Zaŋ Vari ze du Dan mə Kəɗam məni Zaŋ wây'i:
Vari ze du Dan mə Kəɗam məni Zaŋ wây'i:
Dan mə Kəɗam məni Zaŋ wây' nə wə ta' i Zezu nə Dan Ifray mə də hâ məni faŋ sumra', ɓay mbə suk wə du sôwâ. Zaŋ ta' zə dan məni mum wây' nə ne mba təlak kə ini: "Kədan hi ve i Zezu nə Mesi, Vay Ifray ɓay kəri məni hi ve num, hi də ke kə nyî mə də hâ." (20.31)
Kəri məni Zaŋ ta' Zezu ce' ndə Dan Ifray mə də hâ məni faŋ sumra', mum in dan wa sin məni Zaŋ gi ɓay wa vari məni Zezu ɗe sum ta zə rum mə vun kofo. Kəri məni Zaŋ in dan wa sin məni Zezu gi wə nya Galile, mum in dan wa gaŋ cem cem məni zezu gaŋ wə so Zude kə so Jeruzalem məni sôwâ məni wây' Dan mə Kəɗam cu wây' dan wa rum mi. Wə ri rum, Zaŋ in dan wa yew cem cem seɗa' məni Zezu gi wə Galile. Mum ɗe yew rum kə "kwa ta' kwa", zə handay wə ta' kpak Zezu wanji kə zə dan məni mum mbə wa nya na. Kəri daŋ' məni Zezu gi yew, mum wə pay zu dan rumu. Mum faŋ in dan wa dan məni Zezu in ne kə sum ta zə rum i mum də nday ne Simbeɗ kədan kawɓa nday wə du sin Ifraya. Kəki rum, Zaŋ faŋ in dan wa mar Zezu kə vari məni Ifray par num mbə mar ɓay kə vari məni mum ta' tu rum ne kə sum ta zə rumu.
Vari ɓul dan mə Kəɗam məni Zaŋ wây'i:
1. Ze dan rumu 1.1-18
2. Sin məni Zaŋ Baptistə kə sum ta zə Zezu mə vun kofo gi 1.19-51
3. Sin məni Zezu gi wə nya Galile 2.1—12.50
4. Kwa cem cem məni gi wə so Jeruzalem kə so cem cem mə rəka kə ndo' vun bəka Zezu13.1—19.42
5. Ifray par zezu mbə mar ɓay Zezu ta' tu rum ne kə sum ta zə rumu20.1-31
6. Ndo' vun dan rum: Zezu ta' tu rum ne kə sum ta zə rum nya Galile kəreme21.1-25
Iliyochaguliwa sasa
Zaŋ Vari ze du Dan mə Kəɗam məni Zaŋ wây'i:: KMN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Le Nouveau Testament et Psaumes en Peve © Alliance Biblique du Tchad, 2014.