Mistari Maarufu ya Biblia kutoka Salmo 18

Shirikisha

PANGINOON, kayo ang aking matibay na batong kanlungan at tagapagligtas. Kayo, O Diyos, ang aking matibay na batong kanlungan na nag-iingat sa akin, kayo ang aking pananggalang, tanggulan at matatag na kuta.

Ang pamamaraan nʼyo, O Diyos ay walang kamalian. Ang inyong mga salita ay maaasahan. Kayoʼy katulad ng isang kalasag sa mga kumakanlong sa inyo.

Karapat-dapat kayong purihin, PANGINOON, dahil kapag tumatawag ako sa inyo, inililigtas nʼyo ako sa mga kalaban ko.

Kinakabahan ako! Humingi ako ng tulong sa inyo, PANGINOON na aking Diyos. At mula sa inyong Templo, pinakinggan nʼyo ang panalangin ko.

PANGINOON kong Diyos, kayo ang nagbibigay sa akin ng liwanag. Sa gitna ng kadiliman kayo ang aking tanglaw.

Kayo, O Diyos, ang nagbibigay sa akin ng kalakasan, at nagbabantay sa aking daraanan.

Buháy kayo, PANGINOON! Karapat-dapat kayong purihin at dakilain, O Diyos na aking batong kanlungan at Tagapagligtas!