Marcos 7
7
Runata imam huchallichisqanmanta
1Jerusalenmanta hamuruspankum llapa fariseokunawan Diospa leynin yachachiqkuna Jesusman asuykurqaku. 2Paykunam Jesuspa wakin discipulonkunata makinkuta mana mayllakuspa mikuchkaqta rikururqaku, chayraykum paykunapa contranpi rimarqaku. 3(Fariseokunawan judiokunaqa ñawpaq taytankupa costumbrenta qatispankum, makinkuta manaraq mayllakuchkaspaqa imatapas manam mikuqkuchu. 4Mercadomanta kutimuspankupas manaraq makinkuta mayllakuspaqa manam mikuqkuchu. Chayna tukuy rikchaq costumbrekunamanmi hapipakunku, chayraykum vasokunata, jarrokunata, fierro mankakunata hinaspa catrekunatapas mayllanku) 5Chaymi fariseokunawan Diospa leynin yachachiqkunaqa, Jesusta tapurqaku:
¿Imanasqataq discipuloykikunaqa ñawpaq taytanchikkunapa costumbrenkuta ruwayman mana churankuchu hinaspa qacha makintillan mikuchkanku? nispanku.
6Chaymi Jesusñataq nirqa:
¡Iskay uyakuna! Allintam profeta Isaías qamkunamanta qellqarqa:
“Kay llaqtaqa simillamantam yupaychawan,
sonqonmi ichaqa ñoqamanta karupi kachkan.
7 #
Is 29.13. Yanqapaqmi yupaychawankupas,
yachachisqankupas runapa kamachisqallanmi”, nispan.
8Qamkunaqa Diospa kamachikuyninkunata mana kasukuspam runakunapa costumbrenkunaman hapipakunkichik.
9Qamkunaqa Diospa kamachikuyninkunata mana kasukuspam costumbrekunallataña qatinkichik. 10#Ex 20.12; Dt 5.16.#Ex 21.17; Lv 20.9.Moisesqa kaynatam yachachirqa: “Tayta-mamaykita respetay, pipas tayta-mamanta ñakaqqa wañunqapunim”, nispan. 11Qamkunam ichaqa kaynata yachachinkichik: “Runaqa atinmanmi taytanta otaq mamanta kayna niyta: Manam yanapaykimanchu, lliw kapuqniytam Diosmanña qoykuni #7.11 Corbán ninanqa Diosmanña qosqam ninanmi.corbán, nispa”. 12Chaynata niqkunaqa manañam taytanta otaq mamantaqa yanapanmanñachu, nispaykichik. 13Ñawpaq costumbrekuna chaskisqaykichikta ruwaspaykichikmi Diospa kamachikuyninta yanqachankichik. Qamkunaqa imatapas costumbreman hinallam ruwankichik, nispan.
14Chaymi runakunata huktawan qayaykuspan Jesús nirqa:
Llapallaykichik uyariwaychik hinaspa entiendeychik: 15Manam imapas hawamanta yaykuqchu runataqa huchallichin, runataqa huchallichin sonqonmanta lloqsimuqmi. 16#7.16 Kay textoqa ñawpaq manuscritokunapiqa manam kanchu.[Uyarikuqkunaqa kasukuychikyá] nispa.
17Runakunamanta rakikuykuspan wasiman Jesús yaykuruptinmi, chay yachachikuymanta discipulonkuna tapukurqaku.
18Hinaptinmi Jesusñataq nirqa:
¿Qamkunapas manachu entiendenkichik? ¿Manachu yachankichik imapas hawamanta yaykuqqa runata mana huchallichisqanta? 19Imapas mikusqanqa manam sonqonmanchu yaykun, aswanqa wiksanman yaykuspam letrinaman lloqsin, nispa.
Chaywanqa Jesusqa nichkarqa llapa mikuykunaqa limpio kasqantam. 20Jesusqa nirqataqmi:
Sonqomanta lloqsimuqmi runataqa huchallichin. 21Ukunmanta lloqsimuqqa runapa sonqonmantam lloqsimun. Chaymantam lloqsimun tukuy mana allin piensaykuna, aychapi qachachakuykuna, suwakuykuna, runata wañuchiykuna, 22waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna. 23Tukuy kay mana allinkunam sonqonmanta lloqsimuspan runata huchallichin, nispa.
Tiro llaqtayuq warmipa wawanta sanoyachisqanmanta
(Mt 15.21-28)
24Jesusmi chaymanta lloqsiruspan Tiro lawman rirqa. Chay llaqtapi kasqanta mana pipas yachananta munaspanmi huk wasiman yaykururqa, ichaqa manam imayna pakakuyta atirqachu. 25Chaypi kachkaptinmi, mana allin espiritupa huntasqan sipaspa maman yacharurqa, chaymi hamuruspan Jesuspa ñawpaqninpi qonqorakuykurqa. 26Chay warmiqa manam judiochu karqa, aswanqa Siria lawpi Fenicia llaqtayuqmi. Paymi Jesusta ruegakurqa wawanmanta demoniota qarqonanpaq.
27Jesusmi ichaqa nirqa:
Puntataqa warmakunaraqmi saksanan, manam allinchu warmakunamanta tantata qechuruspa allqokunaman wischuykuyqa, nispa.
28Chay warmiñataqmi nirqa:
Arí chaynam Señorlláy, chaywanpas mesapa ukunpi kaq allqokunapas warmakunapa wichichisqantam mikunku, nispa.
29Hinaptinmi Jesús nirqa:
Chaynata nisqaykiraykuyá hawkallaña ripukuy, demonioqa ñam wawaykimanta lloqsirunña, nispa.
30Wasinman chayaruspanmi wawanta camapi waqtapachkaqta tariykurqa, demoniopas paymantaqa ñam lloqsirusqaña.
Mana uyarikuq hinaspa wata-wata rimaq runata sanoyachisqanmanta
31Jesusmi Tiro lawmanta lloqsiruspan Sidón lawninta rispan Decápolis lawpi Galilea qochaman chayarurqa. 32Chaymanmi mana uyarikuq wata-wata rimaq runata aparamuspanku makinta churaykunanpaq ruegakurqaku.
33Jesusñataqmi runakunamanta sapaqman pusaruspan dedonkunawan chay runapa rinrinta wiqorurqa, hinaspam toqayninwan qallunta tupaykachirqa. 34Hinaspanmi altoman qawarispan qaparirqa:
¡Efata! nispan. Chayqa ¡kicharikuy! ninanmi.
35Hinaptinmi chay runapa rinrinkuna chaypunilla kicharikururqa, qallunpas paskakuruptinmi allintaña rimarqa. 36Jesusñataqmi chaypi kaqkunata kamachirqa ama pimanpas willakunankupaq, ichaqa chaynata kamachichkaptinpas aswanraqmi willakurqaku. 37Chaymi runakuna admirakuspanku nirqaku:
Jesusqa imatapas allintam ruwan, mana uyariqkunatam uyarichin, mana rimaqkunatapas rimachinmi, nispanku.
Nu markerat:
Marcos 7: RCHQ2
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Chuya Qellqa Revisión @ Sociedad Bíblica Peruana, 2012
