Populära bibelverser från EXODUS 10

Dela

BAWIPA nih Moses cu a thawh i, “Faro sinah va kal. Khuaruahharmi thil hi an lakah ka tuah khawh nakhnga caah amah le a bawi pawl cu an lung ka ṭhawnter cang hna. Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in BAWIPA ka si kha nan hngalh lai,” a ti.

BAWIPA nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti. Moses nih a kut cu van leiah khan a hler i Izipt ram chung dihlak ah cun ni thum chung muihnak a chah ngaingaimi a tlung. Izipt mi cu pakhat le pakhat an i hmu kho lo i ni thum chung ahohmanh an inn in a chuak kho an um lo. Asinain Israel mi an umnak ah khan cun ceunak a um ko.

Cun Moses nih a ṭhiangṭhunh cu a hler i BAWIPA nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna. Izipt ram chungah cun an lut ciammam i ram cu a pumpi khah in an khat. Cu zat khaubawk cu an hmu bal hna lo i hmailei zongah an hmu bal ti hna lai lo.