Populära bibelverser från LUKE 4

Dela

Sa tu vei au na Yalo i Jiova, Ni sa lumuti au ko koya me’u vunautaka nai tukutuku-vinaka vei ira era sa dravudravua; Me’u vunautaka na sereki vei ira na bobula, Kei na rai tale vei ira era sa mataboko, Me’u vakalalagataki ira era sa mavoa, Me’u vunautaka na yabaki vinaka i Jiova.

A sa vosa vua ko Jisu, ka kaya, Mo lako ki dakuqu, Setani: ni sa volai, Mo vakarokoroko vei Jiova na nomu Kalou, ia mo qaravi koya duaduaga.

A sa vosa vua ko Jisu, ka kaya, Sa volai, Ena sega ni bula na tamata e na madrai duaduaga, sa bula ga e na vosa kecega ni Kalou.

Ia ni sa sinai ko Jisu e na Yalo Tabu, sa lesu tale mai na Joritani, a sa kauti koya na Yalo Tabu ki na loma ni veikau

A sa vosa ko Jisu, ka kaya vua, Sa kainaki, Mo kakua ni vakatovolea vakaca na nomu Kalou ko Jiova.

Ia ni sa vakaotia kecega na dauvere na tevoro, sa lako tani vua ka yacova e dua na gauna.

A sa tuberi koya na tevoro ki na dua na ulu-ni-vanua cecere, a sa vakaraitaka vei koya vakasauri sara na veimatanitu kecega e vuravura. Sa qai kaya na tevoro kivei koya, A lewa ni ka kecega oqori ka’u na solia vei iko, kei na kedrai ukuuku talega, ni sa soli vei au, ia ka’u sa solia vei koya yadua ka’u sa via solia kina: ia kevaka ko na vakarokoroko vei au, ena nomu kecega. A sa vosa vua ko Jisu, ka kaya, Mo lako ki dakuqu, Setani: ni sa volai, Mo vakarokoroko vei Jiova na nomu Kalou, ia mo qaravi koya duaduaga.

A sa kauti koya ki Jerusalemi, ka vakatikora e na taba ni vale ni soro, a sa kaya vua, Kevaka ko sa Luve ni Kalou, mo rika sobu eke; ni sa volai, Ena vakaroti ira na nona agilose ko koya e na vukumu, me ra maroroi iko: ia Era na keveti iko e na ligadra, De dua na siga sa tavutu kina na yavamu e na vatu. A sa vosa ko Jisu, ka kaya vua, Sa kainaki, Mo kakua ni vakatovolea vakaca na nomu Kalou ko Jiova.