Mistari Maarufu ya Biblia kutoka Salmo 19

Shirikisha

Sanaʼy maging kalugod-lugod sa inyo PANGINOON ang aking iniisip at sinasabi. Kayo ang aking Bato na kanlungan at Tagapagligtas!

Ang kautusan ng PANGINOON ay walang kamalian. Itoʼy nagbibigay sa atin ng bagong kalakasan. Ang mga turo ng PANGINOON ay mapagkakatiwalaan, at nagbibigay karunungan sa mga walang kaalaman.

Ipinapakita ng kalangitan ang kadakilaan ng Dios, ang gawa ng kanyang kamay.

Ang mga tuntunin ng PANGINOON ay tama at sa pusoʼy nagbibigay kagalakan. Ang mga utos ng PANGINOON ay malinaw at nagbibigay liwanag sa kaisipan.

Ang pagkatakot sa PANGINOON ay nagpapadalisay ng puso; mananatili ito magpakailanman. Ang mga utos niya ay matuwid at makatarungan.