Mistari Maarufu ya Biblia kutoka VILINGA 2

Shirikisha

Petulu avambile ngwenyi, Alumukenu, vamimbapacise mutu himutu mulijina lyaYesu Kulixitu cakuneha kumikonekela milonga yenu yaxili, kaha namutambula wana waXipilitu wajila.

Kaha vakakacililenga kukunangula cavaposetolo namukulikata cavo nakukupuzula mbolo nakukulomba.

Vosena vazalile naXipilitu wajila, vaputukile kuhanjika malimi eka, nge mwavahanyinyine Xipilitu kuhanjika.

Kukasumuka, kwilu kwafumine luxindo nge kuhuhwa capeho yangolo cikuma, kaha lwazalixile zuvo yosena yize vatwamine. Kuli vakivo kwasolokele malimi akulipanga, akufwana nge tumilangi twakakahya, kaha katwamine hali mutu himutu. Vosena vazalile naXipilitu wajila, vaputukile kuhanjika malimi eka, nge mwavahanyinyine Xipilitu kuhanjika.

Hakumbi hakumbi vakakacililenga kukutwama namucima umwe mutembele, kaha hakupuzula mbolo kumazuvo avo, valilenga vyavo vyakulya nakulisamba namucima umwe kaha, nakumwalisa Kalunga nakuvevwila uselewa kuli vatu vosena. Kaha hakumbi hakumbi Mwata vahakililengako vaze apwilenga nakulwila.

Kalunga nambe ngwenyi, Naci­kasoloka hamakumbi akukuminyina, Nangukahingunwina vyaXipilitu yami hali vatu vosena, Vana venu vamalunga navava vamapwevo navakahanjika mazu aupolofweto, Vakweze jenu vamalunga navakamona vyuma vyakuvamwenesa, Vakulwane jenu vamalunga navakalota vilota.

Vaka-kwitava vosena vapwilenga hamwe, kaha vapwilenga navyuma vyavo vyosena vyakufutula hamwe. Luheto lwavo navikumba vyavo vavilanjixilenga, vavipangililenga kuli vakwavo vosena nge kutesa nakuhona camutu himutu.

Kaha nacikasoloka, wexowo mwakamusanyika Yehova halijina lyenyi nangukamulwila.

Likumbi nalikalumuka kupwa milima, Kakweji mwakalumuka kupwa nge manyinga, Numbanyi likumbi lyaYehova likeze, Lize lyapuho lyalilemu.