Populära bibelverser från Yaya 1

Dela

Eebe wagangga'lek aret wonogogwaarak kwe, it ando iniki at oba panggombunuk, abet mbako nogogwaarik, waganeegwaarak nogo yorage logonet, “Kit mondok-mondok Ala apuri aret logomunggup o,” yinuk, it abok at apuri aret aganabeegerak.

O maan aa'nduk togon mbogut-nggween wakkaga'lek kagak at Wone nogo aret wonagagerak. Wone nogo ti, Ala imbirak aret wonagagerak. Ndi, Wone ti, Ala aret wonagagerak.

Eya nogo nen o apit me eya eeke menggerak. Ndi, o apit nogo nen o eya nogo o apit eerogo pega'lek aret wonage menggerak.

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Ala nen at Wone nogo yoge kagak, mbogut-nggween yi mendek ndi mendek abok aret wakkagagerak. Yi mendek ndi mendek wakkagagerak nogo at lek kagak, wakkoolik o. Aakumi ineenik eeginake menggerak alom at aret wonagagerak. Ndi, ineenik eeginake menggerak alom ti nen aakumi inikime eya eeginake menggerak.

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

At o nggween paga yime wambi wage nagagerik, wonagagerak. O mbogut-nggween yi, at aret wakkagagerak kwe, it aakumi nggween paga yime menggaarak nogo at yelok kaga'lek aret wonogogwaarak. At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Eya abe mendek o nggween paga yime unggwi wage logomenggerik, yi aap ndi aap inikime eya eeginake logorak nogo aret wambi wagagerak.

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.