Mithali 14

1 # Rut 4:11; Mit 24:3,4 Kila mwanamke aliye na hekima hujenga nyumba yake;

Bali aliye mpumbavu huibomoa kwa mikono yake mwenyewe.

2 # Ayu 12:4 Yeye aendaye kwa unyofu wake humcha BWANA;

Bali aliye mkaidi katika njia zake humdharau.

3 # Mit 12:6 Katika kinywa cha mpumbavu mna fimbo ya kiburi,

Bali midomo ya wenye hekima huwahifadhi.

4Zizi ni safi ambapo hapana ng'ombe;

Bali nguvu za ng'ombe zaleta faida nyingi.

5 # Kut 20:16 Shahidi mwaminifu hatasema uongo;

Bali shahidi wa uongo, pumzi zake ni uongo.

6 # Mit 17:24 Mwenye dharau hutafuta hekima, asiipate;

Bali maarifa huwa mepesi kwa mwenye ufahamu.

7Toka mbele ya uso wa mpumbavu,

Maana hutaona kwake midomo ya maarifa.

8 # Lk 12:20; 1 Kor 3:19 Akili za mwenye busara ni kujua njia yake;

Lakini upumbavu wa wapumbavu ni udanganyifu.

9 # Mit 1:22 Wapumbavu huidharau hatia;

Bali upo upendeleo kwa wenye haki.

10Moyo huujua uchungu wa nafsi yake,

Wala mgeni haishiriki furaha yake.

11 # Ayu 8:15; Mit 3:33 Nyumba ya mtu mwovu itabomolewa;

Bali hema la mwenye haki litafanikiwa.

12 # Mit 16:25; Rum 6:21 Iko njia ionekanayo kuwa sawa machoni pa mtu,

Lakini mwisho wake ni njia za mauti.

13 # Mhu 2:2 Hata wakati wa kucheka moyo huwa na huzuni;

Na mwisho wa furaha ni uzito wa moyo.

14 # Mit 12:14; 2 Kor 1:12; Flp 4:7 Ageukaye moyoni hushiba njia zake mwenyewe;

Na mtu mwema ataridhika nafsini mwake.

15Mjinga huamini kila neno;

Bali mwenye busara huangalia sana aendavyo.

16 # Mit 22:3 Mwenye hekima huhadhari, na kujitenga na uovu;

Bali mpumbavu hupuuza yote, na hajali.

17Yeye aonaye hasira upesi atatenda kwa ujinga;

Na mtu mwenye hila mbaya huzirwa.

18Wajinga hurithi upumbavu;

Bali wenye busara huvikwa taji la maarifa.

19Wabaya huinama mbele ya wema,

Na wasio haki malangoni mwao wenye haki.

20 # Mit 19:7 Maskini huchukiwa hata na jirani yake;

Bali tajiri ana marafiki wengi.

21 # Zab 41:1 Amdharauye mwenzake afanya dhambi;

Bali amhurumiaye maskini ana heri.

22Je! Hawakosi wawazao mabaya?

Bali fadhili na kweli zina wao wawazao mema.

23Katika kila kazi mna faida;

Bali maneno ya midomo huleta hasara tu.

24Taji la wenye hekima ni mali zao;

Bali upumbavu wa wajinga ni upumbavu tu.

25Shahidi wa kweli huponya nafsi za watu;

Bali atoaye uongo hudanganya.

26Kumcha BWANA ni tumaini imara;

Watoto wake watakuwa na kimbilio.

27 # Mit 13:14 Kumcha BWANA ni chemchemi ya uzima,

Ili kuepukana na tanzi za mauti.

28Utukufu wa mfalme ni wingi wa watu wake;

Bali uchache wa watu ni uharibifu wa mkuu wao.

29 # Mit 15:18; Mt 11:29; 1 Kor 13:4,5; Yak 1:19 Asiye mwepesi wa hasira ana fahamu nyingi;

Bali mwenye roho ya hamaki hutukuza upumbavu.

30 # Ayu 5:2; Zab 112:10; Mdo 7:9; Rum 1:29; Yak 4:5 Moyo ulio mzima ni uhai wa mwili;

Bali husuda ni ubovu wa mifupa.

31 # Ayu 31:15,16; Mhu 5:8; Mit 17:5; 22:2; Mt 25:40; 1 Yoh 3:17 Amwoneaye maskini humsuta Muumba wake;

Bali yeye awahurumiaye wahitaji humheshimu.

32 # Ayu 13:15; Zab 23:4; 2 Kor 1:9; 2 Tim 4:18 Mtu mbaya husukumwa chini katika kutenda mabaya kwake;

Bali mwenye haki ana matumaini katika kufa kwake.

33Hekima hukaa katika moyo wake mwenye ufahamu;

Bali yaliyo ndani ya wapumbavu hudhihirika.

34Haki huinua taifa;

Bali dhambi ni aibu ya watu wowote.

35 # Mt 24:45-47 Upendeleo wa mfalme humwelekea mtumwa atendaye kwa busara;

Bali hasira yake itakuwa juu yake aletaye aibu.

Iliyochaguliwa sasa

Mithali 14: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mithali 14

Mistari Maarufu ya Biblia kutoka
Mithali 14

Biblia:

Kiswahili

Tolea: Swahili Revised Union Version - SRUV

Mithali 14

Mithali 14

Mistari Maarufu ya Biblia kutoka Mithali 14

Biblia:

Kiswahili

Tolea: Swahili Revised Union Version - SRUV

Mithali 14

Mistari Maarufu ya Biblia kutoka
Mithali 14