Mateo 25
25
Chunka sipaskunawan rikchanachiymanta
1 #
Lc 12.35. Diospa munaychakuyninqa rikchakun chunka sipaskunamanmi. Paykunam mecheronkuta aparikuspa novio taripaq lloqsirqaku.
2Pichqam karqaku allin yachayniyuq sipaskuna, pichqañataqmi mana yachayniyuqkuna. 3Mana yachayniyuq kaqkunam mecheronkuta aparqaku, aceitetam ichaqa mana aparqakuchu. 4Allin yachayniyuq kaqkunañataqmi mecheronkutawan kuskata aceiteta aysakuchankupi aparqaku. 5Novio manaña chayarimuptinmi puñuy aysaykuptin lliw puñururqaku.
6Yaqa chawpi tutatam huk qayakuy uyarikamurqa: “¡Noviom hamuchkanña, chaskinaykichikpaq lloqsiychik!” nispa.
7Hinaptinmi chay sipaskunaqa hatarispanku mecheronkuta alistarqaku. 8Chay mana yachayniyuq sipaskunañataqmi yachayniyuq sipaskunata nirqaku: “Aceitekichikta rakiykuwayku, mecheroykum wañuruchkanña”, nispanku.
9Chaymi yachayniyuq sipaskunañataq nirqaku: “Qamkunaman qoykuptiykuqa yanqañataq llapanchikpaq pisirunman, chaynaqa rantikuqkunamanyá riychik rantimunaykichikpaq”, nispanku. 10Rantiq rinankukamam novio chayaramurqa, hinaptinmi yachayniyuq sipaskuna noviowan casamiento convidoman yaykurqaku. Yaykuruptinkum punku wichqakururqa.
11Chaymantam mana yachayniyuq sipaskunapas chayaramuspanku kaynata qayakurqaku: “¡Señor, señor, kichaykamullawayku!” nispanku. 12#Lc 13.25.Payñataqmi nimurqa: “Qamkunataqa manam reqsikichikchu”, nispa.
13Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.
Serviqninkunaman qollqeta saqeykuspan illaruq apumanta
14Diospa munaychakuyninqa rikchakun karuman illananpaq serviqninkunata qayaykuspa qollqenta saqeykuq apumanmi. 15Hukninmanmi qoykurqa pichqa wayqa qollqeta, hukninmanñataq iskay wayqa qollqeta, hukninmanñataqmi huk wayqallata. Atisqankuman hina sapakamaman qoykuspanmi illarurqa. 16Pichqa wayqa chaskiqmi chay qollqewan negociota ruwaspan pichqa wayqatawan mirarachirqa. 17Chaynataqmi iskay wayqa chaskiqpas iskay wayqatawan mirarachirqa. 18Huk wayqallata chaskiqñataqmi allpata uchkuruspan patronninpa qollqenta chaypi pakarurqa.
19Unaymantam chay sirvientekunapa patronnin kutiramurqa, hinaspam paykunamanta cuentata mañarqa.
20Pichqa wayqa qollqeta chaskiqmi pichqa wayqatawan apamuspan nirqa: “Señor, pichqa wayqallatam qowarqanki, ichaqa pichqa wayqatawanmi mirarachimuni”, nispa. 21Hinaptinmi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.
22Iskay wayqa qollqeta chaskiqpas chayaramuspanmi nirqa: “Señor, iskay wayqallatam qowarqanki, kay iskay wayqatawanmi mirarachimuni”, nispa. 23Chaymi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.
24Huk wayqa qollqellata chaskiqpas chayaramuspanmi nirqa: “Señor, yacharqanim piña-piña runa kasqaykita, qamqa mana tarpusqaykitam cosechanki, mana wayrachisqaykitam huñukunki. 25Chayraykum manchakuspay qollqekita allpa ukupi pakarurqani, kayqaya qollqekiqa imam kaqlla kachkan”, nispa. 26Hinaptinmi patronninñataq nirqa: “Qella, mana imapaq valeq sirviente, mana tarpusqayta cosechaq chaynataq mana wayrachisqayta huñukuq kasqayta yachachkaspaykiqa, 27qollqeytaqa bancomanchiki churamuwaq karqa, chaynapi kutimuspay mirayniyuqta chaskikunaypaq”, nispan.
28Hinaspam yanapaqninkunata kamachirqa: “Qechuspaykichik chay qollqeta chunka wayqa qollqeyuqman qoychik. 29#Mt 13.12; Mr 4.25; Lc 8.18.Kapuqniyuqmanqa aswanraqmi qosqa kanqa, chaynapi aswan kapuqniyuq kananpaq; mana kapuqniyuqmantam ichaqa aslla kapuqninpas qechusqa kanqa. 30#Lc 19.11-27.#Mt 8.12; 22.13; Lc 13.28.Chay mana imapas ruway yachaq sirvienteta hawaman, tutayaypa kasqanman wischumuychik; chaypim waqakuywan kiru kirichichiyllaña kanqa”, nispan.
Lliw nacionkunata Cristo juzgananmanta
31 #
Mt 16.27. #
Mt 19.28. Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa, 32hinaptinmi llapachallan nacionkuna qayllanman huñunakamuptinku payñataq hukninkumanta hukninkukama rakinanqa, imaynam huk michiq cabrakunamanta ovejakunata rakisqanta hina. 33Ovejakunatam alleqninman rakinqa, cabrakunatañataqmi ichoqninman.
34Hinaspanmi chay Reyqa alleqninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik. 35Qamkunaqa yarqaymanta kaptiymi mikuykachiwarqankichik, yakumanta kaptiymi yakuta qoykuwarqankichik; runapa llaqtanpi puriptiymi samaykachiwarqankichik. 36Mana pachayuq kaptiymi pachaykachiwarqankichik, onqoptiymi watukaykamuwarqankichik, carcelpi kaptiymi watukaykamuwarqankichik”, nispa.
37Hinaptinmi allin ruwaqkuna ninqaku: “Señor, ¿haykapitaq yarqaymanta kaptiki mikuykachirqaykiku? ¿Haykapitaq yakumanta kaptiki yakuta qoykurqaykiku? 38¿Haykapitaq runapa llaqtanpi puriptiki samaykachirqaykiku? ¿Haykapitaq mana pachayuq kaptiki pachaykachirqaykiku? 39¿Haykapitaq onqoptiki otaq carcelpi kaptiki watukaykamurqaykiku?” nispanku.
40Hinaptinmi Reyñataq ninqa: “Cheqaptapunim nikichik, pipas kay wawqeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.
41Ichoqniypi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.
42Yarqaymanta kaptiypas manam mikuykachiwarqankichikchu, yakumanta kaptiypas manam tomaykachiwarqankichikchu.
43Runapa llaqtanpi puriptiypas manam samaykachiwarqankichikchu, mana pachayuq kaptiypas manam pachaykachiwarqankichikchu, onqoptiypas hinaspa carcelpi kaptiypas manam watukuykuwarqankichikchu”, nispa.
44Hinaptinmi paykunañataq ninqaku: “Señor, ¿haykapitaq yarqaymanta, yakunayasqata, runapa llaqtanpi, mana pachayuqta, onqosqata otaq carcelpi kachkaqta rikuspa mana yanapaykurqaykikuchu?” nispanku.
45Chaymi payñataq ninqa: “Cheqaptapunim nikichik, sichum kaykunamanta taksan kaqllapaqpas mana ruwaspaykichikqa ñoqapaqpas manam ruwarqankichikchu”, nispa.
46 #
Dn 12.2. Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.
Nu markerat:
Mateo 25: RCHQ2
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Chuya Qellqa Revisión @ Sociedad Bíblica Peruana, 2012
