Marcos 14
14
Jesusta wañuchiy munasqankumanta
(Mt 26.1-5. Lc 22.1-2. Jn 11.45-53)
1 #
Ex 12.1-27. Iskay punchawllañam Pascua fiestapaq otaq mana levadurayuq tanta mikunanku fiestapaq faltachkarqa. Llapa Sacerdotekunapa kamachiqninkunawan Diospa leynin yachachiqkunañataqmi Jesusta engañollawan hapiruspa wañurachinankupaq tanteanakurqaku. 2Chaymi ninakurqaku:
Fiestapiqa ama hapisunchu, yanqañataq runakuna chaqwakunmanku, nispanku.
Jesusman perfumeta huk warmipa tallisqanmanta
(Mt 26.6-13. Jn 12.1-8)
3 #
Lc 7.37-38. Jesusmi Betania llaqtapi kachkarqa lepramanta sanoyaq Simonpa wasinpi. Chaypi mikuchkaptinmi huk warmi chayaramurqa rumimanta pomochapi achka qollqepa chanin perfume aparisqa, hinaspanmi chay pomochata pakiruspan Jesuspa umanman talliykurqa. 4Hinaptinmi chaypi kaqkunamanta wakiqninku piñakuspa ninakurqaku:
¿Imanasqataq kay achka qollqepa chanin perfumeta usurachin? 5Kaytaqa huk wata jornalpa chanin qollqepi rantikuruspam wakchakunata yanapanmanku karqa, nispanku.
Chaynata nispanku warmita qaqchaptinkum, 6Jesusñataq nirqa:
Upallaychik, ¿imanasqataq kay warmipa contranpi rimankichik? Payqa allintam ñoqapaq ruwarun. 7#Dt 15.11.Wakchakunaqa haykapikamapas qamkunawanmi kanqa, chaynapi munarisqaykichik hora yanapanaykichikpaq, ñoqam ichaqa manaña tukuy tiempochu qamkunawan kasaq. 8Kay warmiqa imam atisqantam ruwarun, cuerpoy pampasqa kananpaqmi perfumewanraq talliwaspan alistarun. 9Cheqaptapunim nikichik, kay pachapi maypipas Diosmanta allin noticia willakusqa kaptinmi kay warmipa ruwasqanpas willakusqa kanqa, chaynapi paymanta yuyarinankupaq, nispa.
Jesusta entregananpaq Judaspa ofrecekusqanmanta
(Mt 26.14-16. Lc 22.3-6)
10Judas Iscariotem Jesusta entregananpaq sacerdotekunapa kamachiqninkunawan rimaq rirqa, payqa chay chunka iskayniyuq discipulokunapa hukninmi karqa. 11Paykunam Judaspa nisqanta uyariykuspanku kusikurqaku hinaspam qollqeta paganankupaq prometekurqaku. Chaymantapunim Judasqa Jesusta imaynam entregaykuyta maskarqa.
Discipulonkunawan Jesuspa cenasqanmanta
(Mt 26.17-29; Lc 22.7-23; Jn 13.21-30; 1 Co 11.23-26)
12Mana levadurayuq tantata mikunanku fiestapa qallariynin punchawpim otaq Pascua carnerota wañuchinanku punchawpim, Jesusta discipulonkuna tapurqaku:
¿Maypitaq cenanaykipaq Pascua mikuyta ruwamusaqku? nispanku.
13Chaymi iskay discipulonkunata kamachirqa:
Llaqtaman rispaykichikmi puyñupi yaku apachkaq runawan tupankichik, payta qatispaykichikmi, 14maymi yaykusqan wasipa dueñonta ninkichik: “Yachachikuqmi nin: ¿Mayqan cuartopitaq Pascua mikuyta discipuloykunawan cenasaq?” nispa. 15Payñataqmi wasipa altosninpi hatun cuartota allichasqataña qawachisunkichik, chaypim mikunanchikpaq ruwamunkichik, nispa.
16Chay iskay discipulonkunam llaqtaman chayaruspanku, Jesuspa nisqanman hina tarirurqaku, hinaspam Pascua mikuyta ruwaramurqaku.
17Tutaykamuchkaptinñam chunka iskayniyuq discipulonkunapiwan Jesús chayaramurqa. 18Chaymi mikuspa tiyachkaptinku Jesús nirqa:
Cheqaptam nikichik, kaypi ñoqawan mikuqmantam hukkaqnikichik entregawanqa, nispa.
19Chaymi paykunañataq llakisqallaña sapakama tapukurqaku:
¿Ñoqachu? nispanku.
20Hinaptinmi Jesusñataq nirqa:
Qamkunamanta ñoqawan kuska platoman tanta challpuqmi. 21#Sal 41.9.Runapa Churinqa Qellqapa nisqanman hinam ripukunqa, ichaqa ¡imaynaraq kanqa traicionaqnin runaqa, amapas nacenmanchu karqa! nispa
22Mikuchkaptinkum tantata Jesús hapiykuspan Diosman graciasta qorqa, tantata pakiykuspanmi paykunaman kaynata nispan aypurqa:
Hapiychik, kaymi cuerpoy, nispa.
23Chaymantam vasota hapiykuspan Diosman graciasta qorqa, hinaspam paykunaman qoykuptin vasomanta llapallanku tomarqaku. 24#Ex 24.6-8.#Jer 31.31-34.Chaymi Jesús nirqa:
Kaymi qamkunawan musoq pacto ruwasqay yawarniy, kay yawarmi achkaqpa rantinpi chaqchusqa kanqa. 25Cheqaptapunim nikichik, manañam uvaspa rurunmantaqa tomasaqñachu Diospa munaychakuyninpi musoq vinota tomanaykama, nispa.
Jesusta Pedro negananmanta
(Mt 26.30-35. Lc 22.31-34. Jn 13.36-38)
26Himnokunata takiruspankum Olivos moqoman pasarqaku. 27#Zac 13.7.Chaypim Jesús nirqa:
Kunan tutam llapallaykichik saqewankichik, Chuya Qellqapim nichkan: “Michiqta wañurachiptiymi ovejakuna cheqerunqaku”, nispa. 28#Mt 28.16.Ichaqa kawsariramuspaymi qamkunamanta puntata Galileaman risaq, nispa.
29Pedroñataqmi nirqa:
Llapallankuña saqesuptikipas ñoqaqa manam saqesqaykichu, nispa.
30Chaymi Jesús nirqa:
Cheqaptam niki, kunan tutam manaraqpas utulu iskay kutikama waqachkaptin kimsa kutikama negawanki, nispa.
31Pedroñataqmi atipakuspan nirqa:
Qanwan kuskaña wañunay kaptinpas manapunim negasqaykichu, nispa.
Chaynallatam llapallan discipulonkunapas nirqaku.
Getsemaniypi Jesuspa mañakusqanmanta
(Mt 26.36-46. Lc 22.39-46)
32Getsemaniyman chayaruptinkum, discipulonkunata Jesús nirqa:
Diosta mañakamunaykama kayllapi tiyachkaychik, nispa.
33Hinaspanmi Pedrotawan, Jacobota chaynataq Juanta pusarikurqa, chaypim sinchi llakikuywan manchakuy payman yaykuykurqa. 34Chaymi paykunata nirqa:
Sonqoymi wañukunaypaq hinaña ancha llakisqallaña kachkan, chaynaqa kaypi qepaspayá rikchanpalla kachkaychik, nispa.
35Chaymantam waklawniqman pasaspan qonqorakuykuspan pampakama kumukuykurqa, hinaspam Diosta mañakurqa, sichu pay munaptinqa chay ñakarinan hora ama chayamunanpaq. 36Mañakuspanmi nirqa:
Taytalláy, qampaqqa tukuy imapas atinallaykim, kay ñakariymantayá libraykullaway, ichaqa amayá ñoqapa munasqaychu kachun aswanqa qampa munasqaykiyá, nispa.
37Discipulonkunapa kasqanman kutispanmi puñuchkaqta tariykurqa, chaymi Pedrota nirqa:
Simón ¿puñuchkankichu? ¿Manachu huk horallatapas rikchayta atirqanki? 38Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, aychaykichikmi ichaqa mana kallpayuq kachkan, nispa.
39Jesusmi huktawan rispan hina chaynallata mañakurqa. 40Huktawan Kutimuspanmi discipulonkunata puñuchkaqta tariykurqa. Puñuymi paykunata llumpayta intuykurqa, chaymi manaña ima niytapas atirqakuchu. 41Kimsa kaq kutipi mañakamusqanmanta kutiramuspanmi nirqa:
¿Hinallaraqchu puñuspa samachkankichik? Hinañayá kachun, runapa Churinta huchasapakunapa makinman entregananku horam chayaramunña. 42¡Hatariychik, hakuña! Traicionawaqniymi hamuchkanña, nispa.
Jesusta presochasqankumanta
(Mt 26.47-56. Lc 22.47-53. Jn 18.2-11)
43Jesús rimachkaptinraqmi Judas chayaramurqa, payqa chunka iskayniyuq discipulonkunapa hukninmi karqa. Paywanmi achkallaña runakuna hamurqaku espadayuqkama hinaspa kaspintinkama. Paykunaqa hamurqaku sacerdotekunapa kamachiqninkunapa, Diospa leynin yachachiqkunapa hinaspa ancianokunapa kachamusqankum. 44Judasmi chay runakunata kaynata yachachimurqa:
Pim muchaykusqay kaqtam hapinkichik, paytam ama kacharispa apankichik, nispa.
45Chaymi Judasqa Jesusman asuykuspan nirqa:
Yachachikuq, nispa. Chaynata niykuspanmi muchaykurqa.
46Hinaptinmi llapa runakunañataq Jesusta hapiruspa presocharurqaku.
47Ichaqa chaypi kaqkunamantam hukkaqninku, espadanta hurqoykuspan sumo sacerdotepa criadonpa rinrinta qorururqa. 48Jesusñataqmi chay runakunata nirqa:
¿Suwata hina hapiwanaykichikpaqchu espadayuqkama chaynataq kaspikuyuqkama hamurqankichik? 49#Lc 19.47; 21.37.Sapa punchawmi ñoqaqa templopi yachachispay qamkunawan karqani, ¿imanasqataq mana chaypiqa presochawarqankichikchu? Kaykunaqa pasakun Qellqapa nisqan cumplikunanpaqmi, nispa.
50Hinaptinmi llapa discipulonkuna Jesusta sapallanta saqeruspa ayqekurqaku.
Huk jovenpa lluptikusqanmanta
51Huk jovenmi sabanaswan wankikuykuspa Jesusta qatirqa. Paytam hapirurqaku. 52Ichaqa paymi sabanasta wikutispan qalalla lluptikururqa.
Jesusta cortepi tapupayasqankumanta
(Mt 26.57-68. Lc 22.54-55, 63-71. Jn 18.12-14, 19-24)
53Sumo sacerdotepa qayllanmanmi Jesusta pusarurqaku, chaypim llapa sacerdotekunapa kamachiqninkunawan, ancianokuna hinaspa Diospa leynin yachachiqkuna huñunakururqaku. 54Pedroñataqmi sumo sacerdotekunapa pationkama karu qepallanta qatirqa. Chaypim ninapi qonikuspan guardiakunawan kuska tiyaykurqa.
55Sacerdotekunapa kamachiqninkunawan cortepi kaqkunam Jesuspa contranpi tukuy imata maskarqaku, chaywan acusaspa wañuchinankupaq, ichaqa manam imatapas tarirqakuchu. 56Achka runakunam Jesuspa contranpi llullakuspa rimarqaku ichaqa rimasqankum mana tuparqachu. 57Wakiqninkum sayarispanku yanqamanta Jesusta acusaspanku kaynata nirqaku:
58 #
Jn 2.19. Kay runam uyarichkaptiyku nirqa: “Ñoqam runakunapa ruwasqan templota tuñirachisaq, hinaspam mana runapa ruwasqan templotaña kimsa punchawllapi hatarirachisaq”, nispan.
59Ichaqa chaynata nichkaptinkupas rimasqankuqa manam tuparqachu.
60Hinaptinmi sumo sacerdote hatarispan chawpinkupi sayaykuspan Jesusta tapurqa:
¿Manachu imallatapas rimarinki? ¿Imatataq kay runakuna contraykipi rimachkanku? nispa.
61Jesusmi ichaqa mana imatapas rimarispan upallalla karqa. Hinaptinmi sumo sacerdote huktawan tapurqa:
¿Qamchu kachkanki Diospa Churin Cristo? nispa.
62 #
Dn 7.13. Chaymi Jesusñataq nirqa:
Arí, ñoqam kani. Qamkunam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa hanaq pachamanta puyupi hamuchkaqta, nispa.
63Sumo sacerdoteñataqmi piñakuspanraq pachankunata llikipakuspan nirqa:
¿Imapaqñataq testigokunatapas munachwan? 64#Lv 24.16.Qamkunapas uyarichkankichikmi Diospa contranpi rimasqantaqa ¿imaninkichiktaq? nispa.
Chaymi llapallanku nirqaku: ¡Huchayuqmi, wañuchun! nispanku.
65Chaynata nispankum wakiqninku toqaykurqaku, wakinñataqmi ñawinta taparuspa takarqaku, hinaspam nirqaku:
Niykuwayku ¿pitaq takasuchkanki? nispanku.
Guardiakunapas uyanpim laqechurqaku.
Jesusta Pedro negasqanmanta
(Mt 26.69-75. Lc 22.56-62. Jn 18.15-18, 25-29)
66Uku patiopi Pedro kachkaptinmi sumo sacerdotepa criadan hamururqa, hinaspanmi Pedrota ninapi qonikuchkaqta rikururqa, 67hinaspanmi nirqa:
Qampas Nazaretmanta kaq Jesuswan puriqmi kachkanki, nispan.
68Pedroñataqmi nirqa:
Imatachá rimakunkipas, paytaqa manam reqsinichu, nispa.
Chaynata nispanmi punkuman lloqsirurqa, hinaptinmi utulu waqaramurqa. 69Huktawan rikuruspanmi chaypi kaqkunaman chay criada nirqa:
Kay runaqa Jesuspa puriqmasinmi, nispa.
70Pedrom ichaqa huktawan negakurqa. Tumpa unayllanmanmi chaypi kaqkunapas Pedrota nirqaku:
Cheqaptapunim paykunapa huknin kanki, qampas Galileamantam kanki, nispanku.
71Chaymi Pedroqa ñakaspanraq jurarqa:
Manam wak runataqa reqsinichu, nispa.
72Chayllamanmi utuluqa iskay kutitakama waqaramurqa hinaptinmi Pedro yuyarirurqa Jesuspa kayna nisqanta. Paymi nirqa: “Manaraqpas iskay kutita utulu waqachkaptinmi kimsa kutikama negawanki” nispa. Chayta yuyariruspanmi waqakuyta qallaykurqa.
Nu markerat:
Marcos 14: RCHQ2
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Chuya Qellqa Revisión @ Sociedad Bíblica Peruana, 2012
