Mithali 11

1Mizani ya udanganyifu ni chukizo kwa BWANA;

Bali vipimo vilivyo sawasawa humpendeza.

2 # Dan 4:30 Kijapo kiburi ndipo ijapo aibu;

Bali hekima hukaa na wanyenyekevu.

3Ukamilifu wao wenye haki utawaongoza

Bali ukaidi wao wenye fitina utawaangamiza.

4 # Eze 7:19; Sef 1:18; Mwa 7:1 Mali hazifaidii kitu siku ya ghadhabu;

Bali haki huokoa na mauti.

5Haki yake mtu mkamilifu itamwongoza njia yake;

Bali mtu mwovu ataanguka kwa uovu wake.

6 # 1 Tim 4:8; Mhu 10:8 Haki yao wenye haki itawaokoa;

Bali wafanyao fitina watanaswa kwa hila yao wenyewe.

7Mtu mwovu atakapokufa, taraja lake linapotea;

Na matumaini ya uovu huangamia.

8Mwenye haki huokolewa katika dhiki,

Na mtu mwovu ataiingia badala yake.

9 # Ayu 8:13 Asiyemcha Mungu humpoteza jirani yake kwa kinywa chake;

Bali wenye haki watapona kwa maarifa.

10 # Est 8:15 Wenye haki wasitawipo, mji hufurahi;

Waovu wanapoangamia, watu hushangilia.

11Mji hutukuzwa kwa mbaraka wa mwenye haki;

Bali mji hupinduliwa kwa kinywa cha mwovu.

12Asiye na akili humdharau mwenziwe;

Bali mtu aliye na ufahamu hunyamaza.

13Mwenye udaku hupitapita akifunua siri;

Bali mwenye roho ya uaminifu husitiri mambo.

14 # 1 Fal 12:1 Pasipo mashauri taifa huanguka;

Bali kwa wingi wa washauri huja wokovu.

15Amdhaminiye mgeni hakosi ataumia;

Achukiaye mambo ya dhamana yuko salama.

16Mwanamke wa adabu huheshimiwa daima;

Na watu wakali hushika mali siku zote.

17 # Mt 25:34 Mwenye rehema huitendea mema nafsi yake;

Aliye mkali hujisumbua mwili wake.

18 # Hos 10:12; Gal 6:8,9 Mtu mwovu hupata mshahara wa udanganyifu;

Apandaye haki ana thawabu ya hakika.

19Haki huelekea uzima;

Afuataye maovu hufuata mauti yake mwenyewe.

20Wenye uhalifu moyoni ni chukizo kwa BWANA;

Walio wakamilifu katika njia zao humpendeza.

21Hakika, mtu mwovu hatakosa adhabu;

Bali wazawa wa wenye haki wataokoka.

22Kama pete ya dhahabu katika pua ya nguruwe,

Ndivyo alivyo mwanamke mzuri asiye na akili.

23 # Rum 2:8 Haja ya mwenye haki ni kupata mema tu;

Bali kutaraji kwake mtu mwovu huishia katika ghadhabu.

24Kuna atawanyaye, lakini huongezewa zaidi;

Kuna azuiaye isivyo haki, lakini huelekea uhitaji.

25 # Mt 5:7 Nafsi ya mtu mkarimu itastawishwa;

Anyweshaye atanyweshwa mwenyewe.

26 # Amo 8:5; Ayu 29:13 Awanyimaye watu nafaka, watu watamlaani;

Auzaye nafaka, baraka itakuwa kichwani pake.

27 # Est 7:10 Atafutaye mema kwa bidii hutafuta fadhili;

Atafutaye madhara, hayo yatamjia.

28 # Mk 10:24; Lk 12:21; 1 Tim 6:17; Yer 17:8 Azitegemeaye mali zake ataanguka;

Mwenye haki atasitawi kama jani.

29 # Mhu 5:16 Ataabishaye nyumba yake mwenyewe ataurithi upepo;

Mpumbavu atakuwa mtumwa wa mtu mwenye moyo wa akili.

30Mazao ya mwenye haki ni mti wa uzima;

Na mwenye hekima huvuta roho za watu.

31 # 1 Pet 4:18; Yer 25:29 Ikiwa, mwenye haki atalipwa duniani;

Je, mwovu na mkosaji hawatalipwa mara nyingi zaidi?

Iliyochaguliwa sasa

Mithali 11: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mithali 11

Mistari Maarufu ya Biblia kutoka
Mithali 11

Biblia:

Kiswahili

Tolea: Swahili Revised Union Version - SRUV

Mithali 11

Mithali 11

Mistari Maarufu ya Biblia kutoka Mithali 11

Biblia:

Kiswahili

Tolea: Swahili Revised Union Version - SRUV

Mithali 11

Mistari Maarufu ya Biblia kutoka
Mithali 11