Mistari Maarufu ya Biblia kutoka Maɛ 14

Shirikisha

Ɔ̍ la̍a̍, “Baa, ǐn Baa, ka ìn bɛ̌ɛ-a dɛ̍ᵻ kli̍hgbɛ̍ nu̍-ɛɛ, sà ǐn kàu̍n la wɔ̍i̍n lě. Gbɔ̀gbɔ̀-ɛ, bɔ̌ naɛ̍ wlùh nu̍-ɛ, nu̍ àn chɛ̀-a wlùh.”

Iě ɔ̍ la̍a̍ dě u̍h we̍, “Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Tìh-a taǐn ǎn sèàɛ̍ mɔ̀ wlùh, tà nyɔ̍gbei-a mu̍-a Nyɔsoa-a pɔ̀n chɛ̀ la bla̍-ɛ nɔ̌ kmɔ̌ kli̍hgbɛ̍ la we̍-ɛ, nɛ̀ dɛ̍ nynɔ̌ la ɔ̍ nu̍-aɛ, u̍h-a mu̍ ɛ̍-ɛ sà ke, wɛ̀ nyɔ̍gbei iě ɔ̍ wlùh we̍ nu̍.”

Iě ɔ̍ la̍a̍ dě u̍h we̍, “Wɔɛ nɛ-a dě ǐn wlùh di̍i̍-ɛ, ɛ̍ wɛ̀la ɛ̍-ɛ dbǎ m̌. Mɔ̀ sie da̍a mɔ̀ iě ǐn de̍e̍ i̍ tè.”

Ti̍ Jusu ke ɔ̍ kòà-a di̍-a dɛ̍-ɛ, wɛ̀ ɔ̍ dǔ blèe̍ gba̍n-a, iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn ɛ̍ i̍, iě ɔ̍ nyǐ ɛ̍ ɔ̍ kòà. Ɔ̍ la̍a̍, “Mɔ̀ gbɛ̍n i̍, ɛ̀ la ǎn ku̍ bo.”

Wɛ̀ ɔ̍ dǔ kàu̍n-u, iě ɔ̍ po̍ Nyɔsoa tlɔ̌. Wɛ̀ ɔ̍ nyǐ ɛ̍ u̍h, iě u̍h kli̍hgbɛ̍ nǎ-ɛ ɛ̍ di̍i̍. Jusu la̍a̍ dě u̍h we̍, “Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu we̍.

Jusu la̍a̍ dě ɔ̍ kòà we̍, “Mɔ̀ kli̍hgbɛ̍ mɔ̀-a mu̍ ple̍ mɔ̀ iě ǐn si̍e̍. Dɛ̍nu̍ɛ, kǎ ɛ̍ nu̍ ka chlǐh-ɛ, ‘Ǎn mu̍ blawɛ̌ᵻ we̍ i̍ gbɛ̀n nyɔ̍ dbǎ, nɛ̀ blawɛ̌ᵻá mu̍ ja̍i̍ gbà.’

Mɔ̀ sɔ-ɔ à iě mu̍ la̍ sǔh. Ɔ̀ mu̍-a ǐn kwlǎ sà-ɛ, ɔ̍ nɛ à i̍ wɛ̀.”

Iě Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, wlù weɛ̍ la àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛa sɔɔ̌n nu̍.”