THILTHAWHAI 24
24
Paula an hêkna thu
1Chun, ni nga chenah Thiempu Laltak Anani a hung tlung thlah a, upa tuhai amanih leh, a hming Tertulla thuhril thiem pakhat leh; chun, Paula chunga thupawi chu Bawrsâp kuomah an hril a.
2Chun, Paula chu an ko suok hnung chun, Tertulla chun ama a hêk phut a, “Felik ṭha tak, nangma zârin thlamuongtakin kan um lei le, i enkawl leia hi chihai ta dinga suolhai chu khap ṭhata a um hlak leiin,
3kumkhuoin khâwlai khawm lungawitakin kan lâwm hlak.
4Iengkhawm ni sienla, i ta dinga nghawkum taluo ni ka nuom nawh a, I nunnêmnain thu baukhat ruok chu mi ngaipêk dingin ka hni che a nih.
5Hi mipa hi mi theidaumtak, khawvêla Judahai po po chawkbuoitu le, Nazareth pâwla a ṭhuoitu pakhat a nih ti kan hriet a.
6Pathien biekin sukthieng naw a tum bawk a, chuleiin, kan man a nih; [kan dân anga a chungthu rêl kan nuom a,
7nisienlakhawm, sipai hotu tak Lusia a hung a, ka kuta mi chu a hung ṭhuoi lui tah a.
8Ama hêktuhai chu i hmaa inlang ding thu a pêk bawk a.]#Ziekna ṭhena chun Ch.6 na chenvea inthawk Ch.8 na chenve chen hi a ṭhang nawh Nang ngeiin suosal la, kan hêkna thil po po hi amaa inthawkin hre thei i tih,” a ta.
9Judahai khawm chun, “Chuong thu chu chuong ang tak chu a nih,” tiin an lo ṭhangpui a.
Felik hmaa Paulain a thiemna thu a hril
10Chun, Bawrsâp chun thu hril dinga Paula chu kuta a zâp phingleh, ama chun, “Nang kum tamtak hi chihai rorêl pêktu i nih ti ka hriet leiin lâwmtakin ka thiemna thu ka hril ding a ni hi.
11Jerusalema Pathien be dinga ka hang fe chen chu ni sâwm le pahni bâk la ni naw nih ti hre thei i tih.
12Pathien biekina khawm, inkhâwmna inahai khawm khuoa khawm tukhawm ka sêl le mipui kân fui annîn an mi hmu bawk nawh,
13tu khawm hin an mi hêkna thu hi i hrietah a bula inthawkin sui suok thei bawk naw ni hai.
14Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwl- neihai lekhabua ziek po po ringin.
15Chun, mi fel le felnaw thonâwk- na um a tih ti Pathien tieng ka beisei a, hienghai khawm hin chu chu an awi ve bawk si.
16Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.
17 #
Tt 21.17-18
Chun, kum tamtak hnunga hin ka chipuihai lai thilpêk ding chawiin, inthâwina inhlân dingin ka hung a.
18Chuong lai chun, mipui le, nasêtum um loin, Pathien biekinah insukthiengin an mi hmuh a.
19Nisienlakhawm, chutaka chun Asia rama mi Juda tuhai amanih an um kha, chuonghai chun ka chungah thu an nei chun, hitaka hin i hmaa umin an mi hêk ding a nih.
20Annawleh, hienghai ngei hin rorêltu hmaa ka ngîr lai khan, ka suksuol ieng am an hmuh a, hril raw hai se,
21 #
Tt 23.6
anni laia ngîrin, hi thu baukhat, ‘Mithi thonâwkna thuah vawisûn hin in hmaah suosalin ka um a ni hi,’ ka ti lei kha a ni nghâl naw chun,” a ta, a dawn a.
22Chun, Felik chun Lam thu chu a hriet fel deu leiin, “Sipai hotu laltak Lusia chu a hung tlung thla pha in thu la rem ka tih,” tiin a sie ta hrih a.
Khumlâwknaah Paula an sie
23Chun, Paula chu duot deua, a ruolhai rawngbâwlpêk khap loa invêngtir dingin sipai za hotu chu thu a pêk a.
24Chun, ni iengzât chena manih Felik chu a hung nâwk a, a nuhmei Drusilla Juda nuhmei leh, Paula chu ân kotir a, Krista Isu ringna thu chu a ngai a.
25Paula chun, felna thu dâm, insûm thu dâm, ro a la rêl ding thu dâm ṭhahnemngaitaka a hril laiin Felik chun ṭium a ti bêk a, “Fe nâwk phawt ta rawh, hun remchâng ka nei pha ko ka ti che,” a ta.
26Paulain tangka a pêk a beisei bawk a, chuleiin, a ko inzing deu a, a biek hlak a nih.
27Chun, kum hni ân vawi hnungin Porkia Festain Felik chu a thleng tah a; Felik chun Judahai laia hmingṭhat a nuom a, Paula chu khuop#Rsv. “Intângna ina khumin,” ti a nih sain a mâksan tah a.
Nu markerat:
THILTHAWHAI 24: HMARCLBSI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
