Zaburi 141

141

Sala ya kutaka kulindwa kutoka kwenye uovu

1Ee BWANA, nimekuita, unijie hima,

Uisikie sauti yangu nikuitapo.

2 # Efe 5:2; 1 Tim 2:8; Ufu 5:8 Sala yangu ipae mbele zako kama uvumba,

Kuinuliwa mikono yangu kama dhabihu ya jioni.

3Ee BWANA, uweke mlinzi kinywani pangu,

Mngojezi mlangoni pa midomo yangu.

4 # Mt 6:14; 20:15; Mit 23:6 Usiuelekeze moyo wangu kunako jambo baya,

Nisiyazoelee matendo yasiyofaa,

Pamoja na watu watendao maovu;

Wala nisile vyakula vyao vya anasa.

5Mwenye haki na anipige, itakuwa fadhili;

Anikemee, itakuwa kama mafuta kichwani;

Kichwa changu kisikatae,

Maana siachi kusali kati ya mabaya yao.

6Wakuu wao wakiangushwa kando ya genge,

Watayasikia maneno yangu, maana ni matamu.

7 # 2 Kor 1:9 Kama kupasua kuni na kuzichanja juu ya nchi,

Ndivyo ilivyo mifupa yetu mdomoni pa kuzimu.

8 # Zab 25:15 Macho yangu yanakuelekea Wewe, MUNGU Bwana,

Nimekukimbilia Wewe, usiniache bila kinga.

9Unilinde kutoka kwa mtego walionitegea,

Na kutoka kwa matanzi ya watendao maovu.

10 # Est 7:10; Zab 7:15 Wabaya na waanguke katika nyavu zao wenyewe,

Wakati ninapopita salama.

Iliyochaguliwa sasa

Zaburi 141: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zaburi 141