Populära bibelverser från Boskopuman 2

Dela

Petrus piki den taki: “Un mus drai un libi, èn un mus teki dopu ini a nen fu Yesus Kristus, fu un kisi pardon fu un sondu. Dan Gado sa gi unu a Santa Yeye.

Den ben e tan hori na a leri fu den boskopuman fu Yesus èn den ben e libi leki wan nanga makandra. Sosrefi den ben nyan èn begi nanga makandra tu.

Dan ala den sma kon furu nanga a Santa Yeye èn den bigin taki ini tra tongo leki fa a Santa Yeye ben wani fu den taki.

Dan wantron so den yere wan babari kmopo fu heimel leki te wan tranga winti e wai. A ben furu a heri oso pe den ben de. Ne den si fa wan sani leki pikinpikin faya panya go tapu a ede fu ibriwan fu den. Dan ala den sma kon furu nanga a Santa Yeye èn den bigin taki ini tra tongo leki fa a Santa Yeye ben wani fu den taki.

Ala dei den bribisma ben e kon makandra ini a mamakerki. Den ben nyan na makandra oso nanga prisiri èn nanga wan krin ati. Den ben e prijse Gado, èn a heri folku ben e lespeki den. Ala dei Masra ben e tyari moro sma di A ferlusu, kon na a grupu.

Na so Gado e taki: Na ini den laste dei Mi sa meki Mi Yeye kon tapu ala sma. Den manpikin nanga den umapikin fu unu sa taki leki profeiti. Den yonguwan fu unu Mi o sori sani, èn den owruwan fu unu Mi o gi dren.

Ala den sma di ben teki bribi, ben e kon makandra èn den no ben e hori noti gi densrefi. Den ben e seri san den abi dan den prati a moni. Ibri sma ben kisi san a ben abi fanowdu.

Dan Mi sa ferlusu ala sma di e kari a nen fu Masra.”

A son o kon dungru èn a munkenki o kon redi leki brudu fosi a bigi prenspari dei fu Masra doro.