Zaburi 52

Hukumu kwa waongo

Kwa mwimbishaji. Utenzi wa Daudi, wakati Doegi, Mwedomu alipomwendea Sauli na kumwambia, “Daudi ameingia nyumbani mwa Ahimeleki.”

1 # 1 Sam 22:9-10; 21:7 Kwa nini kujisifia uovu, Ewe jabari?

Wema wa Mungu upo sikuzote.

2 # Zab 50:19; Mit 12:18; Zab 59:7 Ulimi wako watunga madhara,

Kama wembe mkali, Ewe mwenye hila.

3 # Yer 9:4 Umependa mabaya kuliko mema,

Na uongo kuliko kusema kweli.

4Umependa maneno yote ya kupoteza watu,

Ewe ulimi wenye hila.

5 # Mit 2:22 Lakini Mungu atakuharibu hata milele;

Atakuondolea mbali;

Atakunyakua hemani mwako;

Atakung'oa katika nchi ya walio hai.

6 # Ayu 22:19; Zab 58:10 Nao wenye haki wataona;

Wataingiwa na hofu na kumcheka;

7 # Ayu 31:24,25; Zab 49:6 Kumbe! Huyu ndiye mtu yule,

Asiyemfanya Mungu kuwa kimbilio lake.

Aliutumainia wingi wa mali zake,

Na kufanya mali kimbilio lake.

8 # Zab 92:13 Bali mimi ni kama mzeituni

Umeao katika nyumba ya Mungu.

Nazitumainia fadhili za Mungu milele na milele.

9 # Zab 54:6 Nitakushukuru milele kwa maana umetenda;

Nitalingojea jina lako kwa kuwa ni jema;

Mbele ya wacha Mungu wako.

Iliyochaguliwa sasa

Zaburi 52: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zaburi 52