Mistari Maarufu ya Biblia kutoka Chɛ̄nɛ̍se̍ē 22

Shirikisha

Mi̍ E̍bīlāha᷅m ke᷅ fo̍ndāŋ kōŋ dīōla̍ŋ āā, “Mɛ̄lɛ̄ka̍ Ya̍a̍wɛ̄ɛ̄ cho̍ yɔ̄ŋgū”. A̍ pāa̍le̍ hāūle̍ŋ bɛ̍ɛ̍ wāŋnda̍ chō ndi̍ dīmīo̍o̍ māā tāle̍ āā, “Mɛ̄lɛ̄ka̍ Ya̍a̍wɛ̄ɛ̄ cho̍ yɔ̄ŋgū o̍ pēmbīī ndūɛ̍i̍ chōo̍.”

Mi̍ Mɛ̄lɛ̄ka̍ dīmūl ndu̍ āā, “Chu̍a̍ po̍ nu̍m pīlɔ̍ɔ̍ ho̍ō, ndu̍ yɔ̍nūŋ māā Āa̍se̍ ni̍, ō ŋ̄ kāāla̍ ho̍ō ta̍u̍ wo̍, mā kūɛ̄ a̍ ndu̍ o̍ lɛ̄ŋndē Mo̍līāāle̍ŋ ni᷄ŋ, mā kɔ̍ yɔ̍ŋgū ndu̍ nāa̍ ya̍ I̍ chu̍a̍ māā sa̍lā lūāmāā o̍ pēmbīī ya̍ cho̍ nu̍m chɔ̄m nde̍ chōo̍.”

Mi̍ ki̍i̍la̍nɔ̍ Mɛ̄lɛ̄ka̍a̍ dīmūl ndu̍ āā, “Yɔ᷅ŋ pōo̍mbɔ̄ɔ̍ nyɛ̄ o̍ nyɛ̄ le̍. I̍ si̍na̍ ni᷅ŋ māā ā chō wāna̍ tu̍e̍ī Mɛ̍lɛ̄ka̍ dīōm, kāni̍ fu̍u̍le̍, a̍ ku̍u̍na̍ŋ po̍ nu̍mndo̍ chōo̍ le̍ Mɛ̄lɛ̄ka̍ le̍.”

Mi̍ E̍bīlāha᷅m di̍mī āā, “Po̍ nūu̍, Mɛ̄lɛ̄ka̍ pi̍la̍ chō sāā fɔ̍ŋndɔ̍ɔ̍ yɔ̄ŋgū le̍ sa̍lā lūāmāa̍.” Ma̍ hīāū lāchī a̍ kɔ̄la̍ŋ.

I̍ chu̍e̍l nu̍m būŋgɛ̄i̍ māā I̍ cho̍ nu̍m sa̍lā dɔ̄wɔ̄ɔ̄. Wānāa̍ fu̍lā ni̍ŋ o̍ pūlālē nūmnde̍ŋ chōo̍ wa̍, I̍ cho̍ tōsā mā kūi̍i̍ mā wa̍ māā lōo̍ŋ o̍ ha̍la̍, mā wa̍ fāŋgā māā si̍o̍ōŋnde̍ o̍ pēē mɛ̄ŋmā īhɛ᷄llo̍ kɔ̄ŋgɔ̍. Ndu̍yɛ̍, chūāūwāā nūm a̍ ma̍māa̍ ā kūūmbūŋ ni̍ŋ ya̍a̍mɔ̍ɔ̍wa̍a̍ ndāa̍ chōo̍ kpu̍lu̍. O̍ sa̍bū chūāā nūm a̍ ma̍māa̍ ni᷄ŋ ya̍ I̍ du̍a̍ū ni̍ŋ lɛ̄ŋnde̍ kpo̍u̍ o̍ chi̍e̍ēŋndo̍ chōo̍ sa̍lā ni̍, kāni̍ fu̍u̍le̍, le̍ mɛ̄ɛ̍ ŋ̄ tōsa̍ nyɛ̄ ya̍ di̍mu̍l nu̍m ndo̍ yɛ̍.’ ”

Mɛ̄ɛ̍ te̍le̍ŋnda̍ ti̍ŋ lā hīōū, mi̍ Mɛ̄lɛ̄ka̍ tɔ̄ɔ̄nda᷄ŋ E̍bīlāha᷅m. Mbo̍ vēēlū ndu̍ āā, “E̍bīlāha᷅m.” Mi̍ E̍bīlāha᷅m chɛ᷅l āā, “Ēe̍, mi̍ che᷄ŋ ya̍.”

Kɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ ki̍i̍la̍nɔ̍ ndɔ̄ɔ̍ ō lō ɛ̄chɛ̍nɛ̄ mbo̍ vēēlū E̍bīlāha᷅m āā, “E̍bīlāha᷅m.” Mi̍ E̍bīlāha᷅m chɛ᷅l āā, “Ēe̍.”

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ ki̍i̍la̍nɔ̍ ndɔ̄ɔ̍ ō sūāā dīi̍ŋ ndɔ̄ɔ̍ ɛ̄chɛ̍nɛ̄ nāa̍ E̍bīlāha᷅m chu̍a̍ āā, “Mɛ̄lɛ̄ka̍ Ya̍a̍wɛ̄ɛ̄ di̍mi̍ āā, ‘I̍ me̍na̍ŋ o̍ ya̍ pi̍la̍ po̍ le̍ nyɛ̄ ŋ̄ tōsa̍ ho̍ō wo̍, a̍ ku̍ŋgu̍la̍ŋ po̍ nu̍m pīlɔ̍ɔ̍ chōo̍ le̍ ya̍ le̍

Mɛ̄ɛ̍ nda̍ fūūlu̍u̍ o̍ fo̍ndāŋ Mɛ̄lɛ̄ka̍ dīmu̍l E̍bīlāha᷅m ndo̍, mi̍ E̍bīlāha᷅m ta̍ŋgūl ma̍āŋndo̍ lo̍ŋ le̍ sa̍lāa̍ sōlīo̍o̍ lēcho̍o̍ o̍ Mɛ̄lɛ̄ka̍ lo̍. Mɛ̄ɛ̍ o̍ chi̍i̍ tāŋgūl, mbo̍ yɛ̄ɛ̄mbūū yɔ̄mnde̍ lēchōo̍. Mbo̍ mūli᷄ŋ mbo̍ yīī po̍ ndɔ̄ɔ̍ Āa̍se̍ po᷅ŋ, mbo̍ yāmbū ndu̍ o̍ yɔ̄mīī kēŋ chōo̍ o̍ ma̍āŋndo̍ chōo̍.