Zaburi 34:11-22
Zaburi 34:11-22 SRUV
Njoni, enyi wana, mnisikilize, Nami nitawafundisha kumcha BWANA. Ni nani atamaniye uzima na atakaye kuishi, Siku nyingi afurahie mema? Uuzuie ulimi wako na mabaya, Na midomo yako na kusema hila. Uache mabaya ukatende mema, Utafute amani ukaifuatie. Macho ya BWANA huwaelekea wenye haki, Na masikio yake hukielekea kilio chao. Uso wa BWANA ni juu ya watenda mabaya, Aliondoe kumbukumbu lao duniani. Walilia, naye BWANA akasikia, Akawaponya kutoka kwa taabu zao zote. BWANA yu karibu nao waliovunjika moyo, Na huwaokoa waliopondeka roho. Mateso ya mwenye haki ni mengi, Lakini BWANA kutoka kwayo yote. Huihifadhi mifupa yake yote, Usivunjike hata mmoja. Uovu utamwua asiye haki, Nao wamchukiao mwenye haki watahukumiwa. BWANA huzikomboa nafsi za watumishi wake, Wote wamkimbiliao hawatahukumiwa.
Programu ya Biblia
Programu ya Biblia kwa Watoto
