Populära bibelverser från Jovan 1

Dela

A sarijenđe kola priminde le, kola verujinena ano lesoro anav, dinđa pravo te oven e Devlesere čhave.

Ko anglunipe inele o Lafi, hem o Lafi inele e Devleja, hem o Lafi inele o Devel.

Adava svetlost svetlini ani tomina hem i tomina na prelelja le.

I o Lafi ulo manuš hem alo te živini maškar amende. Amen dikhljam lesiri slava, i slava e jekhore Čhavesiri kova alo e Dadestar. Ov inele pherdo milost hem čačipe.

Prekalo lestei ćerdo sa so postojini, hem bizo lesoro ništa nane ćerdo. Ano leste inele o dživdipe hem adava dživdipe inele svetlost e manušenđe.

Tejsa dive o Jovan dikhlja e Isuse sar avela nakoro leste, i phenđa: “Ače o Bakroro e Devlesoro kova cidela o grehija e svetosere!

Ov inele ko sveto hem o sveto prekalo leste inele ćerdo, ali o sveto na pendžarđa le. Alo ani pli phuv, ali olesere manuša na priminde le.

A okova kovai e čačipnasoro svetlost, so osvetlini đijekhe manuše, alo ko sveto.

Adalese soi o Zakoni dindo prekalo Mojsije, a i milost hem o čačipe ale prekalo Isus Hrist.