མ་ཁ་ཤས་ཞིག་གིས་མཆོད་ཁང་དེ་ནི། རྡོ་མཛེས་པོ་དིང་། དཀོན་མཆོག་ལེ་ཕུལ་ལི་ཞལ་འདེབས་ཀྱིས་མཆོད་ཁང་རྒྱས་པོ་འཇུ་གུ་བཟོས་འདུག་ཟིན་གཏམ་གླེང་བགྱིད་རྒྱ། 6ཡེ་ཤུས་སློབ་མ་ཀྱ་ལེ། ཁྱེད་ཀྱ་ཀྱིས་ཅི་མཐོང་བ་ཡེ་རེ་མ་འོངས་པའི་དུས་ལེ་རྡོ་ཕོང་གན་གཅིག་ཟང་མ་ལུས་ཏེ་ཡེ་རེ་བཤིག་འགྲོ་གྱི་དིག་ཟིན་གསུངས་པི་དིག

7དེའི་རྗེས་ལེ་སློབ་མ་ཀྱ་ཀྱིས་ཡེ་ཤུ་ལེ། སློབ་དཔོན། དོན་དེ་ཀྱ་དུས་ནམ་ཞིག་ལེ་འོང་འོད་དི་གོ། ཡང་དུས་དེ་ཀྱ་མ་སླེབས་པའི་སྔོན་ལེ་རྟགས་ཅི་ཞིག་འོང་འོད་དི་གོ་ཟིན་ཞུས་ཏེ། 8ཁོང་གིས། མི་སུ་ཞིག་གིས་ཁྱེད་ཀྱ་ལེ་མགོ་མི་སྐོར་རི་ཆེད་དུ་དོགས་ཟོན་གྱིས་ཤིག ཅི་ལེ་ཟེར་ནི། མི་མང་པོ་ཞིག་གིས་ངའི་མིང་བརྒྱུད་ནས་འོངས་ཏེ། ང་ནི་སྐྱབས་མགོན་དེ་ཡིན་ཟེར་རི་དིང་། ད་དུས་དེ་ཉེ་མོ་སླེབས་འདུག་ཟེར་གྱི་དིག ཁྱེད་ཀྱ་ཀྱིས་མི་དེའི་རྗེས་ལེ་འབྲངས་མ་འགྲོ་ཅིག 9ཡང་དེ་མ་ཟད། ཁྱེད་ཀྱ་ཀྱིས་དམག་འཁྲུག་དིང་། ཟིང་འཁྲུག་ཤོར་རི་གནས་ཚུལ་ཅི་ཞིག་ཐོས་ནའང་། དོན་དེ་ལེ་འཁྱར་སྣང་མ་བགྱིད་ཅིག ཅི་ལེ་ཟེར་ནི། དོན་དེ་ཡེ་རེ་སྔོན་ལེ་འོང་གཏན་ཡིན་དིག ཡིན་ནའང་། དུས་ཀྱི་མཐའ་མ་དེ་ནི་ད་རུང་མ་སླེབས་འོད་དིག་ཟིན་གསུངས་པི་དིག 10དེ་ནས་ཡང་ཁོང་གིས་སློབ་མ་ཀྱ་ལེ། མི་རིགས་གཅིག་གིས་གཅིག་ལེ་འཁྲུག་འཛིན་བགྱིད་དི་དིང་། རྒྱལ་ཁབ་གཅིག་གིས་གཅིག་ལེ་འཁྲུག་པ་ཤོར་འགྲོ་བ་དིང་། 11ས་འགུལ་ཟང་ཆེན་པོ་འོང་གྱི་དིག ཡང་ལུང་པ་མང་པོ་ལེ་མུ་གེ་འོང་གི་དིང་། ནད་ཡམས་སྣ་ཚོགས་ཟང་འོང་གི་མ་ཟད། ནམ་མཁའ་ནས་ཟང་འཁྱར་སྣང་ཆེན་པོའི་ངོ་མཚར་གྱི་རྟགས་སྣ་ཚོགས་འོང་གྱི་དིག 12ཡིན་ནའང་། དོན་དེ་ཡེ་རེ་མ་འབྱུང་བའི་སྔོན་ལེ། ངའི་དོན་ལེ་ཁྱེད་ཀྱ་འཛིན་བཟུང་བྱས་ཏེ་གནོད་འཚེ་གཏོང་གི་མ་ཟད། ཚོགས་ཁང་ནང་ལེ་ཁྲིད་དེ་ཁྲིམས་གཅོད་བྱས་ཏེ་བཙོན་ལེ་འཇུག་རྒྱུ་ཆེད་དུ། ཁྱེད་ཀྱ་རྒྱལ་པོ་དིང་ས་གནས་དཔོན་པོ་ཀྱ་ཀྱི་དྲུང་དུ་འཁྲིད་འགྲོ་གྱི་དིག 13ཡང་ཁྱེད་ཀྱ་ཀྱིས་མི་ཡེ་རེ་ལེ་ངའི་གཏམ་བཟང་གི་ཆེད་དུ་དཔང་པོ་བགྱིད་དགོས་པའི་དུས་ཞིག་འོང་གྱི་དིག 14ཡིན་ནའང་། དུས་དེ་རྒྱ་ཁྱེད་ཀྱ་ཀྱིས་མི་ལེ་ལབ་ལན་ཅི་གི་བྱས་ཏེ་སློག་དགོས་འོད་མེད་ཀྱི་སྐོར་ལེ་སེམས་ཁྲལ་མ་བགྱིད་ཅིག 15ཅི་ལེ་ཟེར་ནི། ངས་ཁྱེད་ཀྱ་ལེ་ལབ་ལན་ཅི་གི་བྱས་ཏེ་སློག་དགོས་འོད་མེད་སྐོར་ལེ་ཤེས་རབ་སྟེར་རོ། དེ་རྒྱ་དགྲ་བོ་སུ་ཞིག་གིས་ཟང་ཁྱེད་ཀྱ་ལེ་འཐབ་རྩོད་དིང་འགེག་རྒོལ་བགྱིད་ཐུབ་ཀྱི་མ་དིག 16-17ཡིན་ནའང་། ངའི་དོན་ལེ་ཁྱེད་ཀྱ་ཀྱི་ཕ་མ་དིང་། སྤུན། གཉེན་ཉེ་བ། རོགས་པོ་ཀྱ་ཀྱིས་ཟང་། ཁྱེད་ཀྱ་ཟིན་ཏེ་དགྲའི་ལག་ལེ་གཏོད་དི་མ་ཟད། ཁྱེད་ཀྱ་ནང་ནས་ལ་ལ་གསོད་ཀྱི་དིག ཡང་ལ་ལ་ལེ་མི་ཀྱ་ཀྱིས་དགྲ་སྡང་པོ་བགྱིད་ཀྱི་དིག 18ཡིན་ནའང་། དཀོན་མཆོག་གིས་ཁྱེད་ཀྱ་ཀྱི་མགོའི་སྐྲ་རྐང་གཅིག་ཟང་རྩ་མེད་གཏོང་གྱི་མ་དིག 19ཁྱེད་ཀྱ་ཀྱི་བཟོད་སྒོམ་བརྒྱུད་ནས་ཁྱེད་ཀྱ་ཀྱི་སྲོག་སྐྱོབ་ཀྱི་དིག་ཟིན་གསུངས་པི་དིག

20ཡང་ཡེ་རུ་ས་གླིང་རྒྱལ་སའི་ཕྱོགས་བཞི་ནས་དམག་དཔུང་གིས་མཐའ་བསྐོར་རི་དེ་ཁྱེད་ཀྱ་ཀྱིས་མཐོང་རྒྱ། རྒྱལ་ས་དེ་གཏོར་བཤིག་གཏོང་གི་དུས་དེ་སླེབས་རེན་འགྲོ་བ་ཡིན་དི་ཁྱེད་ཀྱ་ཀྱིས་ཧ་གོ་ཐུབ་པར་གྱིས་ཤིག 21དེའི་དུས་ལེ་ཡ་ཧུ་དཱ་ལུང་པ་ལེ་འོད་ཡོད་མི་ཀྱ་རི་ལེ་བྲོས་ཅིག རྒྱལ་སའི་ནང་ལེ་འོད་ཡོད་མི་ཀྱ་ཕྱི་ལེ་ཐོན་གྱི་དིག ཡང་ཡུལ་གྱི་ནང་ལེ་འོད་ཡོད་མི་ཀྱ་ཟང་རྒྱལ་ས་དེ་ལེ་མ་འགྲོ་ཅིག 22ཅི་ལེ་ཟེར་ནི། དུས་དེ་ནི་དཀོན་མཆོག་གིས་ཡ་ཧུ་དཱ་པའི་མི་རིགས་ལེ་ཉེ་ཆད་གཏོང་གི་ཉིན་མོ་དེ་ཡིན་དི་མ་ཟད། དཀོན་མཆོག་གི་གསུང་རབ་ཀྱི་མདོ་ནང་ལེ་གསུངས་པི་དེ་འགྲུབ་རྒྱུ་ཆེད་དུ་ཡིན་དིག 23ཡང་ཉིན་མ་དེ་ལེ། སྐྱེ་རྒྱུ་འོད་ཡོད་བུ་མའ་དིང་། ཕྲུ་གུ་ལེ་འོ་མ་སྟེར་མཁན་ཀྱ་སྙིང་རྗེ། ཡུལ་དེ་ལེ་དཀའ་ངལ་ཆེན་པོ་འོང་གི་མ་ཟད། སྡིག་པ་བྱས་པའི་རྐྱེན་གྱིས་མི་རིགས་འདི་ཀྱ་ལེ་དཀོན་མཆོག་གི་ཉེས་ཆད་ཕོག་གྱི་དིག 24ཡང་ཡ་ཧུ་དཱ་པའི་མི་མང་པོ་ཞིག་རལ་གྲི་གཞུས་ཏེ་གསོད་ཀྱི་དིག ཡང་ཁ་ཤས་ལེ་འཛིན་བཟུང་བྱས་ཏེ། རྒྱལ་ཁབ་སོ་སོའི་བཙོན་ལེ་འཇུག་རྒྱུ་ཆེད་དུ། མི་རིགས་དེ་ཀྱ་འཁྲིད་དེ་ཁ་འཐོར་གཏོང་གྱི་དིག ཕྱིའི་མི་རིགས་ཀྱ་ཀྱིས་ཡེ་རུ་ས་གླིང་གི་རྒྱལ་ས་དེ་ལེ་དབང་འཛིན་བགྱིད་མ་ནུས་བར་དུ། ཁྱེད་ཀྱ་ཕྱི་མིའི་དབང་འོག་ཏུ་སྡོད་དགོས་འོང་གྱི་དིག

ཡེ་ཤུ་ཕེབས་འོང་བའི་སྐོར།

25ཡང་ཉིན་མ་དེ་ལེ། ཉི་ཟླ་སྐར་གསུམ་ལེ་ངོ་མཚར་གྱི་རྟགས་སྣ་ཚོགས་འོང་གི་དིང་། རྒྱ་མཚོའི་རྦ་རླབས་ཀྱི་འུར་སྒྲ་ཆེན་པོ་ཐོས་ཕེན། ས་སྟེང་གི་མི་རིགས་ཡེ་རེ་ལེ་སེམས་འཚབ་དིང་དཀའ་ངལ་ཆེན་པོ་འོང་གྱི་དིག 26ཡང་བར་སྣང་ཁམས་ཀྱི་དབང་ལེ་འོད་ཡོད་དེ་ཟང་ཕར་གཡོ་ཚུར་གཡོ་བྱས་ཕེན། མི་ཀྱ་ཀྱིས་འཇིག་རྟེན་ཁམས་འདི་ལེ་རྐྱེན་ངན་ཅི་གི་ཞིག་འབྱུང་འོང་ཟིན་འཁྱར་ཏེ་དྲན་མེད་ཤོར་འགྲོ་གྱི་དིག 27དུས་དེ་རྒྱ་མི་ཀྱ་ཀྱིས་མིའི་བི་ས་ནི་དབང་དིང་གཟི་བརྗིད་ཆེན་པོའི་ངང་ནས་སྤྲིན་ཞིག་གི་ནང་ནས་འོང་གི་མཐོང་གྱི་དིག 28དོན་འདི་ཀྱ་འབྱུང་འོང་རྒྱ། ཁྱེད་ཀྱ་ལངས་ཏེ་ཡར་ལྟོས་ཤིག ཅི་ལེ་ཟེར་ནི། ཁྱེད་ཀྱ་ལེ་ཐར་བའི་དུས་དེ་སླེབས་འགྲོ་བ་ཡིན་དིག་ཟིན་གསུངས་པི་དིག

བསེ་ཡབ་སྡོང་པོའི་དཔེའི་སྐོར།

29དེ་ནས་ཡེ་ཤུས་རང་གི་སློབ་མ་ཀྱ་ལེ། ཁྱེད་ཀྱ་ཀྱིས་བསེ་ཡབ་སྡོང་པོ་ནས་དཔེ་ཞིག་སྦྱོངས་དང་། 30དེའི་ལོ་མ་ཡར་འབུས་འོང་གི་ཁྱེད་ཀྱིས་མཐོང་རྒྱ། དབྱར་ཁའི་དུས་ཤར་འོང་གི་ཧ་གོ་འོད་དིག 31འོ་དེ་ཅོག་འདྲ། ཁྱེད་ཀྱ་ཀྱིས་ཟང་དོན་དེ་ཀྱ་བྱུང་པི་མཐོང་རྒྱ། དཀོན་མཆོག་གི་རྒྱལ་ཁབ་དེ་ཉེ་མོ་སླེབས་འོད་དི་ཧ་གོ་ཐུབ་ཀྱི་དིག 32ང་ཁྱེད་ཀྱ་ལེ་བདེན་པ་ཟེར་རོ། མི་རབས་འདི་མ་རྫོགས་པའི་སྔོན་ལེ་དོན་འདི་ཡེ་རེ་འོང་གྱི་དིག 33གནམ་ས་གཉིས་རྩ་མེད་ཤོར་ནའང་། ངའི་བཀའ་ཀྱ་ནི་རྩ་མེད་ཤོར་སྲིད་ཀྱི་མ་དིག་ཟིན་གསུངས་པི་དིག

34-35ཡང་ཁོང་གིས་སྤྱོད་པ་ངན་པ་དིང་། ཆང་བཟི་བ། འཚོ་བའི་སྐོར་གྱི་སེམས་ཁྲལ་གྱིས་ཁྱེད་ཀྱ་ལེ་མི་གནོན་པའི་ཆེད་དུ་དིང་། ཡང་ཉིན་མོ་དེས་ཞགས་པས་འཛིན་པི་ཅོག་འདྲ། ཁྱེད་ཀྱ་ལེ་མི་འཛིན་པི་ཆེད་དུ། ཁྱེད་ཀྱ་ཀྱིས་དོགས་ཟོན་གྱིས་ཤིག ཅི་ལེ་ཟེར་ནི། ཉིན་མོ་དེ་ནི་ས་གཞིའི་སྟེང་གི་མི་རིགས་ཀུན་གྱི་ལྟག་ག་ལེ་འབབ་འོང་གྱི་དིག 36འོ་དེ་ལེ་བརྟེན་ཏེ། འོང་རྒྱུ་ཡིན་དི་དོན་དེ་ཡེ་རེ་ནས་ཐར་ཐུབ་ཏེ། མིའི་བི་སའི་དྲུང་དུ་ཡར་ལངས་ཏེ་སྡོད་ཐུབ་རྒྱུ་ཆེད་དུ། ཁྱེད་ཀྱ་ཀྱིས་རང་སོ་སོའི་དོན་ལེ། དཀོན་མཆོག་ལེ་གསོལ་བ་སྨོན་ལམ་བཏབ་སྟེ་དོགས་ཟོན་གྱིས་ཤིག་ཟིན་གསུངས་པི་དིག

37ཡང་ཉིན་གྲངས་ཡེ་ཤུས་མཆོད་ཁང་གི་དྭངས་རའི་ནང་ལེ་ཕེབས་ཏེ། མི་ཀྱ་ལེ་ཆོས་གསུངས་པི་མ་ཟད། ཡང་དགོང་མོའི་དུས་ལེ་ཁོང་རང་སྐྱུར་རུ་རི་ལེ་རང་འཇགས་ཕེབས་ཏེ་བཞུགས་པི་དིག 38ཡང་ཁོང་གི་ཆོས་ལེ་ཉན་རྒྱུ་ཆེད་དུ། མི་ཡེ་རེ་སྔ་མོ་ནས་ལངས་ཏེ་མཆོད་ཁང་ལེ་འགྲོ་འོད་དིག །

Iliyochaguliwa sasa

ལུ་ཀཱ། 21: DLPO

Kuonyesha

Shirikisha

Nakili