Populära bibelverser från EXODUS 9

Dela

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

BAWIPA nih Moses cu a thawh i, “Va kal law Faro cu, Hebru mi hna Pathian BAWIPA nih, ‘Ka mi cu an ka biak nakhnga kalter hna.

Nangmah le na mi hna cung i rai tlunter awkah ka kut kha rak samh ning law nan rak lo dih cikcek cang hnga.

nan saṭil cungah rai ṭihnung ka tlunter lai: nan rang si hna seh, nan laa si hna seh, nan kalauk si hna seh, nan caw si hna seh, nan tuu si hna seh, nan meheh si hna seh, an cungah rai ka tlunter lai. Israel mi hna saṭil le Izipt mi hna saṭil kha ka thleidan hna lai i Israel mi ta a simi cu pakhat hmanh an thi lai lo.

Ngai hmanh, thaizing atu tikah hin rial ngan pipi ka tlakter ciammam lai i cu bantuk rial cu Izipt ram a thawhkehnak in ahohmanh nih an hngalh bal lomi rial an si lai. Cucaah hmun lawng i a ummi nan saṭil vialte le thilri vialte hna kha dornak a ngeimi hmun ah chia dih hna u tiah nawl pe hna. Khuhzarh a ngei lomi vialte kha, mi si hna seh, saṭil si hna seh, rial nih cun a tlak hna lai i an thi dih lai,” a ti,’ tiah va chim,” a ti.

Izipt ram dihlak cungah khan leidip bantukin an zuang lai i a khuazakip ah minung cung le saram cungah hma an chuahter lai,” a ti. Cucaah meiphu vutcam kha an i ṭhuam i Faro hmaiah cun an dir; Moses nih khan thli lakah cun a hlonh i minung cung le saram cungah hma kha an chuahter.