THILTHAWHAI 26
26
Agrippa hmaa Paulain a thiemna thu a hril
1Chun, Agrippa chun Paula kuoma chun, “I thiemna thu hril thei i tih,” a ta. Chun, Paula chun a kut a phar a, a thiemna thu a hril a,
2“Lal Agrippa, Judahaiin an mi hêkna po poa ka thiemna thu vawisûn hin i hmaa ka hril ding lei hin lâwmin kân hriet;
3hi hi ka lâwmna tak chu a nih; Judahai laia dân le thubuoi po po kawnga i var ngawt lei hin; chuleiin, muongtaka mi ngai pêk dingin ka ngên che.
4A tîra, ka naupang laia inthawk ka chihai lai le Jerusalema ka um dân kha Judahai po poin an hriet a.
5 #
Tt 23.6; Phil 3.5 A tîra inthawka ka chanchin an hriet a, khânga ei sakhuo pâwl kher- mei tak dân pângngaia Pharisaia ka um kha; an nuom phawt chun an mi hrilpui thei a nih.
6Chun, Pathienin ei thlatuhai kuoma thu a tiem kha beisei kawng thuah tuhin hitaka hin rorêlpêk dingin ka ngîr hi;
7chu thutiem chu, ei hnam sâwm le pahniin, a sûn a zâna Pathien rawng ṭhahnemngaitaka bâwlin hmu an beisei hlak. Aw, lalpa, chu beiseina lei chun Judahaiin an mi hêk a ni hi.
8“Pathienin mithihai a keitho ti hi iengdinga awium nawa in ruot am a na?
9 #
Tt 8.3; 22.4-5 Kei khawmin Nazareth Isu hming kal zâwngin thil tamtak thaw lang ṭhain ka ring hlak a.
10Chuongang chu Jerusalemah ka thaw bawk hlak; chun, thiempu lalhai kuomah thu ka hmuh a, mi inthienghai laia mi tamtak intângna inah ka khum bawk hlak a; chun, an sukhlum laiin sukhlum remti tieng ka ṭhang bawk hlak a.
11Chun, inkhâwmna in tinah ka hrem rawp hlak a, Pathien inhril- siettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.
Paulain a piengthar thu a hril
(Tt 9.1-9; 22.6-16)
12“Chuong ang thaw dingin, thiempu lalhai thu hmuin le, an tirna lekha chawiin, Damaskaah ka feh a;
13chun, i aw, lalpa, ka fe laiin, sûnbu fâk pha a nih, vâna inthawkin var ieng amanih, nisa nêka var lem kei le ka fepuihai vêla chun varin ka hmuh a.
14Chun, kan rêngin hnuoiah kan tluh a, Hebrai ṭawngin, ‘Saula, Saula, iengdinga nangin i mi suknawmna am a na? Sunna hmawl khêng chu i ta dingin a na ie,’ tiin râwl ka hriet a.
15Chun, keiin, ‘Tu am i na Lalpa?’ ka ta. Lalpa chun, ‘Isu i suknawmnat hi ka nih.
16Nisienlakhawm, tho la, ngir rawh; hieng i thil hmuhai le, i kuoma ka inlarna ding thilhai leh chu rawngbâwla le hretua siem ding chein, i kuomah ka hung inlâr a ni hi.
17Mi po po le Jentailhai kuta inthawkin sanhim ka ti che.
18An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.
Paulain Judahai le Jentailhai hmaihmaa a chanchin a hrilna
19“Chuleiin, lal Agrippa, vâna mi inlâr chu ka sêl nawh a,
20 #
Tt 9.20,28-29 a tîrin Damaskaa mihai kuomah, chu hnunga chun Jerusa- lema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.
21Chuong lei chun, Judahaiin Pathien biekinah an mi man a, mi sukhlum an tum a.
22Nisienlakhawm, Pathiena in- thawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril loin;
23 #
1 Kor 15.20; Is 42.6; 49.6 khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.
Paulain ring dingin Agrippa a ngên
24Chun, chuong anga a thiemna thu a hril laiin, Festa chun rawl inringtakin, “Paula, în vêt a nih, în chûk tamin a sukvêt che a nih,” a ta.
25Nisienlakhawm, Paula chun, “Festa ṭhatak, kân vêt nawh ie; thu indiktak le thu vartak ka hril lem a ni hi.
26Hieng thu hi lal hin a hriet annâwm, a kuoma khawm ṭi loin ka hril hi; hieng thil hi a kuomah iengkhawm ip a ni nawh ti indiktakin ka hriet deh, hieng hi in kila thaw a ni si nawh a.
27Lal Agrippa, zâwlneihai thu i awi am? I awi ti ka hriet,” a ta.
28Chun, Agrippa chun Paula kuomah, “Sâwtnawtê chau mi thlêm a, Kristiena mi siem i tum a ni hi,” a ta.
29Paula chun, “Sâwt sienla, sâwt naw sienla, nang chau ka ti nawh a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve loin,” a ta.
30Chun, lal leh, Bawrsâp leh, Berniki le an kâwla ṭhunghai le chun an tho tâwl a;
31chun, a tumin an feh a, an inbiek a, “Hi mipa hin thina le kawl bunna khawp rau iengkhawm thil a lo thaw luo naw hi,” an ta.
32Chun, Agrippain Festa kuom- ah, “Hi mipa hin Kaisar kuoma intlun lo tiem ta naw chu ni sienla, a suok el ding bah,” a ta.
Nu markerat:
THILTHAWHAI 26: HMARCLBSI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
