ལུ་ཀཱ། 19

ལེའུ་བཅུ་དགུ།

ཡེ་ཤུ་དིང་ཁྲལ་སྡུད་མཁན་སཱ་ཀཱ་ཟེར་མཁན་གྱི་སྐོར།

1དེ་ནས་ཡང་ཡེ་ཤུ་ཡེ་རུ་ཀོ་ཟེར་རི་རྒྱལ་སའི་བརྒྱུད་ནས་ཕེབས་གནང་རྒྱ། 2རྒྱལ་ས་དེ་རུ་ཁྲལ་པ་རྐྱང་བསྡུས་ཏེ་ཕྱུག་པོ་བྱུང་བའི་མིང་ལེ་སཱ་ཀཱ་ཟེར་མཁན་མི་ཞིག་འོད་དིག ཁོ་རང་ནི་ཁྲལ་སྡུད་མཁན་གྱི་འགོ་དཔོན་ཟང་ཡིན་དིག 3ཁོས་ཡེ་ཤུ་སུ་ཡིན་མིན་ལྟ་འདོད་བྱུང་ནའང་མ་མཐོང་པི་དིག ཅི་ལེ་ཟེར་ནི། ཁོ་རང་ནི་གཟུགས་པོ་ཆུང་མ་འོད་དི་མ་ཟད། མི་ཚོགས་ཟང་མང་པོ་འོད་དིག 4འོ་དེ་ལེ་བརྟེན་ཏེ། ཁོས་ཡེ་ཤུའི་ཕེབས་ལམ་གྱི་མདུན་ལེ་བརྒྱུགས་ཏེ། སུ་ཀོ་མོར་ཟེར་རི་སྡོང་པོ་ཆེན་པོ་ཞིག་གི་ལྟག་ག་ལེ་འཛེགས་ཏེ་བལྟས་པི་དིག 5ཡང་ཡེ་ཤུ་ཟང་སྡོང་པོ་དེའི་ཉེ་འཁོར་ལེ་ཕེབས་ཏེ་ཡར་གཟིགས་པི་མ་ཟད། ཡེ་ཤུས་ཁོ་ལེ། སཱ་ཀཱ། ཁྱོད་རང་མགྱོགས་པོ་མར་བོབས་ལེད་དང་། དེ་རིང་ང་ཁྱོད་ཀྱི་ཁྱིམ་ལེ་སྡོད་ཀྱི་ཡིན་ཟིན་གསུངས་ཕེན། 6ཁོ་རང་མགྱོགས་པོ་སྡོང་པོ་ནས་མར་བབས་ཏེ་དགའ་སྤྲོའི་ངང་ནས་ཡེ་ཤུ་རང་གི་ནང་ལེ་ཕེབས་བསུ་ཞུས་པི་དིག 7ཡང་མི་ཀྱ་ཀྱིས་གནས་ཚུལ་དེ་མཐོང་ཕེན། ཕན་ཚུན་གཅིག་གིས་གཅིག་ལེ། ཁོང་རང་ནི་མི་སྡིག་ཅན་གྱི་ཁྱིམ་ལེ་མགྲོན་པོ་འགྲོ་འདུག་ཟིན་མ་དགའ་བའི་ལབ་གླེང་བགྱིད་འོད་དིག 8ཡིན་ནའང་། སཱ་ཀཱ་ཁོ་རང་ཡར་ལངས་ཏེ། ཇོ་བོ། གཟིགས་དང་། ང་རང་ལེ་འོད་ཡོད་རྒྱུ་ནོར་ཕྱེད་ཀ་སྤྲང་ལོང་ཀྱ་ལེ་སྟེར་གྱི་ཡིན། ཡང་གལ་སྲིད་ངས་མི་ལེ་མགོ་སྐོར་བཏང་སྟེ་རྒྱུ་ནོར་བླངས་འོད་ནི། ངས་ལྡབ་བཞི་ཕ་ལེ་གཏོད་གྱི་ཡིན་ཟིན་ཞུས་ཕེན། 9ཡེ་ཤུས་ཁོ་ལེ། མི་འདི་ཟང་མེས་མེས་ཨབ་ར་ཧམ་གྱི་རྒྱུད་པ་ཡིན་ཕེན། ད་རིང་ཁྱིམ་འདིའི་མི་ཀྱ་ཡེ་རེ་ལེ་ཐར་པ་ཐོབ་པི་དིག 10ཅི་ལེ་ཟེར་ནི། མིའི་བི་ས་ནི་དཀོན་མཆོག་དིང་ཁ་བྲལ་ལི་མི་ཀྱ་འཚོལ་རྒྱུ་དིང་སྐྱོབ་གནང་རྒྱུ་ཆེད་དུ་འོངས་པི་དིག་ཟིན་གསུངས་པི་དིག

དངུལ་གྱི་སྒོར་མོ་བཅུའི་དཔེ།

11དེ་ནས་ཡེ་ཤུའི་རྗེས་ལེ་འབྲང་མཁན་མི་ཀྱ་ཀྱིས་གསུང་དེ་ལེ་ཉན་རྒྱ། ཡེ་ཤུ་ཡེ་རུ་ས་གླིང་ཉེ་འཁོར་ལེ་འོད་ཕེན། མི་དེ་ཀྱ་ཀྱི་དཀོན་མཆོག་གི་རྒྱལ་ཁབ་མགྱོགས་པོ་མངོན་གྱི་དིག་བསམས་པི་དིག ཡང་ཁོང་གིས་དེ་རུ་འོད་ཡོད་མི་ཀྱ་ལེ་དཔེ་བརྒྱུད་ནས། 12མི་སྐུ་དྲག་ཞིག་ལེ་རྒྱལ་པའི་དབང་ཆ་འཐོབ་རྒྱུ་ཆེད་དུ། ཐག་རིང་གི་ལུང་པ་ལེ་ཞུགས་འོད་ཡོད་རྒྱལ་པོ་ཆེན་པོའི་དྲུང་དུ་ཕྱིན་དི་དིག དེ་ནས་ཁོ་རང་ལེ་རྒྱལ་པོའི་དབང་ཆ་ཐོབ་པི་རྗེས་ལེ། རང་ཡུལ་ལེ་ལོག་འོང་དགོས་བསམས་པི་དིག 13དེ་ནས་ཁོས་རང་གི་གཡོག་པོ་བཅུ་པོ་དེ་ཀྱ་རང་གི་མདུན་དུ་བོས་ཏེ། མི་རེ་རེ་ལེ་གསེར་གྱི་ཊང་ཀ་གཅིག་གཏད་དེ། ང་མ་སླེབས་བར་དུ་ཁྱེད་ཀྱ་ཀྱིས་གསེར་ཊང་ཀ་དེས་ཉོ་ཚོང་གྱིས་ཤིག་སྨྲས་པི་དིག#19.13 གེ་རིག་ཟེར་ལུགས་ནང་ལེ། གསེར་གྱི་ཊང་ཀ་མི་ཟེར་འོད་དིག མི་ནཱ་ཟིན་འོད། དུས་དེ་རྒྱ་མི་ནཱ་གཅིག་ནི། ཉིན་མ་བརྒྱའི་གླ་ཆ་ཡིན་དིག 14ཡིན་ནའང་། སྐུ་དྲག་དེ་ལེ་མི་མང་ཀྱ་ཀྱིས་འཐད་པོ་འཇུ་གུ་མི་བགྱིད་འོད་དི་མ་ཟད། མི་མང་དེ་ཀྱ་ཀྱིས་ཁོ་རང་རྒྱལ་པོ་བསྐོས་རྒྱུ་ལེ་འདོད་པ་མེད་ཟེར་དུ་མི་ཁ་ཤས་ཁོའི་རྗེས་ལེ་བརྫངས་པི་དིག 15ཡིན་ནའང་། སྐུ་དྲག་དེ་ལེ་རྒྱལ་པོའི་དབང་ཆ་ཐོབ་པའི་རྗེས་ལེ་ཚུར་ལོག་སླེབས་ཕེན། ཁོས་དངུལ་ཊང་གཏོད་སའི་གཡོག་པོ་ཀྱ་ཀྱིས་ཉོ་ཚོང་ཙམ་བྱས་འོད་མེད་ལྟ་རྒྱུ་ཆེད་དུ། མི་རེ་རེ་བྱས་ཏེ་རང་གི་མདུན་དུ་ཤོག་སྨྲས་པི་དིག 16གཡོག་པོ་དང་པོ་དེ་ཁོའི་དྲུང་དུ་འོངས་ཏེ། བདག་པོའོ། ཁྱེད་ཀྱིས་ང་ལེ་གནང་བའི་གསེར་གྱི་ཊང་ཀ་གཅིག་འདི་ལེ་ལྡབ་བཅུ་ཁེ་བཟང་འབྱོར་བྱུང་ཞུས་ཕེན། 17ཁོས་གཡོགས་པོ་དེ་ལེ། འོ་བྱུང་ང་། གཡོག་པོ་བཟང་པོ་ཁྱོད་ཀྱིས་དོན་ཆུང་མ་ཞིག་ལེ་ཟང་སེམས་པ་དྲང་པོ་བྱས་ཕེན། ད་ངས་ཁྱོད་ལེ་རྒྱལ་ས་བཅུའི་དབང་ཆ་དེ་སྟེར་གྱི་ཡིན་སྨྲས་པི་དིག 18གཡོག་པོ་གཉིས་པ་དེ་ཟང་འོངས་ཏེ། བདག་པོའོ། ཁྱེད་ཀྱིས་ང་ལེ་གནང་བའི་གསེར་གྱི་ཊང་ཀ་འདི་ལེ་ཁེ་བཟང་ལྡབ་ལྔ་འབྱོར་བྱུང་ཞུས་ཕེན། 19ཁོས་གཡོག་པོ་དེ་ལེ། ད་ངས་ཁྱོད་ལེ་ཟང་རྒྱལ་ས་ལྔའི་དབང་ཆ་དེ་སྟེར་གྱི་ཡིན་སྨྲས་པི་དིག 20གཡོག་པོ་གསུམ་པ་དེ་ཟང་འོངས་ཏེ། བདག་པོའོ། ཁྱེད་ཀྱི་གསེར་ཊང་ཀ་འདི་རུ་འོད་ཆེ། ངས་རས་ཞིག་ལེ་བཏུམས་ཏེ་ཅག་ག་དགའ་མོ་བྱས་འོད། 21ཅི་ལེ་ཟེར་ནི། ཁྱོད་རང་ནི་མི་གཤིས་རྒྱུད་གྱོང་པོ་ཞིག་ཡིན་དི་མ་ཟད། དཀའ་ལས་མ་བརྒྱབ་ཏེ་འབྲས་བུ་བསྡུ་དི་དིང་། ས་ངོན་མ་བཏབ་སྟེ་ལོ་ཏོག་རྔ་མཁན་ཁྱེད་ལེ་ང་འཇིགས་བྱུང་ཞུས་ཕེན། 22བདག་པོ་ཁོས་གཡོག་པོ་དེ་ལེ། གཡོག་པོ་ངན་པ་ཁྱོད་ཀྱིས་སྨྲས་པའི་ཚིག་དེ་ལེ་ངས་ཁྲིམས་གཅོད་གཏོང་རྒྱུ་ཡིན། ང་ནི་མི་གཤིས་རྒྱུད་གྱོང་པོ་ཞིག་ཡིན་དི་མ་ཟད། ངས་དཀའ་ལས་མ་བརྒྱབ་སྟེ་འབྲས་བུ་བསྡུ་དི་དིང་། ས་ངོན་མ་བཏབ་སྟེ་ལོ་ཏོག་རྔ་མཁན་ཡིན་དི་ཁྱོད་ཀྱིས་ཧ་གོ་ཕེན། 23ངས་ཁྱོད་ལེ་གཏད་དི་གསེར་གྱི་ཊང་ཀ་འདི་ཅི་ལེ་དངུལ་ཁང་ནང་ལེ་མི་འབོར་རི་ཡིན་དོ། གལ་སྲིད་གསེར་གྱི་ཊང་ཀ་འདི་དངུལ་ཁང་ནང་ལེ་འབོར་འོད་ནི། ང་རང་འདི་རུ་སླེབས་རྒྱ། ང་ལེ་མ་རྩ་དིང་སྐྱེད་ཁ་གཉིས་སྐྱེན་ལེ་ལེན་རྒྱུ་འབྱོར་གྱི་མ་གས་སྨྲས་པི་དིག 24དེ་ནས་རང་གི་མཐའ་བསྐོར་ལེ་འོད་ཡོད་གཡོག་པོ་ཀྱ་ལེ། ཁོའི་ལག་ནས་གསེར་གྱི་ཊང་ཀ་དེ་ལོངས་དང་། གསེར་གྱི་ཊང་ཀ་བཅུ་འོད་ཡོད་ཁོ་ལེ་གཏོད་ཅིག་སྨྲས་ཕེན། 25གཡོག་པོ་དེ་ཀྱ་ཀྱིས་ཁོང་ལེ། བདག་པོའོ། ཁོ་ལེ་སྔོན་ནས་ལྡབ་བཅུ་ཁེ་བཟང་འོད་དི་མ་གས་ཞུས་པི་དིག 26ཡིན་ནའང་། བདག་པོ་ཁོས་ང་ཁྱེད་ཀྱ་ལེ་ཟེར་རོ། མང་པོ་འོད་ཡོད་དེ་ལེ། ད་རུང་མང་ང་སྟེར་གྱི་དིག ཡང་ཅི་གང་མེད་མཁན་ཁོ་ལེ། ཉུང་མ་འོད་ཡོད་དི་ཟང་ཁོའི་ལག་ནས་འཁྱེར་འགྲོ་གྱི་དིག 27ཡིན་ནའང་། ང་རྒྱལ་པོ་བྱུང་བར་མི་དགའ་མཁན་དྲག་བོ་དེ་ཀྱ་འདི་རུ་ཁྲིད་ལེད་དང་། ངའི་མིག་གི་མཐོང་ས་ལེ་སོད་ཅིག་སྨྲས་པི་དིག་ཟིན་ཡེ་ཤུས་སྒྲུང་དེ་གསུངས་གནང་པི་དིག

ཡེ་ཤུ་ཡེ་རུ་ས་གླིང་རྒྱལ་ས་ལེ་ཕེབས་པ།

28དེ་ནས་ཡེ་ཤུ་འོ་དེ་གི་གསུངས་ནུས་པའི་རྗེས་ལེ། ཁོང་དིང་སློབ་མ་ཀྱ་སྟོད་ཕྱོགས་ཀྱི་ཡེ་རུ་ས་གླིང་རྒྱལ་ས་ལེ་ཕེབས་ཏེ། 29ཁོང་རང་སྐྱུར་རུ་སྡོང་པོའི་རིའི་ཉེ་འཁོར་ལེ་འོད་ཡོད་པེ་ཕཱ་གེ་དིང་པེ་ཐན་ཡཱ་ཟེར་རི་ཡུལ་དེ་གཉིས་ལེ་ཕེབས་རྒྱུ་ཆེད་དུ། ཁོང་གིས་རང་གི་སློབ་མ་གཉིས་ལེ། 30ཁྱེད་གཉིས་པོ་ཕཱ་གེ་ཡུལ་དེ་ལེ་རྒྱུགས་དང་། དེ་རུ་སླེབས་ལོང་མེད་ཁྱིམ་ཞིག་གི་མདུན་ལེ། མི་སུ་ཞིག་གིས་ཟང་བཞོན་མྱོང་མེད་མེད་བོང་ཕྲུག་ལོ་གཉིས་ཚོད་ཡིན་མཁན་ཞིག་བཏགས་འོད་དི་ཁྱེད་གཉིས་ཀྱིས་མཐོང་གྱི་དིག དེ་ནས་ཁྱེད་གཉིས་ཀྱིས་དེ་བཀྲོལ་ཏེ་འདི་རུ་ཁྲིད་ལེད། 31གལ་སྲིད་མི་གཞན་གྱིས་ཁྱེད་གཉིས་ལེ་ཅིའི་དོན་ལེ་བཀྲོལ་ལི་ཡིན་དོ་ཟིན་དྲིས་ནི། བོང་ཕྲུག་འདི་ནི་ཉེད་ཀྱ་ཀྱི་ཇོ་བོ་ལེ་དགོས་པ་འདུག་སྨྲོས་ཤིག་ཟིན་གསུངས་ཏེ་བརྫངས་པི་དིག 32ཡང་སློབ་མ་གཉིས་པོ་དེ་ཟང་ཡུལ་དེ་རུ་སླེབས་ཕེན། ཁོང་གིས་གསུངས་པི་ཅོག་འདྲ་མཐོང་ཕེན། 33ཁོ་གཉིས་ཀྱིས་བོང་ཕྲུག་དེ་འཀྲོལ་རྒྱུ་བགྱིད་རྒྱ། བོང་ཕྲུག་དེའི་བདག་པོ་ཀྱ་འོངས་ཏེ། ཁྱེད་ཀྱ་ཀྱིས་ཅི་ལེ་འདི་འཀྲོལ་ལི་ཡིན་དོ་ཟིན་དྲིས་ཏེ། 34ཁོ་གཉིས་ཀྱིས་བོང་ཕྲུག་འདི་ཉེད་ཀྱ་ཀྱི་ཇོ་བོ་ཁོང་ལེ་དགོས་པ་འདུག་སྨྲས་པི་རྗེས་ལེ། 35ཁོ་གཉིས་ཀྱིས་བོང་ཕྲུག་འདི་ཡེ་ཤུའི་དྲུང་དུ་ཁྲིད་འོངས་པི་མ་ཟད། ཁོ་གཉིས་ཀྱིས་བོང་ཕྲུག་དེའི་ལྟག་ག་ལེ་རང་གི་ཁ་གྱོན་བུད་དེ་བཏིངས་ཕེན། ཡེ་ཤུ་ཟང་བོང་ཕྲུག་དེའི་ལྟག་ག་ལེ་བཅིབས་ཏེ་ཕེབས་གནང་པི་དིག 36ཁོང་ཕེབས་འོང་རྒྱ། མི་ཀྱ་ཀྱིས་ཟང་རང་གི་ཁ་གྱོན་བུད་དེ་ཁོང་གི་ཕེབས་ལམ་ལེ་བཏིང་པི་དིག 37ཡང་ཡེ་ཤུ་སྐྱུར་རུ་སྡོང་པོའི་རི་ནས་མར་འབབ་འོང་རྒྱ། ཁོང་གི་རྗེས་ལེ་འབྲང་མཁན་མི་ཚོགས་ཀྱ་ཀྱིས་ཁོང་གིས་མཛད་པའི་ངོ་མཚར་མང་པོ་མཐོང་མྱོང་འོད་ཕེན། དགའ་རི་ཆེན་པོ་དིང་སྐད་ཆེན་པོས་ངང་ནས་དཀོན་མཆོག་ལེ་བསྟོད་པ་འབུལ་ལི་མ་ཟད། 38ཇོ་བོ་དཀོན་མཆོག་གི་མཚན་གྱི་བརྒྱུད་ནས་ཕེབས་པའི་རྒྱལ་པོ་ལེ་བྱིན་རླབས་ཆེའོ། ནམ་མཁའི་ཞིང་ཁམས་ལེ་ཞི་བདེ་དིང་། གཟི་བརྗིད་ཅན་གྱི་བླ་ན་མེད་པའི་དཀོན་མཆོག་ཁོང་ལེ་བསྟོད་པ་འབུལ་ལོ་ཟིན་ཡང་ནས་ཡང་དུ་སྐད་བརྒྱབ་པི་དིག 39ཡང་མི་ཚོགས་ཀྱི་སྐྱེན་ལེ་ཕཱ་རུ་ཤི་པ་ཁ་ཤས་ཞིག་འོད་དི་མ་ཟད། མི་ཚོགས་ཀྱིས་ཡེ་ཤུ་ལེ་བསྟོད་པ་ཕུལ་ལི་དེ་ལེ། ཕཱ་རུ་ཤི་པ་ཀྱ་ཀྱིས་མ་དགའ་ཕེན། ཡེ་ཤུ་ལེ། སློབ་དཔོན། ཁྱོད་ཀྱི་སློབ་མ་ཀྱ་ལེ་སྐད་མ་རྒྱག་ཟིན་འཁྲུག་པ་འཚོལ་དང་སྨྲས་པི་དིག 40ཡིན་ནའང་། ཡེ་ཤུས་མི་དེ་ཀྱ་ལེ། ང་ཁྱེད་ཀྱ་ལེ་ཟེར་རོ། གལ་སྲིད་མི་འདི་ཀྱ་ཀྱིས་ཁ་ཚུམས་པི་ཡིན་ནི། ས་སྟེང་གི་རྡོ་འདི་ཀྱ་ཀྱིས་ཟང་སྐད་རྒྱག་གྱི་དིག་ཟིན་གསུངས་པི་དིག

41ཡེ་ཤུ་ཡེ་རུ་ས་གླིང་རྒྱལ་སའི་ཉེ་འཁོར་ལེ་ཕེབས་ཕེན། ཁོང་གིས་རྒྱལ་ས་དེ་ལེ་གཟིགས་ཏེ་བཤུམས་པི་མ་ཟད། 42ཁོང་གིས་རྒྱལ་ས་དེའི་སྐོར་ལེ། གལ་སྲིད་ད་རིང་ཁྱེད་ཀྱ་ཀྱིས་ཟང་ཞི་བདེའི་ཐབས་ལམ་དེ་ཧ་གོ་རོགས་བྱས་ནི་ཅི་དྲག ཡིན་ནའང་། ད་ལྟ་རྗེས་ལུད་ཐེབ་ཚར་འོད་ཕེན། ཁྱེད་ཀྱ་ཀྱིས་ཧ་གོ་ཐུབ་ཀྱི་མ་དིག 43དུས་ཡུན་མང་པོ་མ་འགོར་རི་ཁྱེད་ཀྱ་ཀྱི་དགྲ་བོ་དེ་ཀྱ་འོངས་ཏེ། ཁྱེད་ཀྱི་མཐའ་བསྐོར་ལེ་གྱང་སྐོར་ཏེ་འགྲོ་ས་མེད་མེད་བཟོ་གྱི་དིག 44ཁྱེད་ཀྱ་ཀྱིས་དཀོན་མཆོག་གི་གཟིགས་སྐྱོང་གནང་བའི་དུས་དེ་ཧ་མ་གོ་ཕེན། ཁྱེད་ཀྱ་ཀྱི་དགྲ་བོ་དེ་ཀྱ་ཀྱིས་ཁྱེད་ཀྱ་དིང་། ཡང་གྱང་ནང་ལེ་འོད་ཡོད་ཁྱེད་ཀྱ་ཀྱི་ཕྲུ་གུ་ཡེ་རེ་རྩ་མེད་བཏང་སྟེ། རྩིག་པའི་རྡོ་ཆུང་མ་ཞིག་ཟང་ལུས་ཀྱི་མ་དིག་ཟིན་གསུངས་པི་དིག

ཚོང་པ་ཀྱ་མཆོད་ཁང་ནས་ཕྱི་ལེ་བུད་གནང་བ།

45དེ་ནས་ཡེ་ཤུ་མཆོད་ཁང་གི་དྭངས་རའི་ནང་ལེ་ཕེབས་གནང་པི་དིག ཡང་མཆོད་ཁང་གི་དྭངས་རའི་ནང་ལེ་དམར་མཆོད་འབུལ་རྒྱུ་ཆེད་དུ། ཚོང་རིགས་སྣ་ཚོགས་ཚོང་མཁན་མི་ཀྱ། མཆོད་ཁང་གི་ཕྱི་ལེ་བུད་གནང་པི་མ་ཟད། 46ཁོང་གིས་དཀོན་མཆོག་གི་གསུང་རབ་ཀྱི་མདོ་ནང་ལེ། ངའི་ཁྱིམ་འདི་སྨོན་ལམ་འདེབས་སའི་ཁང་པ་ལེ་འགྱུར་ཟིན་བྲིས་འོད་དིག ཡིན་ནའང་། ཁྱེད་ཀྱ་ཀྱིས་ཇག་པའི་ཚང་ཅོག་འདྲ་བཟོས་འདུག་ཟིན་གསུངས་པི་དིག#19.46 ཚིགས་བཅད་འདི་ནི་ལུང་སྟོན་པ་ཡེ་ཤ་ཡཱས་བྲིས་པའི་ལེའུ་ 56 ཨང་ 7 དིང་། ཡང་ལུང་སྟོན་པ་ཡེ་རེམ་ཡཱས་བྲིས་པའི་ལེའུ་ 7 ཨང་ 11 ནང་ལེ་གཟིགས་རོགས། 47དེའི་རྗེས་ལེ་ཡེ་ཤུས་ཉིན་རེ་བཞིན་དུ་མཆོད་ཁང་གི་དྭངས་རའི་ནང་ལེ་ཆོས་གསུངས་གནང་གྱོ་འོད་དིག ཡིན་ནའང་། ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པའི་མི་ཀྱ་དིང་། ཡང་ཡུལ་གྱི་དཔོན་པོ་ཀྱ་ཀྱིས་ཡེ་ཤུ་ལེ་ཕྲག་དོག་བགྱིད་འོད་ཕེན། ཡེ་ཤུ་གསོད་རྒྱུ་ཐབས་གཞི་བཙལ་ནའང་། 48མི་ཚོགས་ཀྱ་ཀྱིས་ཡེ་ཤུའི་གསུང་ལེ་ཞིབ་པོ་བྱས་ཏེ་ཉན་ཏེ་བསྡད་འོད་ཕེན། ཁོང་ཀྱ་ལེ་གསོད་རྒྱུ་ཐབས་གཞི་མ་རྙེད་དི་དིག །

Iliyochaguliwa sasa

ལུ་ཀཱ། 19: DLPO

Kuonyesha

Shirikisha

Nakili