Marcos 6
6
Nazaretpi Jesuspa kasqanmanta
(Mt 13.53-58. Lc 4.16-30)
1Jesusmi chaymanta pasakuspan llaqtanman rirqa, discipulonkunapas paywanmi rirqaku. 2Samana punchaw chayaramuptinmi sinagogapi yachachiyta qallaykurqa, chaymi uyariqninkunañataq admirakuspa tapukurqaku:
¿Maypitaq kay runa tukuy kaykunata yacharamun? ¿Maymantataq kaynaña yachayta hurqoramun? ¿Imaynatataq milagrokunata ruwan? 3¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku.
Chaynata nispankum Jesusta mana kaqpaqpas hapirqakuchu.
4 #
Jn 4.44. Chaymi paykunata Jesús nirqa:
Profetaqa huklaw llaqtakunapiraqmi allin chaskisqa; llaqtanpi, wasinpi hinaspa ayllunkunapim ichaqa mana chaskisqachu, nispa.
5Chayraykum llaqtanpiqa mana ima milagrotapas ruwarqachu, aswanqa as onqoqkunallatam makinta churaykuspan sanoyachirqa. 6Jesusmi hukmanraq tarikurqa llaqtamasinkuna paypi mana creesqankurayku. Jesusmi hichpan llaqtakunapi yachachistin purirqa.
Willakamunankupaq discipulonkunata kachasqanmanta
(Mt 10.5-15. Lc 9.1-6)
7Chunka iskayniyuq discipulonkunata qayaykuspanmi iska-iskaytakama kacharqa, hinaspam atiyta qorqa demoniokunata qarqonankupaq. 8#Lc 10.4-11.Paykunatam kaynata kamachirqa:
Rispaykichikqa qoqawtapas, tantatapas, qollqetapas, talegatapas amam apankichikchu, apaspaqa apankichik huk tawnallatam, 9usutaykichikwan churakuykuspam mudana pachaykichiktapas ama apankichikchu.
10Hukkaqnin wasiman yaykuspaykichikqa ripunaykichikkamam chayllapi samapakunkichik. 11#Hch 13.51.Sichum may llaqtapipas mana chaskisuptikichikqa hinaspa mana uyarisuptikichikqa, chaymanta lloqsispam usutaykichikpa polvontapas taspinkichik, chaynapi Diospa palabran wischupakuq kasqankuta yachanankupaq.
12Chaymi discipulonkuna lloqsispanku runakunaman willamurqaku huchankumanta wanakuspa Diosman kutirikunankupaq.
13 #
Stg 5.14. Demoniokunatapas achkallatañam qarqorqaku, chaynataqmi onqoqkunatapas aceitewan untaspanku sanoyachirqaku.
Bautizaq Juanta wañuchisqankumanta
(Mt 14.1-12. Lc 9.7-9)
14Rey Herodesmi Jesuspa tukuy ima ruwasqanmanta rimasqankuta uyariruspan nirqa:
Bautizaq Juanmi wañusqanmanta kawsariramun, chayraykum milagrokunata ruwananpaq atiyniyuqqa, nispa.
15 #
Mt 16.14; Mr 8.28; Lc 9.19. Wakinmi nirqaku:
Eliasmi kayqa, nispanku.
Wakinñataqmi nirqaku:
Ñawpaq profetakuna hina hukkaqninmi, nispanku.
16Herodesñataqmi chaykunata uyariruspan nirqa:
Juanmi payqa, kunkan qoruchisqay runam wañusqanmanta kawsariramun, nispa.
17Herodesmi ñawpaqta Juanta hapirachimuspan cadenawan chaqnasqata carcelman wichqarachirqa, chaynataqa ruwarqa wawqen Felipepa warmin Herodiaswan casarakusqanrayku. 18#Lc 3.19-20.Juanmi Herodesta nirqa:
Diospa leyninman hinaqa manam allinchu wawqekipa warminwan casarakuynikiqa, nispa.
19Chayraykum Herodías warmiqa Juanta cheqnikuruspan wañurachiyta munarqa, ichaqa manam atirqachu, 20Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa. 21Herodías warmipaqmi suyasqan punchaw chayamurqa. Rey Herodesmi santon punchaw chayaramuptin hatun convidota ruwachirqa, hinaspam qayachirqa llapa kamachikuqkunata, tropakunapa capitanninkunata hinaspa Galileapi ancha reqsisqa runakunata. 22Chay punchawmi convidopi kachkaptinku, Herodiaspa warmi wawan yaykuruspan tusurqa. Chaymi rey Herodestawan mikuqmasinkunata llumpayta gustaykurqa, hinaptinmi sipasta Herodes nirqa:
Munasqaykita mañaway, ñoqaqa qosqaykim, nispa.
23Juraspanmi nirqa:
Imatapas mañawasqaykitam qosqayki, mañawaptikiqa munaychakuyniypa partentapas qoykuykimanmi, nispa.
24Chaymi sipasqa lloqsiramuspan mamanta tapurqa:
¿Imatataq mañasaq? nispa.
Mamanñataqmi nirqa:
Bautizaq Juanpa umanta mañakuruy, nispa.
25Hinaptinmi sipasqa reypa kasqanman chaylla yaykuspan nirqa:
Bautizaq Juanpa umanta huk platopi kunallan qoykuway, nispan.
26Chaymi rey Herodes llumpayta llakikururqa, ichaqa convidoman qayachisqankunapa qayllanpi jurasqanraykum mana negayta atirqachu. 27Hinaspam huk soldadota kamachirqa Juanpa umanta apamunanpaq. Chay soldadoñataqmi carcelman rispan Juanpa umanta qoruramurqa, 28hinaspam platopi aparamuspan sipasman qoykurqa, payñataqmi mamanman qoykurqa.
29Juanpa discipulonkunañataqmi chayta yacharuspanku, hamururqaku hinaspa Juanpa cuerponta apaspanku pamparamurqaku.
Pichqa waranqa runakunaman mikuchisqanmanta
(Mt 14.13-21. Lc 9.10-17. Jn 6.1-14)
30Llapa apostolkunam Jesuswan huñunakuruspanku tukuy ima ruwamusqankuta hinaspa yachachimusqankuta willarqaku. 31Jesusñataqmi nirqa:
Chunniqman hakuchik chaypi samarimunaykichikpaq, nispa.
Achkallaña runakuna hamusqanraykum mikunankupaqpas mana tiempo karqachu. 32Chayraykum Jesusqa apostolninkunawan kuska chunniqman huk barcapi pasakurqaku. 33Ichaqa llapa runakunam risqankuta rikuruspanku, llaqtakunamanta kallpaspanku paykunamantapas puntataraq chayarurqaku. 34#1 R 22.17; 2 Cr 18.16; Zac 10.2; Mt 9.36.Jesusñataqmi barcamanta uraykamuspan chay achkallaña runakunata qawaykurqa, hinaspam paykunamanta llakipayarikurqa mana michiqniyuq ovejakuna hina kasqankurayku, chaymi tukuy imamanta yachachiyta qallaykurqa. 35Yaqaña tutaykamuptinmi discipulonkuna asuykuspanku Jesusta nirqaku:
Llumpay tardeñam, kaypiqa manam wasipas kanchu. 36Llapa runakunatayá kamachiy, chakrakunaman hinaspa hichpa llaqtakunaman rispanku mikuyta rantimunankupaq, nispanku.
37Jesusñataqmi nirqa:
Qamkunayá mikuykachiychik, nispa.
Paykunañataqmi nirqaku:
¿Ñoqaykuchu rispayku iskay pachak jornalpa chanin qollqewan tantata rantimuspa paykunaman mikuchisaqku? nispanku.
38Jesusñataqmi tapurqa:
¿Haykataq tantaykichik kachkan? Qawamuychik, nispa.
Hayka kasqantapas yachaykuspankum nirqaku:
Pichqa tantawan iskay challwakunallam, nispanku.
39Chaymi discipulonkunata Jesús kamachirqa, llapa runakunata rakinaspanku pastopi tiyachinankupaq. 40Chaymi llapa runakuna pachakman hinaspa pichqa chunkaman rakinasqa tiyaykurqaku. 41Jesusñataqmi chay pichqa tantatawan iskay challwata hapiykuspan cielota qawarispan Diosman graciasta qorqa, hinaspam tantakunata pakiykuspan discipulonkunaman qoykuptin runakunaman aypurqaku, aypurqakutaqmi challwakunatapas. 42Chaymi llapallanku saksanankukama mikurqaku. 43Tantapa hinaspa challwapa puchuqnintam chunka iskayniyuq canasta huntataraq huñururqaku. 44Mikuqkunam karqaku pichqa waranqa qarikuna.
Qocha hawanta Jesuspa purisqanmanta
(Mt 14.22-27. Jn 6.16-21)
45Chaymantam discipulonkunata Jesús kamachirqa barcaman qespispanku Betsaida lawman chimpachkanankupaq, payñataqmi runakunata aviananpaq qepaykurqa. 46Llapa runakunata aviaruspanmi Diosta mañakunanpaq orqoman qespirqa. 47Tutayaramuptinmi barcaqa qochapa chawpintaña richkarqa, Jesusñataqmi qocha patallanpiraq sapallan kachkarqa. 48Hinaspam discipulonkunata rikururqa paykuna lawman llumpayta wayra pukumuptin ñakariyllawanña yaku qachisqankuta. Yaqa pacha achikyaytañam yaku hawantakama paykuna lawman Jesús rispan ñawparuyta munarqa. 49Discipulonkunañataqmi yaku hawantakama puriqta rikuruspanku qaparirqaku: ¡Manchachikum wakqa! nispanku.
50Llapallankum rikuruspanku mancharikurqaku.
Jesusñataqmi paykunata rimapayaspan nirqa: Ñoqam kani, ¡Hawkalla kaychik! ama manchakuychikchu, nispan.
51Barcaman Jesús qespiruptinmi wayra tanirurqa. Discipulonkunañataqmi llumpayta admirakurqaku. 52Paykunaqa rumi sonqo kasqankuraykum tantakuna mirachisqantapas mana entienderqakuchu.
Genesaret lawpi onqoqkunata sanoyachisqanmanta
(Mt 14.34-36)
53Qochata chimparuspankum Genesaret lawman chayaruspanku barcata qocha patanpi watarqaku. 54Maypacham barcamanta uraykuptinkum llapa runakuna Jesusta reqsirurqaku. 55Hinaspam muyuriqninpi llaqtakunaman kallpaspanku llapa onqoqkunata chakanakunapi Jesusman apamurqaku. 56Llaqtakunaman, chakrakunaman hinaspa maymanña Jesús riptinpas, onqoqkunata ñankunaman churaspankum ruegakurqaku capanpa patallantapas hapiykachinanpaq, chaymi haykam hapiykuqkunaqa sanoyarqaku.
Nu markerat:
Marcos 6: RCHQ2
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Chuya Qellqa Revisión @ Sociedad Bíblica Peruana, 2012
