Mistari Maarufu ya Biblia kutoka Aposetolo 2

Shirikisha

Petero erero tava o mō ōpe, Haiiri keroria, ero foromai la Iesu Keriso ve rare voa bapatiso leitia, eve iri kaeai la felaukea mutapaita peise vei, aea Ualare sa Arahoha Lareva ero miarai roi.

Ere haihahari ita aposetolo karu sa erero satiriaraita o la mapi, farehori pōvi, larietau farehori fofi la’ aea Ualare loki lei pepeiape.

Ere foromai Arahoha Lareva sa soa’ ere uri hariaharia sukavaiape, Arahoha sa erero lei sukavai vei miarōpe lōfeare.

Uruuru hōvakao kauri voa fauka, usoso karivaripu ve uruuru feare, aea ere aipepeiape lea uvi la sukafasi soōpe. Aite ere a‐uri fefeare etau rauapo la eavōpe, farafarapo elore elore harofave voa popōvōpe reha. Ere foromai Arahoha Lareva sa soa’ ere uri hariaharia sukavaiape, Arahoha sa erero lei sukavai vei miarōpe lōfeare.

Sare foromai voa ere farehori lei Maso Uvi voa kokoruka, ereve larietau hailareva haimafu ita ereve uvi voa farehoria lalape. Ere Ualare la maeati karu foromai ta erero haiiri lareva ita lei roroaiape. Sare foromai voa Papuvita sa lei makuri leiape karu la ereve firu karu voa au topiaraiape.

Ualare o mō auai, Mearovaeka ve sisa sare voa ara arave Arahoha la torutoru karu foromai voa sisōvi, eve irave ita marisa ita peroveta o la a’, eve harokoulese haiako auka paea, aea eve opasora‐sora ivahia itotai roi.

Sukaerereaita karu foromai kokoruka farehori popōvi, ereve maea ve etau foromai ere kokoruka farehoria maravaiape. Ere ereve hasu aea maea ve etau ita la itaea lei miōri, lea ve tava faea karu farafarapo la miaraiape usoso ereve haikeaita mai feare.

A—, Iehova ve rare la isaita lea karu foromai la lei makuri leiti roi.

Sare ta toarōrisa murumuru lei, papare ta ovo fei mohari leiti roi. Iehova ve sare, rovaeka aea haihava ita forerai vei leitita lea soa voa.