Mistari Maarufu ya Biblia kutoka Axwɛ 1

Shirikisha

Pɔ̀ xe Ɔfuɛfuɛ Dradra lɔ ɛba mlɔ aʋa ɛ, mlaazi kigagla, lɛ mlaaze mɛ katsalia ní Yerusalem, Yudea petee, ni Samaria ani kesea ɔgɔgɔ klɔ ɔ.”

Yesu asi ba si, “Aní mlɔ liboe linu si mlete lipoe le, ni bekyikyi ʋa a, ani kutrɔtrɔ liɔ gi Mɔka abitɛ ní yɛ ɔtutɔ yɛ kigaglaɛ mɛ ɛ.

Lɛ lipoe tɔ lɛ gi azaaŋa bidɔ ni ba ɛ, akpɛ ɔsã lɔ ya aki ba si: “Mlakísɛ ní Yerusalem boŋu i, mlepe bidɔkɔkɔɛ klɔ su gi mapani aki mlɔ ɛ. Bidɔkɔkɔɛ ʋɛ su gi Mɔka aka aplɛ ɛ. Yohanes akpɛ kuni aki banima, pɔ̀ mlɔ kɔɔ Aya aakpɛ Ɔfuɛfuɛ Dradra nɔ ki mlɔ ní ewe klakla atɔ kede e.”

Kɔki ewe avitene ní yɛ kutseo kede e, ebu isu abasi ba lipoe glegle gi litrɔ likla lɛ aʋa si eze ligbã́ a. Lɛ egu kunugu ní Aya yɛ kaʋaŋaa su akí banama gi bɛmɔ yɛ ɛ.

Gi apani nite pɔ́ ɛ, Aya emuni ye atsini lifunu ne, lɛ gi bezeedi ye kpɛ ɛ, liplɛ ɛtɔ liba kpo ye lɛ bámɔ yɛ tɔ ɔ.

Gi azaasɛ ní basu u, xe bezeedi lifune kpɛ ɛ, kyɔŋ klɔ ko e, benyime tiaʋa gi beze bidɔ pititi mɛ ɛ, bɛba lɛɛ ní basu, lɛ bɛpani si i, “Galileanɛ ma, ege loso mlalɛɛ ní ya xe mleedi lifune kpɛ te e? Yesu liɛ gi Aya asɛ ní mlɔ su atsini lifunu ne e, aadzi ba nite ke gi mlɛmɔ yɛ ɛ gi ɛɛtrɛ lifunu ne e.”