Kuyamba 28
28
1Pamwepo Isaki adachemela Jakobho nkumudalisa, adati kwayiye, “Leka kuloola nkazi wachi Kenani. 2Yenda, ku Padhanamu kunyumba kwa Bhetuyeli apayi waamayi wako, ukaloole kumweko m'bodzi wawana wa Labhani mano waamayi wako. 3Mulungu Nyam'phamvu zentse ngaakudalise akupase wana azinji, kuti m'badwe wako uwande ukhale nawanthu azinji. 4#Kuya 17:4–8Ngaapeleke madaliso ya Abhurahamu kwayiwe, nakum'badwe wako, kuti azatole dziko lawukukhala ninga mulendo, lidapasiwa Abhurahamu na Mulungu.” 5Nakutenepo Isaki adayendesa Jakobho ku Padhanaramu, kwa Labhani mwana wa Bhetuyeli mu Aramu, mano wa Rabheka, amayi wa Jakobho na Esau.
Esau aniloola munango nkazi
6Tsapano Esau adadziwa kuti Jakobho adadalisiwa, achimuyendesa ku Padhaniramu kuti akaloole kumweko, paadamudalisa adamuwuza kuti, “Leka kuloola nkazi wachi Kenani.” 7Esau adadziwa kuti Jakobho adatetekela apayi wake naamayi wake nkuyenda ku Padhaniramu. 8Pamwepo Esau adadziwa kuti apayi wake akhafuna lini akazi wachi Kenani. 9Pamwepo Esau adazayenda kukhana Ishimayeli mwana wa Abhurahamu, kwaadakaloola mwana wake wachitsikana akhachitiwa Mahalati nana wa Nebhayoti.
Maloto ya Jakobho pa Bheteli
10Jakobho adachoka pa Bheeri-shebha nkuyenda ku Harani. 11Paadafika pambuto inango, adagona pamwepo usiku umwewo. Jakobho adatola mwala wachilemela pambuto imweyo, adatsamila nkugona. 12#Yoh 1:51Paakhadagona tenepo, adalota pachita mathambiko, yakhadayimisiwa padziko, yachifika kudzulu. Adawona ngilozi za Mulungu zichikwila nakubuluka pamathambikoyo. 13#Kuya 13:14,15Chawuta akhadayima padzulu pamathambiko yamweyo, iye adati, “Ndine Chawuta, Mulungu waapayi wako Abhurahamu na Mulungu wa Isaki, mbuto yawudagona ndayipasa kwayiwe nawana wako. 14#Kuya 12:3; 22:18M'badwe wako un'zawanda kulingana napfumbi lapadziko. An'zamwazikila kumadziko yentse yakumabveladzuwa nayakumadokelo kufika nachakudzulu mpaka kunyantsi. Wanthu wentse an'zadalisiwa nathangwe lako iwe nam'badwe wako. 15Wona, ndina iwe, nin'zakuchinjiliza kwentse kwawun'zayenda. Nin'zakubwezela pomwe mudziko lino. Nin'zakusiya lini mpaka ndachita bzandidalewa kwayiwe.”
16Jakobho adapalamuka kutulo nkuti, “Chawuta ali pambuto ino, koma ine ndikhalibe kudziwa.” 17Pamwepo iye adaphatiwa namantha nkuti, “Mbuto ino in'gopsa! Infunika kukhala nyumba ya Mulungu. Uwu ninsuwo wakudzulu!”
18Nakutenepo Jakobho adalamuka machibese-bese, nkutola mwala wachilemela waakhadatsamila nkuwuyimisa nkuthulula mafuta padzulu pawene. 19Mbuto imweyo adayipasa dzina lakuti Bheteli,#28:19 Bheteli muchi Hebheru bzinilewa kuti nyumba ya Mulungu. koma dzina laguta limwelo likhali Luzi pakuyamba. 20Tsapano Jakobho adalumbila adati, “Mulungu akanditsogolela, akandichinjiliza pawulendo wangu wandikuyenda, akandipasa chakudya nabzakubvala, 21ndichibwelela pomwe kumuyi kwaapayi wangu mwan'delekho, Chawuta an'zakhala Mulungu wangu. 22Mwala wachilemela uwu, wandayimisa, pan'zakhala nyumba ya Mulungu, nin'zapeleka chakhumi pabzentse bzamun'zandipasa.”
Nu markerat:
Kuyamba 28: KUNDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Bhaibheri reChikunda © Bible Society of Zimbabwe