Mistari Maarufu ya Biblia kutoka Juan 12

Shirikisha

»China ri caraj cachacun pa ri nuchac, chirajawaxic ri' caterej lo chwij. Jec'ula' tob pa quinc'oji' wi ri'in, chiri' cac'oji' wi ri waj chac. China c'u ri ca'anaw ri nuchac, ri' cayac uk'ij ruma ri Nukaw.

Jec'uri'la', china ri lic coc il che ruc'aslem che ruwachulew, ri' e cujam ri c'aslemal chila' chicaj; no'j china ri na coc ta il che ruc'aslem wara che ruwachulew, ri' na cujam ta c'u ri chomilaj uc'aslemal na jinta utakexic chila' chicaj.

Pakatzij wi cambi'ij chiwe: E juna ija' re trigo echiri' catzak pulew, camukic y cacamic. Yey we na jela' ta cu'ano, cacanaj can utuquel xew ija'. No'j we rija' catzak pulew, ri' lic cawachinic y jec'uri'la' caq'uiyar uwach.

»In ri in K'ijsak in c'uninak che ruwachulew cha' china ri cacubi' uc'u'x wuc' ri'in, na cac'oji' ta pa k'eku'm.

No'j we c'o junok xuta ri nuch'a'tem yey na cu'an ta ri cambi'ij, na in ta ri quink'ataw tzij puwi'. Ma in c'uninak che ruwachulew na re ta cank'at tzij paquiwi ri ticawex; e in c'uninak re quebenucolobej conoje ri ticawex.

Ec'u ri María xuc'am lo jun libra re sakil nardo, wa' e jun cunabal lic qui' ruxlab y lic q'ui rajil. Xuk'ej c'u ri' che ri rakan ri Jesús; tec'uchiri', xuchakisaj ruc' ruwi'. Ronoje c'u rupa ja lic xmuyuy che ri ruxlab wa cunabal.

Xquik'at c'u uxak palma y xebel bi che uc'ulic. Ec'uchiri', xquijeko lic quesiq'uinic, jewa' caquibi'ij: «¡Kayaca uk'ij! ¡Nim uk'ij ri jun petinak chupa rubi' ri Dios Kajawxel! ¡Rire e ri Rey re Israel!» quecha'.

Ec'u ri Jesús xubi'ij chique: —Xopon c'u ruk'ijol ri yacbal uk'ij Ralaxel Chiquixo'l Ticawex.