Populära bibelverser från O LUKAS 14

Dela

”Nako o nyawa yoböa Ngohino, mä iholoi imïdora manga ayo, manga ama, mangahekata, mangangoha-ngohaka, mangariadodoto, maboboloi mangadiri mahirete, önanga yakunua yodadi ihinöninïki.

O nyawa yolu-oluku yamoku manga salib deʼ ihi nïki Ngohi, yakunua yodadi ihinö ninïki.

Hababu moi-moi o nyawa ihikurutil̄e manga diri aha yahitipokouku, mä ihitipokouku manga diri aha yahikurutil̄e.”

Wohibobaha o Yesus wotemo, ”Hoko genangoli de ngini. Moiua nginioka womatëngo wakunu wodadi ihinöninïki, nako ünanga womahidöakua hagala mata-mata de aihininga magahumu.”

Nako nginioka womatëngo womau wohi goko o dumule yogöa-göana manga ngï o gahumu moi, marai ünanga aha wogogeruku waetongo ihira hokokia ma amoko ai tiwi wohi päke, hupaya ünanga wanäko boteka ai tiwi kayadono hiädono waböto yogöa-göana manga ngï gënanga ekola kowali. Hababu nako inyata ünanga wabötua, ena hioko mahohol̄e idiaioka, done o nyawa mata-mata yamäke o manarama gënanga aha yögogiete. Onanga aha yotemo, ’Ei, o nyawa nënanga wohigoko, mä kowabötua!ʼ

Hoʼ, maöraha okia ngona nodiai o rameanga, näahoko o mihikini manyawa, o nyawa manga röehe itö totomua, o nyawa yolugu-lugu deʼ o nyawayopilo-piloko. Ngona aha inihibarakati, hababu o nyawa ge önanga aha yakunua yabalahi anioa-oa. Ani oa-oa aha ma Jou Madutu wabalahi maorahoka o nyawa maoa-oa yohone-honengoka de yomomikoli.”

”O gahi mawaja gënanga yaoa, mä nako idadi iakere, kai dadi igahioli? Koiwaka mafaidä kayaoa o dumule ihipäke kayaoa o tonaka mahouru. Hoʼ kayaumo dika. Nako de niangauku, ni ihene!”